Skip to main content
76

Dette jobopslag er udløbet

Royal Arctic Line A/S akissarsialerisussarsiorpoq

Akissarsialerineq misilittagaqarfigiviuk suliffeqarfimmilu annertuumik allanngoriartorfiusumi sulinissaq pilerinartippiuk? Taamaappat immaqa illit suleqatitaassarivatsigit?

 

Sulisoqarnermut immikkoortortaqarfimmi sulissaatit, Sulisoqarnermik Akissarsialerinermillu suliaqartut katillugit qulingiluaasut suleqatigalugit. Immikkoortortaqarfimmi sulisoqarnermut tunngasunik suliaqartut qanimut suleqatigissavatit.

 

Aqutsisunut suleqatitut piginnaasalittut inissisimanerput suliassatta pingaarnersaraat, suliassallu naammassinissaannut sullerissuseq, suliassamut pikkorissuseqarluarneq siulliuniartuunerlu qiutinneqarput.

 

Tamakku saniatigut suleqatigiilluarnissaq, pitsaasunik angusaqarnissamut pingaaruteqarluinnartutut isigisarput, ukkataraarput.

 

Atorfik pillugu

Suleqatitaassatta akissarsialerivik suliffeqarfiup avataaniittoq suleqatigalugu Kalaallit Nunaanni qaammammusialinnut akissarsialerineq isumagissavaa, makku ilanngullugit:

  • Naligiissaarinerit akiliuteqarnerillu,
  • Akileraarutit nalunaarutigineri
  • Soraarnerussutisiassanut tunngasunik suliaqarneq
  • Immikkoortortaqarfimmi suliakkiissutit assigiinngitsut

Akissarsialerinermi periaatsit akuerisaasut malillugit akissarsialerineq ingerlanneqassaaq. Akissaatit pillugit isumaqatigiissutit malittarisassallu akissarsialerinermut attuumassuteqartut malinnaaffiginissaat atorfimmut ilaavoq.

Qinnuteqartumut naatsorsuutigisavut:

Sulilersussap akissarsialerinermi suliassat qaffasissumik pitsaassusilimmik naammassineqartarnissaannik qulakkeerinnittarnissaa, nakkutilliinernik tamanik malinninnissaa kiisalu piffissaliussanik eqquutitsisarnissaa naatsorsuutigineqarpoq.

 

Tamatuma saniatigut:

·       Niuernermik ilinniarfimmi ilinniagaqarneq imaluunniit aningaasaqarnerup iluani assingusumik piginnaanngorsarfiusumik misilittagaqarneq

·       Akissarsialerivimmi sulineq misilittagaqarfigivat aamma/imaluunniit suliassat naatsorsuuserinermut tunngassuteqartut

·       Akissarsiassat pillugit paasissutissanik paasissutissanillu inunnut ataasiakkaanut tunngassuteqartunik suliaqarninni isertuussisinnaallutillu inuttut tatiginartuuvutit

·       Namminersorlutit sulisinnaavutit, suliniuteqallaqqissuullutit namminerlu aamma immikkoortortaqarfiup suliassaanut anguniagaanullu pitsaasumik suliniuteqartuullutit

·       Pitsaassutsimik pingaartitsisuuvutit, peqqissaartuullutit suliassannillu aaqqissuussillaqqissuullutit

·       Sulininni IT-kkut sakkussanik akissarsialerinermullu systeminik assigiinngitsunik atuillaqqissuuvutit Excelilu atorlugu suliaqarneq sungiusimallugu

  • Attaveqateqallaqqissuuvutit suleqatinullu, suliffeqarfimmi suliffeqarfiullu avataani soqutigisalinnut nalinginnaasumik sullissillaqqissuullutit

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat allat

Atorfik pillugu paasisaqarnerorusukkuit HR-manager Kattie Pedersen oqarasuaatikkut 349151-imut imaluunniit Sulisoqarnermut siunnersorti Mikael Kofoed oqarasuaatikkut 34 91 74-imut attaveqarfiginissaannut tikilluaqqusaavutit.

 

E-mailikkut qinnuteqaatit tiguneq ajorpagut, nittartakkatsinniit qinnuteqassaatit.

 

Atorfininneq: sapinngisamik piaarnerpaamik
Qinnuteqarfissaq kingulleq: aprilip 23-ani 2020
Qinnuteqaatit: ingerlaavartumik suliarineqartassapput
Oqaloqatigiinneq: Oqaloqatiginninnerit Nuummi ingerlaavartumik ingerlanneqassapput

 

Atorfik ugguuna qinnuteqarfigiuk