Skip to main content
137

Dette jobopslag er udløbet

Royal Arctic Line A/S akissarsialerisussamik pissarsiorpoq

Akissarsialerinermik misilittagaqarpit, aammalu suliffeqarfik annertuumik allanngorarfiusoq suliffigisinnaaviuk? Taava immaqa illiuvutit suleqatitaassarput?

 

Nuummi qitiusumik allaffeqarfitsinni akissarsialerinermut immikkoortortaqarfimmi akissarsialerisussamik pikkorissumik ingerlaannaq sulilertussamik ujaasivugut.

 

Atorfik pillugu
Suleqatitaassatta Kalaallit Nunaanni akunnermusialinnut akissarsialerinermik ingerlatsineq tigummisarissavaa, tassunga ilaallutik naligiissaarinerit, akiliinerit, akileraaruseriffimmut naligiissaarinerit, soraarnerussutisialerinermik isumaginninneq, suliassallu assingusut. Akissarsialerinerup ingerlanneqarnera akissarsialerinermi suleriaatsit akuerisat malillugit pissaaq. Atorfimmut ilaavoq aningaasarsianut isumaqatigiissutit malittarisassallu atuuttut akissarsialerinermut attuumassutillit eqqumaffiginissaat malinnaaffiginissaallu.

 

Sulisortaassap namminersorluni suliassat pingaarnerit suliassaqarfiillu allat assigiimmik suliarisassavai.

 

Qinnuteqartumut naatsorsuutigisavut:
Sulisussarput naatsorsuutigaarput akissarsialerinerup iluani pitsaassutsimik qaffasissumik suleriutsimik qulakkeerinnittassasoq, misissuinerit malilluarlugit, piffissarititarlu qaangernagu naammassinnittassasoq.

Taassuma saniatigut naatsorsuutigaarput:

  • Niuernerup iluani ilinniarsimanissaq imaluunniit aningaasaqarnermut tunngatillugu piginnaasaqarneq misilittagaqarnermik tunaartalik.
  • Akissarsianik naatsorsuusiornermi/naatsersuuserinermilu suliaqarnermik misilittagaqarneq
  • Paasissutissanik ingerlateqqeqqusaanngitsunik akissarsialerinermi inuillu paasissutissaataannik suliaqarnermi paaqqutarinnilluarsinnaavutit
  • Namminersorsinnaassuseqarputit, suliassanik ujartuisuullutit namminerlu suliassannut immikkoortortaqarfiullu suliassaannut anguniagaannullu pitsaasumik suleriuseqarlutit
  • Pitsaassutsimik ilisimaarinnilluarputit, suminernut eqqumaffeqarlutit suliassatillu tulleriiaarluarsinnaallugit
  • IT-mi atuisinnaassuseqarluarputit akissarsialerinermilu IT-kkut atortorisat sulininni atorluarsinnaallugit, Excel-imillu suliaqarneq sungiusimallugu
  • Attaveqallaqqissuuvutit sullisserusussuseqartuullutit suleqatinnut aammalu suliffeqarfiup iluani/avataani soqutigisaqaqatigiinnut

 

Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

Pinerlussimannginnermut uppernarsaat
Qinnuteqartut tamarmik pinerluuteqarsimannginnermik uppernarsaammik takussutissaateqarnissaat piumasarineqarpoq.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput COO Ivalu Kleist, tlf. 34 92 03, imaluunniit Teamleder Natuk Berthelsen, tlf. 34 91 86 attaviginerisigut.

 

E-mailikkut qinnuteqaatit tiguneq ajorpagut

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: 25. Maj 2021

Qinnuteqaatit: Ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk