Skip to main content
104

Dette jobopslag er udløbet

Royal Arctic Line A/S Aasianni sulliviup aqutsisuanut erninermut atatillugu sulinngiffeqartumut taartaasussarsiorpoq

Erninermut atatillugu sulinngiffeqartumut Aasianni terminalip sulliviani piffissami killilimmi taartaasussarsiorpugut, 2020-mi februaarip aallaqqaataanit septembarip 30-anut. Nunap immikkoortuani umiarsualivimmut pisortap ataani atorfeqarlutit sullivimmi ulluinnarni aqutsisuussaatit.

 

Suliassat tassaanerupput:

  • Aasianni sullivimmi ulluinnarni aqutsineq ingerlatsinerlu
  • Umiarsuaatileqatigiiffimmi najoqqutassat malillugit iluarsaatassanik pilersaarusiorneq atortunillu assakaasulinnik aserfallatsaaliuineq
  • Umiarsualivimmi atortorissaarutit iluarsaatassat allat pilersaarusiorneq
  • Reeferinik upalungaarineq

 

Qinnuteqartumut naatsorsuutigisat:

Suliatigut piginnaasat

  • Mekanikeritut ilinniagaqarneq – entreprenørmekanikeriuguit iluassaaq
  • Aqutsisutut misilittagaqarneq iluassaaq -piumasaqaataananili
  • IT-mik nalinginnaasumik atuisinnaaneq (Microsoft Office pakken)
  • Tuluit oqaasiinik suliatigut atuisinnaaneq
  • Marluinnik oqaaseqarneq, kalaallisut/danskisut iluassaaq, piumasaqaataananili

 

Inuttut piginnaasat

  • Immikkoortortaqarfimmi suliassanik ilusilersuillaqqissuseqarlutit suliaqassaatit
  • Sulisunik ullormi ulapaarfiusumi kajumissuseqalersitsisinnaavutit aqutsisutullu tunniusimasuullutillu inussiarnersuuvutit
  • Ajornartorsiutinut aaqqiissuteqallaqqissuuvutit suleriaatsillu pisariaqarfiisigut pitsanngorsarnissaannut piumassuseqarlutit

 

Neqeroorutigisagut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Pinerlussimannginnermut uppernarsaat

Qinnuteqartut tamarmik pinerlussimannginnermut uppernarsaammik piumaffigineqassapput.

 

Paasissutissat sukumiinerusut

Atorfik pillugu paasisaqarnerorusukkuit nunap immikkoortuani umiarsualivimmi pisortaq Magseranguaq S. Albinus oqarasuaammut +299 89 49 40-mut saaffigineqarsinnaapput.

 

Qinnuteqaatinik e-mailikkut tigusineq-ajorpugut, nittartakkatsinniit qinnuteqassaatit.

 

Atorfininneq: piaarnerpaamik, qinnuteqartorli uatsinnut tulluarnerutitarput utaqqisinnaavarput.
Qinnuteqarfissaq kingulleq: decembarip aqqarngani 2019
Qinnuteqaatit: ingerlaavartumik suliarineqassapput
Oqaloqatiginninnerit: oqaloqatiginninnerit ingerlaavartumik ingerlanneqassapput

 

Atorfik ugguuna qinnutigiuk