Skip to main content
106

Dette jobopslag er udløbet

Nuummi Royal Arctic Line A/S-ip nassiussaleriffia speditørimik/agentimik sulisussarsiorpoq

Namminersorlutit, akisussaaffeqarfiusumi unammillernartulimmilu sulisinnaavit? Naleqqussallaqqissuuit anguniagaqallaqqissuullutillu? Piffissani ulapaarfiusuni sukannersunillu piffissaliussaqarfiusuni sulisinnaavit? Taava immaqa Nuummi nassiussaleriffimmi suleqatitaassarivatsigit.

 

Suliffeqarfimmi ineriartupiloortumi atorfimmik neqerooruteqarpugut. Immikkoortortaqarfimmi suleqatigiilluarnermik ikioqatigiilluarnermillu ukkataqartumi atorfinissinnaavutit. Suleqatitaassatsitut nammineq issittumi assartuinernik tuniniaasartutut assartugalerisutut kiisalu Nuummi umiarsualivimmi umiarsuarnik sullissisartutut piginnaasaqarnikkut unammillerneqassaatit. 

 

Suliassat tassaanerussapput:

·       Kalaallit Nunaanni assartuinernik pilersaarusiornerit tuniniaanerillu (oqarasuaatikkut ornigunnikkullu)

·       Assartuinermi ilanngaaserinermilu uppernarsaasersuutinik suliaqarneq

·       Umiarsuarnik takornariartaatinik umiarsuarnillu allaneersunik sullissineq

·       Sulitaareersut sullittaligassallu sullinneri isumaginerilu

 

Qinnuteqartumut naatsorsuutigisagut:

·       Speditøritut ilinniagaqartoq imaluunniit tamatumunnga assingusumik misilittagaqartoq

·       Atuisunut aamma sullissinermik soqutigisaqartoq – ulapiffiuttaaq nalaani

·       Assartugalerinermut systeminik suliaqarneq nassiussanillu navianartunik isumaginninneq ilisimasaqarfigereerukkit iluassaaq

·       Tuluttut allattariarsornermi oqaluttariarsornermilu piginnaasaqarluarneq

·       Nunanik allanik suleqateqarfiusumi sulinissamut kajumissuseqarneq, taamaattumillu atorfimmut atatillugu angalasarsinnaanissaat naatsorsuutigissavat

·       Nammineerluni sulisinnaassuseqartoq tulleriiaarisinnaasorlu

·       Biilimik ingerlatsisinnaanermut allagartalik

·      Piffissat suliffiusussat eqqarsaatigalugit allanngorartoqarsinnaaneranut ammasoq, pigaartuunermullu aaqqissuussinermut peqataalluarsinnaasoq

 

Ulluinnarni assartuinermik umiarsualivimmilu umiarsuarnik kiffartuussinermik suliaqartutut atorfillit qulit suleqatigissavatit, aammali tuniniaanermik suliaqartassaatit assartugaleriffimmi aqutsisoq peqatigalugu.

 

Neqeroorutigaavut

Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititerneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

 

Paasissutissat sukumiinerusut
Atorfik pillugu apeqqutissaqaruit assartugaleriffimmi aqutsisoq Gorm Diernisse oqarasuaatikkut +299 34 92 80 / 52 38 18-imut attaveqarfigineqarsinnaavoq.

 

E-mailikkut qinnuteqaatinik tigusineq ajorpugut. Nittartagarput aqqutigalugu qinnuteqassaatit.

 

Atorfininneq: Sapinngisamik piaarnerpaamik, qinnuteqartorli uagutsinnut tulluarneq utaqqisinnaavarput

Qinnuteqarfissaq kingulleq: Novembarip 18-iat 2020

Qinnuteqaatit: Ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk