Skip to main content
119

Dette jobopslag er udløbet

Nuummi Royal Arctic Line A/S-ip assartugaleriffia sulisussarsiorpoq

 

Suleqatigissaarfiusumi ulapaarfiusumilu nammineerlutit suliaqarsinnaavit? Akisussaaffeqarfiusumi, unamminartumilu sulerusussuseqarpit naleqqussallaqqissuullutillu? Ataqatigiissaarillaqqippit suleqatitillu peqatigalugit naammassisaqarsinnaassuseqarlutit?

 

Suliffeqarfimmi ineriartupiloortumi atorfimmik neqerooruteqarpugut. Immikkoortortaqarfik suleqatigiilluarnermik ikioqatigiilluarnermillu ukkataqartumi atorfinissinnaavutit. Suleqatitaassatsitut nammineq issittumi assartuinernik tuniniaasartutut assartugalerisutut kiisalu Nuummi umiarsualivimmi umiarsuarnik sullissisartutut piginnaasaqarnikkut unammillerneqassaatit. 

 

Suliassat tassaanerussapput:

  • Kalaallit Nunaanni assartuinernik pilersaarusiornerit tuniniaanerillu (oqarasuaatikkut ornigunnikkullu)
  • Assartuinermi ilanngaaserinermilu uppernarsaasersuutinik suliaqarneq
  • Aasaanerani umiarsuarnik takornariartaatsinik umiarsuarnillu allaneersunik sullissineq

 

Qinnuteqartumut naatsorsuutigisagut:

  • Speditøritut ilinniagaqartoq imaluunniit tamatumunnga assingusumik misilittagaqartoq
  • Atuisunut aammalu sullissinermik soqutigisaqartoq – ulapiffiuttaaq nalaani
  • Nammineerluni sulisinnaassuseqartoq tulleriiaarisinnaasorlu
  • Biilernermut allagartalik
  • Oqaatsinik pingasunik atuisinnaasoq (kalaallisut, danskisut tuluttullu) Kalaallit Nunaanniluunniit pissutsinik ilisimasaqartoq soqutigisaqartorlu
  • Ilanngaaserinermik suliassanik ilisimasaqartoq IT-milu atortunik nutaanik pilertortumik ilisimasaqalersinnaasoq
  • Piffissat suliffiusussat eqqarsaatigalugit allanngorartoqarsinnaaneranut ammassoq
  • Lima-mik aammalu GAT Ship-imik suliaqareersimanissaq aammalu AX-imik ilisimasaqarnissaq

 

Ulluinnarni assartuinermik umiarsualivimmilu umiarsuarnik kiffartuussinermik suliaqartutut atorfillit arfinillit suleqatigissavatit, kisianni aamma tuniniaanermik suliaqartassaatit assartugaleriffimmi aqutsisoq peqatigalugu.

 

Neqeroorutigaavut

Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititserneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

 

Paasissutissat sukumiinerusut
Atorfik pillugu apeqqutissaqaruit assartugaleriffimmi aqutsisoq Gorm Diernisse mailikkut: god@ral.gl oqarasuaatikkulluunniit +299 34 92 80 / 52 38 18-imut attaveqarfigineqarsinnaavoq.

E-mailikkut qinnuteqaatinik tigusineq ajorpugut.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: Apriilip 24-at 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk