Skip to main content
88

Dette jobopslag er udløbet

Nuummi allaffeqarfitsinnut teknikkimut tunngasunut nakkutilliisussarsiorpugut

Akisussaaffeqartitaaneq tamatigoortunillu suliaqarneq kajuminnartippigit? Nunattalu niueqatigiuminarnerulersinnissaa suleqataaffigerusuppiuk? Taava atorfimmik pissanganartumik neqeroorfigisinnaavatsigit.

 

Ingerlatsinermut pisortamut akisussaassuseqarlutit illit ingerlatsinermut immikkoortortaqarfimmi suleqataasut allat peqatigalugit Nuummi aamma Aalborgimi ingerlatsinermut tunngasut tamaasa isumagissavasi suliffeqarfissuup umiarsuaataanut aamma immikkoortunut allanut tunngatillugu. Suliassaqarfik siammasissuuvoq tamatigoortuullunilu, taamaattumillu suliffeqarfiup avataani suliffeqarfimmilu soqutigisallit annertuumik attaveqarfigalugit sulissaatit.

 

Suliassatit tassaanerupput:
Suliassatit tassaapput Royal Arctic Linep umiarsuaataanut immikkoortuinullu allanut tamanut teknikkikkut kiisalu ingerlatsinermut aserfallatsaaliuinermullu tunngasunik ikiuinissap isumaginissaa. Taamaammat aaqqissuussaasumik sulisinnaassaatit ulapiffimmilu eqqissimaniarsinnaassallutit.

 

Suliassat umiarsuarnik ingerlatsinermut tunngassuteqartut assigiinngisitaartut pilersaarusiornissaat ataqatigiissaarnissaat, piffissaliussanillu malinnaatitsinissaq qulakkeerinninnissarlu akisussaaffigissavatit. Taamaammat suleqatiginnillaqqissuunissat naatsorsuutigisannillu piumasaqaatigisannillu ersarissumik paasiuminartumillu paasissutissiisarnissat pingaaruteqarpoq.

 

Tamakku saniatigut aamma ilaatigut suliassarissavatit:

  • Umiarsuaatileqatigiiffiup umiarsuaataanik nakkutilliineq misissuinerlu, amusinissanik pilersaarusiornerit ingerlannissaallu ilanngullugit
  • Suliffeqarfissuup umiarsuaataani isumannaallisaaneq sulinermilu atukkat pillugit ingerlaavartumik malinnaatitsineq nutarterinerlu
  • Missingersuusiorneq naatsorsuutinullu ingerlaavartumik malinnaatitsineq
  • Umiarsuaatileqatigiiffiup umiarsuaataanik ingerlatsinermut tunngatillugu suliffeqarfissuarmi immikkoortortaqarfinnik suliaqarfinnillu allanik ikiuineq suleqateqarnerlu, atorfimmut atatillugu angalasarnissaq naatsorsuutigineqassaaq
  • Umiarsuaatileqatigiiffiup upalungaarsimatitaanut peqataaneq

 

Qinnuteqartumut naatsorsuutigisavut:
Imarsiornerup iluani ilinniagaqarneq, soorlu assersuutigalugu maskinmesteritut, skibsingeniøritut, imaluunniit allamik ilinniagaqarneq, teknikkimut tunngasunut nakkutilliisutut atorfeqarnissamut ilinnut piginnaasaqalersitsisutut isigisannik. Ilinniarninnut atatillugu umiartorsimaguit iluaqutaassaaq. 

 

Imaassinnaavoq ukiunik marlussunnik misilittagaqartutit, ilinniakkannilli naammasserlaajuguit qinnuteqarnissannut aamma tikilluaqqusaakutsoorputit. Pingaarnerpaarli tassaavoq nutaanik ilinniagaqarnissat kajuminnartissagakku, aamma angusanik pitsaasunik tunniussinissaq pingaartissavat, imminut aqussinnaalluarlutit suleriaaserisannilu piumassuseqqortuujullutit.

 

Iluaqutaassaaq:

  • Umiarsuaatileqatigiiffinni sulinermut ilisimasaqarneq, umiarsuarnut tunngatillugu teknikkimut allaffissornermullu tunngasunut malittarisassat inatsisillu ilanngullugit
  • IT-mut piginnaasaqarluarneq (Office pakken), aamma iluaqutaassaaq Lotus notes, Microsoft AX, AMOS, Sertica, Seahealth ilisimasaqarfigigukkit.
  • Avatangiisini ulapiffiusuni sulinissat nuannarivat, suleqatigiinnermillu pitsaasumik pingaartitsisuullutit, pingaartumik suleqatit akornanni – imarsiortut nunamiittullu
  • Danskit tuluillu oqaasii atorlugit allassinnaallutillu oqalussinnaavutit (Kalaallisut atuisutut oqalussinnaaguit iluaqutaalluassaaq).

 

Neqeroorutigaavut:
Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissitsiterneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

Teknikkimut tunngasunut nakkutilliisoqatigiit suleqataaffigilissavatit, ulluinnarnilu suliassat qanittumik suleqatigiissutigalugit naammassisassavai.

 

Paasissutissat amerlanerusut
Atorfik pillugu paasisaqarnerorusukkuit attaveqarfiginissatsinnut tikilluaqqusaavutit. Piffissami 10-07-2020 – 20-07-2020 Sulisoqarnermut siunnersorti Signe Hybholt +299 34 91 52-ikkut, piffissamilu 20-07-2020 – 06-08-2020 Ingerlatsinermut pisortaq Anders Bay Larsen +299 34 91 25-kkut attaveqarfigineqarsinnaapput.

 

E-mailikkut qinnuteqaatinik tigusineq-ajorpugut, nittartakkatsinni ujaruk.

 

Atorfininneq: sapinngisamik piaarnerpaamik, qinnuteqartorli uatsinnut tulluarneq utaqqisinnaavarput.
Qinnuteqarfissaq kingulleq: Aggustip arfernani 2020
Qinnuteqaatit: ingerlaavartumik suliarineqassapput
Oqaloqatiginninnerit: ingerlaavartumik ingerlanneqassapput

 

Atorfik ugguuna qinnuteqarfigiuk