Skip to main content
63

Dette jobopslag er udløbet

Nuuk Container Terminalimut usilersuinermi ataqatigiissaarisussarsiorpugut (Dispatcher)

Nuummi umiarsualivittaami ulappuppugut, taamaattumillu umiarsualiviup allaffianut pikkorissunik piumassusilinnillu arlalinnik suleqatissarsiorpugut. Umiarsualivik ineriartorfiupiloorpoq, taamaammat umiarsualiviup allaffiani sulisut ullut tamaasa suliarisartagaannut pissanganartorpassuarnut sulisunik amerlanerusunik pisariaqartitsivugut. Dispatcherip pingaarnertut suliassaraa umiarsuit containerilersuutit usilersornerini usingiarnerinilu umiarsualivimmi ullormut suliaqarfiit nakkutigissallugit. Tamatuma saniatigut dispatcherip aamma maskiinanik ingerlatsisunut suliassanik agguaassisassaaq, kiisalu suleqatigiit aqutsisuat suleqatigalugu terminalimi tamakkiisumik naammassisaqarsinnaanissaq isumannaallisaanissarlu anguniarlugit umiarsuit terminalillu suliaqarfigineri aqutsisuuffigissallugit.

 

Suliassat pingaarnerit:

  • Umiarsuarnik usingiaanermik usilersuinermillu aqutsineq
  • Umiarsualerinermi usilersuinissat usingiaanissallu systemimi aaqqissornissaat 
  • Containerinik umiarsuarnukartunik poortuinissaq pillugu quersuup attaveqarfiginissaa
  • Nassiussanik tigusinissaq tunniussinissarlu pillugit gatep attaveqarfiginissaa

 

Ilinnut naatsorsuutigisavut:

  • Namminersorlutit sulisinnaallutillu suleqatikkuminartuussaatit
  • Systemit suliassallu nutaat ilinniarnissaannut ilisimasaqarfigilernissaannullu kajumissuseqassaatit
  • Assartugalerinermik pilersaarusiornermillu ilisimasaqarluassaatit
  • IT-mut systeminik ilisimasaqarluassaatit nassiussanillu aqutsinermut systemit misilittagaqarfigigukkit iluassaaq
  • Misissuillaqqissuussaatit, ataqatigiissaarillaqqissuullutit, kisitsisilerillaqqissuullutit nalunaaruteqartarnermillu ajornartorsiutinillu aaqqiissutissarsiullaqqissuullutit
  • Kalaallisut danskisullu oqaluttariarsornikkut allattariarsornikkullu piginnaasaqassaatit, tuluillu oqaasii atuisutut atorsinnaassallugit
  • Nikerartumik sulisinnaassaatit
  • Suliartortuaannartuussaatit

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasisaqarnerorusukkuit:

Atorfik pillugu paasisaqarnerorusukkuit Nunap immikkoortuini umiarsualivinnut pisortaq Daniel Danielsen attavigisinnaavat oqarasuaat: +299 349122 imaluunniit Laila Nielsen: oqarasuaat: +299 349126.

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.

 

Atorfininneq: Sapinngisamik piaarnerpaamik
Qinnuteqarfissaq kingulleq: februaarip 28-ani 2020
Qinnuteqaatit: Ingerlaavartumik suliarineqassapput
Oqaloqatiginninneq: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk