Skip to main content
126

Dette jobopslag er udløbet

Nittartakkamik ineriartortitsinermik suliaqartussamik Nuummi Royal Arctic Line A/S pissarsiorpoq

 

Nittartakkamik suliarinnittussamik tunniusimasumik pikkorissumillu Nuummi Royal Arctic Linemi pisariaqartitsivugut. Sumik sammiveqanngitsunik torersaassinissaq suleqatigiinnilu sulinissaq pingaartitarigukku, taava nutaanik pissanganartunillu unammilligassaqartippatsigit.

 

Royal Arctic Linemi suleqatit pikkorissut immikkut ilisimasallit umiarsuaatileqatigiiffiullu it-mi atortorissaarutaannik ingerlatsinermut akisussaaffillit suleqatigilissavatit, qitiusumik umiarsualivitsinni (Nuummittup Aalborgimiittullu) saniatigut Kalaallit Nunaanni umiarsualiviit 13-it, soorunalumi umiarsuaatigut massakkuugallartoq 11-iusut it-qarnerat tigummisarivaat. Ulluinnarni ingerlatsinermi suliassat suliarisarpagut, tassuma ataani pisut (incidents), it-mi ajornartorsiutit, allannguuteqarnerillu, taamatullu aamma assinganik eqeersimaartumik peqataasarpugut teknologimut tunngassutilinnut suliniutinut, qulakkeerumallugu aqulluakkamik patajaatsumillu aaqqiissutitta ingerlannissaat. Teknologiit assigiinngitsut sulinitsinni atortarpagut, pingaarnertulli suliffeqarfiup qitiusumik atugai Cisco, Microsoft, Citrix aamma VMware OS-imiittoq atornerusarlutigit

 

Suliassatit

Pingaarnertut suliassaqarfigissavat nittartakkatsigut kiffartuussinerit nalunaarsuutillu pilersaarusiorfiginissai, ingerlannissai eqaallisarnissaalu umiarsualiviit iluini, taakku saniatigut suliassat makkuupput:

 

  • ITIL (pisut, ajornartorsiutit, allannguutit) malillugu ingerlatsineq aserfallatsaaliuisarnerillu
  • Ajoqutinik iluarsaasarnerit ataqatigiissaarinerillu suleqatit aammalu atortunik pilersuisut peqatigalugit
  • Piginnaasanik, isumannaallisaanermik pitsaassutsinillu nakkutilliinerit
  • Ingerlatsinermut atasumik uppernarsaatinik ileqquusunillu/suleriaatsinillu malinnaatitsinerit
  • Ikiuinermik suleqatigiinni 2. level ressourcetut peqataaneq

 

Piginnaasat

Nittartakkanik kiffartuussinermi ineriartortitsinermilu ataqatigiissaarisutut suliffeqarfiit akornanni misilittagaqartuussaatit aammalu qarasaasiakkut attaveqarnerup iluani soorlu MS SQL-imi ikkussuinikkut misilittagaqartuullutit, kiisalu Microsoft Serversystiimit iluani tunngaviusumik ilisimasariaqakkat pigissallugit. Taakku saniatigut iluaqutaassaaq SAP Crystal Report ilisimasaqarfigigukku misilittagaqarfigalugulu. Suliassatigut piginnaasassatit taamaattumik ima isikkoqassapput:

 

  • Nittartakkatigut kiffartuussinermi inerisaanermut allaffissornermullu misilittagaqarneq
  • CMS-ip (Umbraco) ilusilersornissaanik misilittagaqarneq
  • Nalunaarusianik pilersitsineq assersuutigalugu MS SQL-ikkut
  • Software release management-ip tungaatigut misilittagaqarneq
  • Microsoft Server OS aamma IIS (2012R2, 2016) tungaasigut misilittagaqarneq

 

Danmarkip, Kalaallit Nunaata sinerissallu akornanni angalalaartarnissat naatsorsuutigisinnaavat - assersuutigalugu suliniutinik atuutilersitsinermut allanullu atatillugu.

 

Inuttut piginnaasaqarfigisassatit
Namminersorlutit sulisinnaassaatit pingaartillugu suliat piffissaliussaq eqqorlugu naammassineqartarnissaat. Tamannalu pingaartissavat inuugavit akisussaaffimmik pitsaassutsimillu pingaartitsillunilu ataqqinnittuusoq.

 

Neqeroorutigaagut

Immikkoortortaqarfimmi suleqatigiinnermik anersaaqarfiusumi qasukkarfiusumillu oqaloqatigiiffiusumi suliffik pitsaasoq ineriartorfiusorlu. Tatigeqatigiinneq ammasumillu pissuseqarneq tunngavigalugit ingerlaavartumik toqqaannartumillu oqaloqatigiinnikkut suliffeqarfiup pitsaasup iluatsitsiffiulluartullu anguneqarsinnaanera upperaarput. Akissarsiat illit piginnaaneqarninnut naleqqussagaasut aammalu suliatigut inuttullu piginnaaneqarnikkut ineriartornissamik periarfissaqartitsineq neqeroorutigaagut.

 

Atorfik soqutigigukku apeqqutissaqaruilluunniit suleqatigiinni aqutsisup attaveqarfiginissaanut tikilluaqqusaavutit uunga:

 

Michael Williams +45 99 30 32 78.


Qinnuteqaatit e-mailikkut nassiussat tigusinnaanngilagut


Atorfininnissaq: Sapinngisamik piaartumik
Qinnuteqarnissamut killigititaq: 20. marts 2019
Qinnuteqaatit: Ataavartumik suliarineqassapput
Oqaloqatiginninnerit: Nuummi ingerlanneqassapput

 

Atorfik ugguuna qinnuteqarfigiuk