Skip to main content
156

Dette jobopslag er udløbet

Kujataani umiarsualivinnut pisortaq

Aalajangiisarneq taakkununngalu akisussaaffeqarneq sungiusimavigit?
Taava immaqa illerpiaq
Qaqortumi umiarsualivimmi pisortartaassarivatsigit.

Umiarsualivimmi pisortassamik namminersorsinnaasumik suleriallaqqissumillu, suliffeqarfimmi pissanganartumi nutaaliaasumilu ulluinnarni assigiinngisitaartunik suliaqarfiusumi sulilerusuttumik Qaqortumi piaartumik atorfinittussamik pissarsiorpugut.

Royal Arctic Line inuiaqatigiit kalaallit nunarsuup sinneranut atassusernissaannut qitiusumik inissisimalluni atuuffeqarpoq. Umiarsualivimmilu pisortatut najukkami inuiaqatigiit kiffartuunnissaannut pingaarutilimmik inissisimassaatit ulluinnarnilu ingerlatsineq siuttuuffigalugu umiarsuaatileqatigiiffiup Qaqortumi sinniisaatut aamma inissisimassallutit.

Attaveqaasersuuteqarnermi pingaarutilimmik inissisimavugut inuiaqatigiillu kalaallit inuussutissarsiutinillu ingerlataqartut nunatta avataanit nioqqutissanik atortussanillu pilersorneqarnissaat – uagullu nioqqutissiatta avammut nioqquteqarnermi niuerfinnut apuunneqarnissaat qulakkeertussaavarput.

Suliassat tassaanerussapput: 

  • Allaffissornikkut suliassat, ilaatigut tassaasut: missingersuutinik malinnaatitsineq aningaasartuutinillu akuersisarneq.
  • Terminalip ingerlanneqarneranut qullersatut akisussaaffeqarneq, assartukkanut uppernarsaasiorneq kiisalu assartukkanut akiligassiissusiorneq. 
  • Royal Arctic Linep umiarsuaataanik umiarsuarnillu aqqusaartunik allanik umiarsualerineq
  • Sullitanik sullissineq
  • Umiarsualivimmi oqartussaanermik isumaginninneq
  • Umiarsuaatileqatigiiffiup naleqartitai tarrarsorfigisinnaavatit taakkulu atorlugit immikkoortortaqarfinni peqataatitsillutit, aqutsillutit kajumilersitsillutillu.

Ilinnut naatsorsuutigisavut:

Suliatigut piginnaasat

Atorfimmit assingusumit aqutsinermik misilittagaqarnissat naatsorsuutigaarput. Aqutseriaatsinnilu suliassanik pingaarnersiuisinnaassaatit suliassanillu agguaassisinnaallutik. IT-mik atuisutut ilisimasaqassaatit. Kalaallisut, danskisut tuluttullu attaveqateqarsinnaassaatit.

Inuttut piginnaasat

Niuernermik paasisimasaqarluartuuvutit, tamatumunngalu peqatigitillugu maligassiuisuullutit sulisunik kajumilersitsillutillu akuutitsisinnaavutit. Ammasumik unneqqarissumillu oqaloqateqarsinnaavutit, aamma aalajangiinerit nuannarineqarpallaanngitsut pillugit. Ilikkagaqapallattarputit – allannguutinullu naleqqussarsinnaallutit, sulinermilu avatangiisini ulapaarfiusuni sulineq sungiusimallugu. Suliassanik agguaassinissaq ajoriffissaqartinngilat – angusanullu malitseqartitsinissaq pikkoriffigalugu.

Suliassat sukkasuumik naammassineqarnissaat isumagisinnaavat – angusaqarluarnissarlu ukkatarisinnaalluarlugu. Ajornartorsiutinik siumugaqaraangavit aaqqiissutissarsiullaqqissuuvutit. Aalajaatsumik pissuseqarputit uppernartumillu attaveqaqatigeeriaaseqarlutit.

Neqeroorutigisinnaasavut

Suliffeqarfik pitsaasoq soqutiginartorlu, sullivik najoruminartoq – suleqatit suliassaminnut kajumittut unammilligassallu pissanganartut. Suliffeqarfik niuernermi pissutsit malillugit akissarsiaqartitsisartoq atorfeqartitaanermilu atugassarititaasut allat pitsaasumik atugaqartitsisut suliffimmut illillu piginnaatsinnut naapertuuttut. Suliffeqarfimmi nukittuumi, aqutsinermik, ineriartortitsinermik sulisuminillu pikkorissaanissamik pingaartitsisumi atorfininnissaq neqeroorutigisinnaavarput.

Pillagaasimannginnermut allagartaq

Piukkunnaateqartut tamarmik pillagaasimannginnermut pillagaasimanermulluunniit allagartamik naammaginartumik takutitsisinnaasariaqarput.

Paasissutissat allat

Atorfik pillugu annertunerusumik paasisaqarusukkuit Johannes Lyberth uunga attavigineqarsinnaavoq +299 52 14 58 aamma Aningo Broberg +299 52 72 73.

Atorfininneq: Atorfik piaarnerpaamik inuttalerusunneqarpoq, eqqortumilli atorfinitsitsinissaq utaqqisinnaavarput.

Qinnuteqaatit: Qinnuteqaatit ingerlaavaartumik suliarineqassapput.

Oqaloqatiginninnerit: Oqaloqatiginninnerit ingerlaavartumik ingerlanneqassapput.

Qinnuteqarfissaq kingulleq: 28. Februar 2023

Atorfik una qinnuteqarfigiuk