Skip to main content
109

Dette jobopslag er udløbet

Key Account Managerissarsiorpugut Royal arctic Line A/S nuummi

-suliffik pissanganartoq imminullu unammillerfiusoq, sullitanik tamakkiisumik misigisaqarfiusoq, KAM –sullitatsinnik sullissilluarnermik attaveqarluarnissamillu pingaartitsiffiusoq.

 

Sullitavut pingaartippavut. Taamaattumik Key Account Managerimik pikkorissumik Royal Arctic Linep qullersaqarfiani sullissinermut immikkoortortami pisariaqartitsivugut. Atorfik sullitatsinnut sullisisinitsinni pingaaruteqartorujussuuvoq, sullitagullu pingaarnerit Royal Arctic Linemut attaveqaateqarniarunik inummik ataatsimik attaveqaateqassallutik.

Suleqatitaarput KAM-inut pingasunut pikkorissunut suleqataassaaq sullissinermilu immikkoortortaqarfiit allat suleqatigalugit Royal Arctic Linemi Senior Directori Custormer service ataani inissisimalluni.

 

Suliassatit anguniagassallu

Sulininni imminut unammillernissaq nalinginnaasuussaaq sulinermilu kiffaanngissuseq malunnaateqarluassalluni. Kisimiillutit sullitaqassaatit tassaassallutillu taakku sullitat Royal Arctic Linemut attaveqaataat, taamaatumillu ataavartumik sullitannut attaveqassallutit siulliullutillu saaffiginnittarnissat pisariaqartassalluni. Tamanna pisinnaavoq sullitannut pisaannartunik pulaartarnikkut oqaloqatigiittarnikkullu imaluunniit sullitanut aaqqissuussinerni peqataanikkut soorlu messeni. Taamaaliornikkut KAM-sullitatit neqeroorutitsinnik, susoqarneranik, umiarsuit ingerlaarneranut assigisaanillu ataavartumik ilisimatinneqartuarsinnaassapput, illillu Royal Arctic Linep ingerlatsinermi angusaanut isummersornernut pingaarutilinnik  ilisimasaqalissallutit.

Allaffinniitillutit ilisimalikkatit atussavatit KAM-sullitappit sullinneranut pitsaanerpaamik naleqqussaanissannut, ineriartortitsinissannut ataavartitsinissannullu, soorunami allaffeqarfimmiit pissassaqateqarlutit tapersersorneqarlutillu.    

 

Suliassavit assigiinngiiaqisut ilagissavaat:

  • Suleqatigiinnissani isumaqatiginninniarnerni peqataanerit
  • Apeqquteqaatinik suliarinninnerit, isumaqatigiissutissanik suliaqarnerit, neqeroorutinik angiuniakkanillu aalajangersimasunik malitseqartitsinerit
  • Piffissaq qaninnerusoq ungasinnerusorlu tunngavigalugit sullitat assartortittagai tunngavigalugit pilersaarusiornerit
  • Ukiup ingerlanerani pisussanik pilersaarusiornerit, soorlu ataatsimiinnissat, nalunaarutit assigisaallu KAM-eqatitit peqatigalugit suliarinninnerit

 

Illit tunuliaqquttallu

Ilinniakkatut pisinnaasat

  • Tulluuttumik ilinniagaqarsimaneq imaluunniit/aammaluunniit assingusumik atorfeqarsimaneq
  • Assartuinermi misilittagaqarneq iluaqutaassaaq
  • Oqaatsinut eqarisaqannginneq: kalaallisut, danskisut tuluttullu oqalussinnaaneq. Danskisut tuluttullu allassinnaaneq
  • IT-mik pisinnaasaqarluarneq, soorlu Windows Office ajornanngippallu Axapta
  • Kalaallit Nunaannut ilisimasaqarluarneq Kalaallit Nunaannilu pisunut ilisimasaqarluarneq

 

Inuttut pisinnaasat

Sullisserusussuseqarputit isumagissuullutit tatigeqatigiissusermik pilersitsisinnaallutit ilakkuminartuullutillu. Sullitatsinnut salliullutit attaveqarfittut attaveqaqatigiinnermut pitsaalluinnartumut pilersitsuussaatit, sullitap-atpillu kissaataanut paasinnissinnaassuseqarluartuullutit. Tunniusimasuuvutit, ilakkuminartuullutit pissusilersorninnilu attaveqatigiinnermik pilersitsisuullutit. Sullitappit malugissavaatit sulissisutut pitsaasutut naligisamisullu, sullissisoq niueqatigiinnermi tamanut pitsaasumik angusaqarusunnermik pingaartitsisoq.

Immikkoortortaqarfiup angusatit pisariaqartippai, taamaattumik angusaqarusussuseq angusappillu nalilersorneqarneranit ingerlarsortuuvutit. Aaqqiissutaasunik iliuuseqarniartuuvutit sullitannut attaveqarninni allaffinnilu. Ulloq suliffiit qanoq ingerlassanersoq namminiingaatsiarlutit aalajangertussaavat. Taamaattumik inuttut nammineersinnaassuseqarluarputit naammassisaqarluartuusarlutillu.

Naatsumik oqaatigalugu: Pitsaasumut allanngueqataarusussuseqassaatit-aamma ulapaarluinnarfimmi.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput pisortaq Senior Director Lars Borris Pedersenimut saaffiginninnikkut ugguuna:+299 34 91 11-imut saaffigineratigut.

 

E-mailikkut qinnuteqaatinik tigusineq ajorpugut.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: maajip 19-at 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk