Skip to main content
100

Dette jobopslag er udløbet

Business controllerimik ajutoorfiusinnaasunut sillimanermik suliffeqarfiullu iluani nakkutilliinermik soqutigisalimmik

Suliffeqarfimmi ingerlatseriaatsip sukumiisumik paasiniaaffiginissaanik soqutigisaqaruit ajutoorfiusinnaasunillu tappiffigisaqarlutit, taava Royal Arctic Line A/S-imi Business controller teamimi suleqataalernissannut periarfissaqarputit. Ajutoorfiusinnaasunut sillimanermik suliffeqarfiullu iluani nakkutilliinermik soqutigisalimmik, suleriaatsinik ingerlatseriaatsinillu misileraanissamut sapiissuseqartumik suleqatissarsiorpugut.

Atorfik amerlasuunik suleqateqarfiusoq
Business controller teami aningaasaqarnermut immikkoortortaqarfiup ataani inissisimavoq, ilaatigullu aaqqissuussaaneq tamakkerlugu suleqativut qanimut suleqatigalugit ajortoorfiusinnaasut suussuserniarnissaannik kiisalu ilusilersuinermik, atortuulersitsinermik suliffeqarfiullu iluani nakkutilliinernik misileraanernik suliaqarpugut. Suleqatigiit second Line of Defencetut inissisimapput Royal Arctic Linemilu suleriaatsinut tunngatillugu ileqqussanngortitsineq, malinnaatitsineq ammasumillu ingerlatsinissaq suliassaralugit, aamma Royal Arctic Linep ingerlaavartumillu kukkunersiuinerup akornanni pingaarnertut atassuteqaataapput.

Suliassat tassaanerussapput:

  • Suliffeqarfimmi ajutoorfiusinnaasut suussusersiniarnissaat
  • Suliffeqarfiup iluani nakkutilliinernik ilusilersuineq atortuulersitsinerlu
  • Suliffeqarfiup iluani nakkutilliinerit pitsaassusaannik misileraaneq nalunaarusiorfiginerilu
  • Suleriaatsit paasiniaaffiginissaat, kiisalu allannguutissatut siunnersuusiorneq
  • Suleriaasissanut uppernarsaasiorneq
  • Suleqatinik siunersiueqateqarneq inuillu akornanni ataqatigiissitsineq

Qinnuteqartumut naatsorsuutigisavut:
·  Naapertuuttumik ilinniagaqarneq, ass. HD-R assigisaanilluunniit.

·  Naapertuuttumik inuussutissarsiornikkut misilittagaqarneq, ajutoorfiusinnaasunullu sillimanermik suliffeqarfiullu iluani nakkutilliinermik suliaqarsimaguit iluaqutaassaaq.

Inuttut allatigut suliaqartunik suleqateqarsinnaassaatit, suliffeqarfimmi suliffeqarfiullu avataani, angusanillu suliarilluakkanik piffissaliunneqartut iluanni tunniussaqarnissamik pingaartitsisuullutik. Unammilligassanut nutaanut tunngatillugu misissueqqissaartuullutillu aaqqiissutissarsiornissamik pingaartitsisuuvutit, ingerlatseriaatsinillu suleriaatsinillu pioreersunik misileraasinnaassuseqarlutit. Suliassanut tunngatillugu pissusissanik malinnilluartuuvutit namminersorlutillu sulisinnaallutit – suleqatinnilli suliatigut siunersiueqateqarnissaq periarfissaajuaannarpoq. 

Neqeroorutigisavut
Suliffeqarfimmi pitsaasumi, soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissitsiterneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.


Siunissami aaqqiissutissatta sunniuteqarfiginissaannut periarfissaqassaatit suliffillu suliatigut siunersiueqateqarnermik ilisimasanillu avitseqateqarnermik pingaartitsiffiusoq peqataaffigilerlugu. Suliaqarfiupput aaqqissuussaanermi pilersinneqaqqammerpoq sulilu annertusaavigineqarluni, aamma inuttut ataqatigiinnissaq pingaartipparput, suliartornissarlu nuannersuussaaq. Piffissat suliffiusut eqaatsuunissaat pingaartippagut sulinermilu sunngiffimmilu inuunerup oqimaaqatigiissilluarnissaat aamma assut pingaartipparput.



Paasissutissat amerlanerusut
Atorfik pillugu paasisaqarnerorusukkuit General Manager Business Control Flemming Berthelsen oqarasuaatikkut 7111 7112-imut imaluunniit emailikkut FBE@RAL.DK-ikkut attavigineqarsinnaavoq.

 

Atorfininneq: sapinngisamik piaarnerpaamik, qinnuteqartorli uatsinnut tulluarneq utaqqisinnaavarput.                  
Qinnuteqarfissaq kingulleq: septembarip 30-ani 2020     
Qinnuteqaatit: ingerlaavartumik suliarineqassapput        
Oqaloqatiginninnerit: Oqaloqatiginninnerit ingerlaavartumik pissapput