Skip to main content
103

Dette jobopslag er udløbet

Meeqqanut atukkamikkut mianerisassatut inissisimasunut atatillugu pilersaarusiornermut pisortassamik nukittuumik pissarsiorpugut

Meeqqanik atukkamikkut mianerisassanik ilaqutaannillu sullissinermi sunniuteqarluartumik suleqataarusuppit?

Namminersorlutit sulisinnaavit, aammalu pilersaarusiorneq soqutigisarilluinnarpiuk, taava imaassinnaasoq illit tassaasutit pilersaarusiornermut pisortassatut ujartugarput.

 

SUNNIUTEQARLUARTUMIK SULLIVISSAQ

 

Red Barnet Grønland – Meeqqat Ikiortigit Red Barnet Danmarkip ataani suliniaqatigiiffiuvoq namminersortoq.

Meeqqat atugarissaarnerunissaat aammalu Kalaallit Nunaanni meeqqat piginnaatitaaffiisa siuarsarnissaat anguniarlugit sulivugut.

Immikkullu suliniutigisagut tassaapput nikassaasarnerup, meeqqanillu kinguaassiutitigut killissamik qaangiiffiginninnermik innarliisarnerit akiornissaat.

Meeqqat Ikiortigimmi pilersaarusiornermut pisortatut suliassanni annerpaat ilagisussaavaat suliniutitta assigiinngitsut inerisaqqinnissaat ingerlannissaallu.

Saniatigullu suliassanut ilaassapput Meeqqat Ikiortigit ataanni suliniutit aalajangersimasut suleqataaffiginissai. Pilersaarusiornermut pisortatut inissisimanerup avataatigut attaveqaatitut aammalu Meeqqat Ikiortigit siulersuisuunerinut aningaasanik qinnuteqarnermik imaqassaaq.

Meeqqat Ikiortigimmi siulersuisuni pisortaq ulluinnarni pilersaarusiornermut pisortamut aqutsisutut inissisimavoq.

 

Pilersaarusiornermut pisortap suliassaani makku ilaapput:

 

  • Suliat ingerlasut assigiinngitsut (projekter) aqullugit.
  • Siulersuisut suliniutaanni, soorlu Meeqqat Ulluanni pisoqartitsinermi ikiorlugit.
  • Suleqatigisinnaasanut piukkunnartunut attavissarsiorlunilu suleqatigiinnermik inerisaaneq.
  • Siulersuisunut attaveqaatitut ikiuisarneq.
  • Kajumissutsiminnik peqataasussanik ujaasineq.
  • Aningaasanik qinnuteqarneq.

 

Illit qanoq ittuunissat

 

Namminersorlutit akisussaassuseqartumillu sulisinnaanissat pingaaruteqarpoq. Pingaartuullunilu ingerlatat siuariartortinnissaannut akisussaasuusarnissat, sulianilu suleqatinnut piumasaqaateqarsinnaasuunissat.

Pilersaarutinik ingerlatsisutut misilittagaqartuussaatit, aaqqissuussaalluartumillu sulisinnaasuussallutit, saniatigullu kajumissutsiminnik sulisunik, allanillu suleqatiginnissinnaassallutit.

Ataatsimut isiginnissinnaasuussaatit, attaveqarsinnaallutillu.

Aningaasaliisussarsiorneq misilittaqarfigisimassavat.

 

Ilinnit naatsorsuutigisagut ukuupput:

 

  • Pilersaarutinik ineriartortitsisinnaaneq aningaasarsiornissaanerlu misilittagaqarfigissagitit.
  • Namminersorluni akisussaassuseqarluartumillu sulisinnaasutit.
  • Pitsaasumik allanik suleqarsinnaassaatit.
  • Sulianik ”qulaaniit tamakkiisumik isiginnissinnaasutit”, sulianillu arlaqartunik ataatsikkut ingerlatsisinnaasutit.
  • Pitsaassaaq meeqqanik mianerisariaqartutut inissisimasunik suliaqarnermut misilittagaqarlutit. 
  • Kalaallisut danskisullu allallutit sulisinnaasutit.
  • Sukkasuumik sullarissumillu ingerlatsisinnaasutit.

 

PIUMASARISAT INUTTASSARSIORNERMILU SULERIUTSIT:

 

Qinnuteqaat kingusinnerpaamik 9. september 2019 nassiunneqassaaq, uunga: info@redbarnet.gl . Qinnuteqaatit tiguneri ilutigalugit suliarineqassapput. Taamaattumik atorfimmut piukkussaq qinnuteqarnissamut ulloq killiliussaq sioqqullugu atorfinitsinneqarsinnaavoq. Erngertumik qinnuteqaatit nassiuguk.

 Atorfininnissap ullorivaa 1. oktober 2019, imalt. Sapinngisamik siusinnerpaamik.

Atorfik sivisussusiligaavoq naassalluni ulloq 1. oktober 2020, sivitsorneqarsinnaallunili atorfimmut aningaasassanik pissarsisoqarsinnaassappat.

Atorfik pillugu annertunerusumik paasiniaasoqarsinnaavoq Jonna Ketwa, siulersuisuni siulittaasup saaffiginerani. Oqarasuaat angallattagaq: +299 246550 sianerfigalugu.