Skip to main content
154

Dette jobopslag er udløbet

Utoqqaat angerlarsimaffianni QUPANUK-mi pisortamik pissarsiorpoq

Qeqqata Kommuniani Sisimiuni Ilaqutariinnermut Immikkoortortaqarfik Utoqqaat angerlarsimaffiat Qupanuk-mut aqutsisussarsiorpoq 2019-imi aggustip aallaqqaataaniit isumaqatigiissuteqarnikkulluunniit aallartittussamik.

Qinnuteqarfissaq kingulleq:

4. juli 2019

Sumiiffik/Pisortaqarfik:

Sisimiut

Sivisussuseq:

Tamakkiisumik

Atorfininnermi ulloq:

August aallaqqaataani isumaqatigiinnikkulluunniit

Akissarsiat:

Isumaqatigiissut malillugu

Suliassat akisussaaffiillu: 

"Aqutsisutut tatituumik tunngavilimmillu misilittagaqarpit, immaqa utoqqaat illuanni sulinermik misilittagaqarnikkut, peqqissaasutut imaluunniit peqqissaanermut attuumassuteqartumik ilinniagaqarsimallutit, soorlu peqqissaanermi assistentitut, ilinnut ineriartorneq, sulisunik aqutsineq, allaffissorneq suliassaqarfiit akimorlugit ataqatigiissaarineq aallaaviulluni.

Sulisunik, sulisut ilaannik ilinniagaqanngitsunik annertuumillu tapersersugassaasunik, ilinniartitassaasunik ataavartumillu inuttut oqaloqatigineqartartussaasunik aqutsisinnaassuseqarpit?

Qulaani taaneqartuni suliassat pissanganartutut unammillernartutullu isigigukkit, taava immaqa suliffik taanna ilinnoortuusimavoq?"

Atorfimmut aqutsisoq unammillernartunik suliaqarnissamut piumassuseqarlunilu kajumissuseqartuussaaq, ilutigitillugu utoqqaat angerlarsimaffiata ajunngitsumik ineriartortinnissaanut peqataarusussuseqartuussaaq aammalu aqutsisutut siuttuusinnaasoq sulisuminullu sinaakkusersuisinnaasoq.

 

Utoqqaat angerlarsimaffiat Qupanuk pillugu:

Qupanuk utoqqarnut angerlarsimaffiuvoq innutaasut puiguttornermik nappaatillit ilanngullugit 42-nut inissalik.

 

Utoqqaat angerlarsimaffiat sulisunut 69 amerlassusiligaavoq, tassaallutik aqutsisoq, aqutsisup tullia, inulerisut, ulluunerani ornittakkami sulisut, igaffimmi sulisut, eqqiaasut, pedeli aamma biilertoq.

Utoqqaat angerlarsimaffiat Allaffeqarfimmi Utoqqarnut immikkoortortamik Angerlarsimaffimmilu ikiorteqarfimmik qanimut suleqateqarpoq.

 

Aqutsisoq ulluinnarni nal. 8-16 akornanni ullormut sulisarpoq, ilaanneeriarlunilu Utoqqaat angerlarsimaffiani sulisunut unnukkut sapaatillu akunnerisa naanerini paarlaasuunissamut piareersimasussaalluni.

 

Ilaqutariinnermut pisortaq aqutsisumut qaninnertut pisortaavoq.

Utoqqaat angerlarsimaffia Qupanuk-p saniatigut Ilaqutariinnermut immikkoortortaq illoqarfiimmi suliffeqarfeqarpoq soorlu najugaqaqatigiiffik, Ilaqutariinnik sullissivik, Angerlarsimaffimmi ikiortit allaffeqarfillu.

 

 

Suliassat akisussaaffiillu:

 

  • Utoqqaat angerlarsimaffiani ulluinnarni ingerlatsinermut akisussaaneq, taassuma ataani immikkoortuni aqutsisut sulisullu akornanni pilersaarusiorneq, isumalluutinillu agguataarineq.
  • Pingaarnertut peqqissaasunik aqutsinermut akisussaaneq
  • Suliassatut aaqqitassatut tunniunneqartunut tunngatillugu sulisussanik piginnaasassanillu pisariaqartitanut sukkulluunniit peqartarnissaanut akisussaaneq
  • Immikkoortumi aqutsisunut sulisunullu nutaanut ilitsersuussinermut akisussaaneq
  • Utoqqaat angerlarsimaffiata pitsaasumik, suliamullu nalinginnaasumut tunniussaqarnissaanut akisussaaneq
  • Missingersuutinik sulisusallu amerlassusilerneqarnerata malitsinneqarnissaanut akisussaaneq
  • Aqutsisunut qaammatikkaartumik aningaasaqarnikkut nalunaarusiornissamut akisussaaneq
  • Suleqatigiinni sulisunut nutaaliornissamut ineriartortitsinissamullu akisussaaneq
  • Suliniutini peqataanissamut akisussaaneq
  • Utoqqaat angerlarsimaffiannut utoqqarnullu inissianut inissiinissamut ataatsimiititaliamut peqataaneq
  • Illup avataani immikkoortortani aqutsisut ataatsimiinnerinut peqataaneq
  • Ataatsimiinnerni attuumassutilinni allani peqataaneq

 

Naatsorsuutigaarput:

  • peqqissaasutut ilinniarsimasuusutit, saniatigut ukiumut pikkorissarnernik allanilluunniit attuumassuteqartumik ilinniagaqaqqinneq
  • pilersaarusiorsinnaasutit politikkikkullu aalajangikkanik ingerlatsisinnaasutit, missingersuutinillu paasisaqarsinnaasutit aammalu taakkununnga malitseqartitsisinnaasutit
  • Sulisunik najugaqartunillu kajumilersitsisumik, suliffimmik uummaarissumik angusaqarusussuseqartumillu pilersitsisinnaasutit
  • pinerluuteqarsimanngitsutit
  • ammasuusutit aqutseriaatsikkullu ersarissuusutit
  • siusinnerusukkut suliffigisimasannit aqutsinermik misilittagaqartutit, piumasaqaataanngilarli
  • Aalajangiinissamut pikkoriffeqartuusutit
  • Sulisunik kajumissaarillaqqissuusutit
  • Kommuunit missingersuutaannik naatsorsuutaannillu aqutsinermik ilisimasaqartuusutit
  • politikkikkut aqunneqartumik suliffeqarfimmi sulinermut piumassuseqartutit imaluunniit ilisimasaqarlutillu misilittagaqarusuttuusutit
  • allakkatigut oqaatsitigullu attaveqallaqqissuusutit

 

Neqeroorutigaarput:

  • suliffik pissanganartoq unammillernartorlu
  • suliffeqarfik uummaarissoq ulluinnarni unammillernartorpassualik
  • suleqatit aqutsisooqatillu pitsaasut arlaqartut
  • najugaqartut nuannaartut uummaarissullu
  • illup iluani avataanilu suleqateqarneq
  • piginnaasannik ataavartumik ineriartortitsineq
  • utoqqaat angerlarsimaffiani ineriartornermut sunniuteqarnissamik periarfissaqartitsineq
  • immikkoortortani aqutsisoqatit pitsaasut
  • suliassat pissanganartut, assigiinngitsut namminersorfiusullu
  • suliffissannik ilisarititsineq

Akissarsiat, atorfinitsitaanermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu peqqissaasut tarrarsuisullu akornanni isumaqatigiissutit atuuttut naapertorlugit pissapput.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Piumasarineqartutut naammaginartumik pinerlussimannginnermik uppernarsaammik Qeqqata Kommuunianiit pissarsisoqareerpat atorfinitsitineq pissaaq.

 

Atorfik pillugu paasissutisat sukumiinerusut ilaqutariinnermut pisortamut Kirsten Bødker oqarasuaat (+299) 86 7417-imut saaffiginninnikkut pissarsiarineqarsinnaapput.

 

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Kirsten Bødker
+299 86 74 14
kirb@qeqqata.gl