Skip to main content
117

Dette jobopslag er udløbet

Sukorsit atorfinittussamik sulisussarsiorpoq

Sukisaarsartarfik meeqqanut inuusuttuaqqanullu 6-13-nik ukiulinnut aamma 13-16-nut ukiulinnut kiisalu ulluni tallimanngorneq arfininngornerlu 21-nik ukiulinnut ammasarluni, Nalunnguarfiup atuarfiani blok 3-p naqqani inissisimalluni. Sukisaarsartarfiup siunertaraa meeqqat inuusuttuaqqallu soqutigisaat qitiutillugit ilusilersueqataalluni immersueqataassallunilu.

 

Suliassat ilaatigut makkuussapput:

·       Sukisaarsartarfiup ilusilersorneqarnerani peqataassalluni, aamma perorsaanerup tungaatigut.

·       Sukorsit aallaavigalugit meeqqanut inuusuttuaqqanullu Kalaallit Nunaanneersunik suleqateqarluni aaqqissuinikkut iliuuseqartassalluni.

·       Amerlasuutigut isumassarsiornikkut sukisaarsartarfik meeqqanut inuusuttuaqqanullu ornigulluni pilerinartuunissaa suleqataaffigissallugu.

 

Piginnaasaqarfiit

·       Ukiuni arlalinni inunnik sullissinermik assigisaanillu misilittagaqarfigalugu sulereersimanissat. Soorunami aamma inulerinermut ilinniarsimanissaat pingaartunut ilaavoq

·       Namminersorlutit sulisinnaassuseqassallutit, iliuuseqarsinnaallutit, piumassuseqassallutit kiisalu tamakkiisumik isiginnissinnaassuseqarlutit.

·       Sulianut assigiinngitsunut sulinermullu eqaatsuunissaq.

·       Suleqatigiilluarnissamik piginnaasaqartuuneq aamma inuuserissuuneq, ajornartorsiutinillu nammassinnaaneq nukissaqarfigissallugu.

·       Ilikkajasuuneq kiisalu sulinermut nikerartumut ammasuuneq.

 

Sukorsini ammasarfiit imaapput:

Meeqqanut ataasinngornermiit tallimanngornermut nal. 10.00 – 17.00

Inuusuttuaqqanut ataasinngornermiit pingasunngornermut nal. 19.00 – 22.00

Sisamanngorneq meeqqanut ammasarpoq nal. 11.00 – 16.00  Inuusuttunut 19.00 – 22.00

Meeqqanut  tallimanngorneq & arfininngorneq nal. 16.00 – 19.30

Inuusuttuaqqanut tallimanngorneq & arfininngorneq nal. 20.00 – 24.00

 

Akissarsiat aamma atorfinitsitaanermut atukkat
Akissarsianut atorfinitsitaanermullu tunngasut atorfininnerup nalaani Namminersorlutik Oqartussat S.I.K. aammalu  N.P.K  isumaqatigiissutaat naapertorlugit.

Inissaqartitsisoqanngilaq

 

Atorfininneq piaartumik imalt. isumaqatigiissuteqarnikkut.

 

Atorfik pillugu annertunerusumik paasisaqarusukkuit Sukorsini pisortaq Anna L. Jensen oqarasuaat +299 864058 imal. mobil +299 530276-mut sianerlutit imalt. sunngiffimmi pisortamut Tupaarnaq K. Kleist sianerlutit paasiniaasinnaavutit.

 

Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl

Qinnuteqaat misilitsinnermi uppernarsaatit assinganik, CV, oqaaseqaatit innersuussutinillu ilanngussilluni, tigoreersimassavarput kingusinnerpaamik 17. august 2021.

Qinnuteqaat una toorlugu nassiunneqassaaq