Skip to main content
88

Dette jobopslag er udløbet

Sisimiut & Kangerlussuaq Katersugaasiviinut pisortamik pissarsiorpoq

Sisimiut & Kangerlussuaq Katersugaasiviini pisortatut atorfik inuttaaruppoq.

Qinnuteqarfissaq kingulleq:
31. juli 2020

 

Sumiiffik/Pisortaqarfik:
Sisimiut

 

Sivisussuseq:
Tamakkiisumik

 

Atorfininnermi ulloq:
01. september - imaluunniit isumaqatigiinnikkut

 

Akissarsiat:
Isumaqatigiissut malillugu

Ilisarititsineq 

Qinnuteqartoq katersugaasivimmut tunngassuteqartumik universitet-imi ilinniarsimasuussasoq, assersuutigalugu oqaluttuarisaanermut itsarnisarsiuutut imaluunniit katersugaasivilerinermut tunngassutilimmik ilinniarsimasuussasoq, aqutsinerullu iluani misilittagaqartuussasoq naatsorsuutigaarput. Naatsorsuutigaarput qinnuteqartoq takorluuisinnaassuseqassasoq, katersugaasiviillu kulturimik sammisalittut nukittuutut inissisimanissaanik siunertaqarluni ineriartortitseqqinnissamut angusaqarusuttuusasoq, soorluttaaq katersugaasiviup avataani suleqatit pigiinnassallugit ineriartorteqqissallugillu.

 

Katersugaasivimmi pisortap suliassaqarfii ilaatigut makkuupput

·  Ulluinnnarni ingerlatsineq katersugaasiviillu sulisuinut aqutsineq

·  Katersugaasiuviup akisussaaffigisaata iluani katersinissamik, nalunaarsuinissamik, aserutsaaliuinissamik qulakkeerineq aammalu oqaluttuarisaanermik ullutsinnullu attuumassutilinnik ingerlatitseqqiineq.

·  Saqqummersitsinerít, aaqqissuussinerit oqalugiarnerillu ilanngullugit katersugaasiviit avammut sammisunik suliaannik ataqatigiissaarineq, ineriartortitsineq ingerlatsinerlu.

·  UNESCO-p nunarsuarmioqatigiinnut kingornussassarititaanut  Aasivissuit – Nipisat ineriartortitsinermut peqataaneq: Inuit Hunting Ground between Ice and Sea.

·  Illup iluani avataanilu suliniutinut ataqatigiissaarinermut ineriartortitsinernullu suleqataaneq.

·  Aningaasaateqarfinnut qinnuteqarneq.

·  Aasaanerani pisussanut pilersaarusiorneq

 

Suleqatigiissutissatut isumaqatigiissutit sukkulluunniit atuuttunut, kalaallit nunaanni allagaateqarnermut katersugaasiveqarnermullu inatsit, katersugaasviit missingersuutaat sulinissamullu pilersaarutaat akuerisaasut naapertorlugit katersugaasivimmi pisortaq sulissasoq naatsorsuutigineqarpoq.

 

Katersugaasiviup akisussaaffigivaa Qeqqata Kommunia, tassunga immikkut ilanngullugu Sisimiut, Sarfannguit, Itilleq aamma Kangerlussuup eqqaat, tassani katersugaasiviup suliassaralugu katersineq, nalunaarsuineq, iluarsaassineq, eriaginninneq, misissuineq, atortorissaarutitigut atortorissaarutitiguunngitsorlu kulturikkut eriagisassanik ingerlatitseqqiineq. Katersugaasiviup ukiuni kingullerni 4.500-ni nunatami kulturikkut pinngortitakkullu oqaluttuarsartaa suliaqarfigivaa.

 

Sisimiuni Kangerlussuarmilu Katersugaasiviit UNESCO-p Nunarsuarmioqatigiinnut kingornussassarititaa Aasivissuit - Nipisat ineriartortinneqarneranut suleqataavoq aammalu saqqummersitsinernik nutaanik aammalu ingerlatitseqqiinermik suliniutinik allanik ineriartortitsinermi pissanganartumik siunissamik ornigaqarpoq. Suliffeqarfik ulapaarfiuvoq, ilaatigut suliassanik suliniutinillu arlaqartunik - angiisuunik mikisunillu ataatsikkut ingerlanneqartunik ingerlatsiviulluni.

 

Katersugaasiviup pisortaata saniatigut Sisimiuni Kangerlussuarmilu katersugaasivinni katersugaasivimmi sulisuupput katersugaasivimmi ikiorti/katertsugaasivimmi inspektøri, allaffimmioq katersugaasivimmilu sulinermi ikiorti, katersugaasivimmilu paarsisoq. Aasap qaammataani tamatigut saniatigut ikiortimik sulisitsisoqartarpoq.

 

Sisimiut Kalaallit Nunaanni illoqarfiit annersaata tulliuvoq, nunaqarfiit pingasut ilanngullugit 6500 miss. innuttaasoqarluni.

 

Akissarsiat atorfeqartitaanermilu atugassarititaasut 

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Namminersorlutik Oqartussat aamma isumaqatiginninniarsinnaatitaalluni peqatigiiffiup akornanni qaqugukkulluunniit isumaqatigiissutit atuuttut naapertorlugit inissinneqassapput. Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

2020-imi septembarip aallaqqaataani isumaqatigiissusiornikkulluunniit piaartumik atorfinitsitsisoqassaaq.

Atorfimmut sukumiinerusumik paasissutissat Sunngiffimmi pisortamut Fali Kleist-imut, oqarasuaat 867400-mut e-mail: fakl@qeqqata.gl  atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu imalik kingusinnerpaamik 2020-mi juulip 31.juli tigoreersimassavarput.

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Ilisarititsineq

Akissarsiat atorfeqartitaanermilu atugassarititaasut

Qinnuteqaat uunga nassiunneqassaaq:

Ilisarititsineq

Akissarsiat atorfeqartitaanermilu atugassarititaasut

Qinnuteqaat uunga nassiunneqassaaq:

Fali Kleist
(+299) 86 74 00
fakl@qeqqata.gl