Skip to main content
137

Dette jobopslag er udløbet

Sisimiut illoqarfiani ilinniartitsisutut inuttassarsiorneqarput

Meeqqat atuarfiannik ineriartortitseqataanissat orniginartippiuk?

Sisimiut qaasuitsup killeqarfiata avannaatungaani nunami alutornartumi periarfissagissaartumilu inissisimavoq, ilinniarfeqarfiulluni paaqqinnittarfinnillu periarfissaqarluni.

Nunami aasami ukiumilu periarfissarissaaqaaq. Akunneq ataaseq atorlugu pisuttuarfissat alutornartullit qaqqarpaaluillu tikittariaapput. Umiatsiamik angalaarnerit, aalisariarnerit piniaalunnerillu periarfissat ilagaat.

Ukiumi sammisassat assigiinngitsorpassuit sammineqarsinnaapput, soorlu sisoraatinik arpanneq, sangusaarneq, snowboard, qamuteralannik kiisalu qimussimik angalaarnerit.

Timersortarfimmi kommuunimi sulisunut nukkissarnissanik neqerooruteqartarput; soorlu aamma sunngiffimmi unnukkut atuartitsineq periarfissaasoq.

Atuarfiit ersarissunik anguniagaqarlutik ineriartoqaat, atuartut atuarusussuseqalernissaannik, piginnaasaannik inuunermilu misilittagaqalernissaannik ineriartortittiffiulluni.

Ilinniartitsisut imminnut ataqatigiilluartarput, aammalu suleqatigiilluarnissamik anguniagaqartarlutik atuartut atuartitsinerlu pillugit.

Sulisut piginnaasamikkut imminnut nalunngilluartut tikissavatit, suliassat assigiinngiiartut; soorlu atuartut atuartitaanerannut suleqatigiilluinnartunut suleqatigilissavatit. Sulisut imminermut atuartunullu anguniagassaannik ineriartottitsisinnaasunik, tapersersuisinnaasunik, atuartunik angajoqqaanik ilinniartitsisoqatigiinnilu siunnersuisinnaasunik sulisussarsiorpugut.

Ukiumut sapaatip akunnikkaartunillu pilersaarusiortarpugut, ukioqatigiiaat ukioqatigiiaanngitsullu pilersaarusiorluartarlutigit.

Atuartitsinermut ilaalluinnarpoq ataavartumik naliliisarnerup atuartup anguniagassaliai aallaavigalugit piginnaasanik nalilersueqatigiittarnissaq.Taakku malitsigisaannik atuartunut angajoqqaanullu atuartitsinerup inuttullu ineriartorneq pillugit siunnersuisarnissaq. Angusakkat ukiumut marloriarluni naapissutaasarput (angajoqqaat – atuartut oqaloqatigiinnerat).

Atuartitsinermut akunnernik tapiliussanik atuartut ineriartorluarnissaat anguniarlugu ingerlatsisarpugut.

Qeqqata Kommuniani atuartut ilinniartitsisullu tamarmik ipad´imik atuisuupput, taamaattumik pitsaassaaq atuartitsinermut atuartitseriaatsinillu allanik atuilaarsinnaajuit.

Qeqqata Kommuniata annertuumik atuartut atuartuaannarnissaat suliniutigivaa, atuanngitsoqaraangat ingerlaannartumik angajoqqaat attavigineqartarput. Sulinermi Tabulex Tea aamma skoleIntra atuartunut angajoqqaanut suleqatinullu atuanngitsoornerit nalunaarsornerannut attaveqaatitut atorpagut.

 

Minngortuunnguup atuarfiani ilinniartitsisutut atorfiit sisamat 1. August isumaqatigiissuteqarnikkulluunniit atorfiniffiusussat inuttassarsiuuppagut.

Ataani fagit allattorsimaneri allatut katitersinnaanerat periarfissaavoq, taamaammat qinnuteqaatit tamarmik tikilluaqqusaapput.

Nukarliit immikkoortortaannut (1.-3. kl.): ilinniartitsisoq ataaseq Upperisalerinermi(2.-3.kl.) aamma Nipilersorneq/erinarsorneq 3. klassini. Saniatigut 3. klassini klasselæreritut aamma 3. klassit holdikkaarnerinut tiimit arlaqartut.

Akulliit immikkoortortaanni (4.-7. kl):  Ilinniartitsisoq ataaseq Kalaallisoortitsineq, Qallunaatoortitsineq aamma Tuluttoortitsineq, taakkua saniatigut Timersorneq/silamiinnerlu kiisalu assassorneq ilusilersuinerlu 4.-5. klassini.

Angajulliit immikkoortortaanni (8.-10. kl.): Ilinniartitsisut marluk Kalaallisoortitsinermi, Qallunaatoortitsinermi, Tuluttoortitsinermi, uumassusilerinermi, Pinngortitaleriffiusumi Nunalerutit, Timersorneq Silamiinnerlu, Matematik kiisalu Fysik/Kemi.

Qulaani taariikkat saniatigut 8. klassini klasselæreri.

Paasissutissat atorfinnut tunngasut paasisaqarfiginerorusukkaanni atuarfiup pisortaa Jesper Ryttov saaffigineqarsinnaavoq, tlf. (+299) 864188 imalt (+299) 584188

E-mail: jery@qeqqata.gl

Fagit siammasinnerat assigiinngiiarnerallu pillugu kalaallisut oqaasillit aamma danskisut oqaasillit atorfinnut qinnuteqarnissaat kajumissaarutigissavarput.

 

Nalunnguarfiup Atuarfiani atorfiit arfinillit aggustip aallaqqaataani inuttassarsiorneqarput.

Ataani taaneqartunit allaanerusunik atuartitsisaraanni aamma qinnuteqarnissamut tikilluaqqusaavusi.

Trin 1 (1.-3. kl) ilinniartitsisunik marlunnik pissarsiorpugut
Atorfiup aappaa 1. klassinut, atualerlaat atuartuunissaminnut sungiusarneq pingaartinneqartutut inissinneqassaaq. 1. klasseni akunnerit tamarluinnarmik ilinniartitsisut marluusarput, taamaasillutit atuartitsivissatit suleqatillu ingerlatissavatit. Ilinniartitsisussap aappaa atuaqatigiinni tapertatut ilusilersuinermi, mersornermi eqaarsaarnermilu atuartitsisartussaq pisariaqartinneruarput. Kultuurimut atuartitsinerullu ineriartortinneranut atuartut atualeqqaarnerannit ilusilersueqataasinnaassaatit. Atorfinnut taakkununnga marlunnut kalaallisut qallunaatullu atuartitsisinnaaneq pingaartinneqarnerat assigiipput.

Trin 2-mut (4.-7. kl) – nut qallunaatut, tuluttut atuartitsivinnilu allani atuartitsinnaasumik pissarsiorpugut. Atuaqatigiinni tapertaaneq, oqaaserisanillu atuartitsineq aamma ilaasinnaapput.

Atuartitsinermi atuarneq tamaat isigalugu ineriartorneq ataqatigiissoq peqataaffigissavat.

Trin 3 (8.-10. kl) - nut ilinniartitsisoq ataaseq kalaallisut, qallunaatut, fysik/kemi kiisalu naturfagimut pissarsiorpugut.

Trin 4 (immikkut ittumik atuartitsinermi) ilinniartitsioq ataaseq. Ilinniartitsisussap alloriarfimmi aqutsisoq peqatigalugu siunnersortitut atuartitsisutullu inissisimassaaq, atuartunut peqataatitsineq, MISI suleqatigalugu atuartut allamut nuunnissaat allallu suliarisassallugit. Atorfinittussap Hold 2-ni 4-6-nik atuartulimmi klasselæriussaaq.

Atuartitsissutinut pisariaqartitagut assigiinngiiaarmata kalaallisut qallunaatullu oqaasillit tamarmik qinnuteqarnissaat kaammattuutigaarput.

Attavissaq:
Atuarfiup pisortaa Dan Gert Christensen, oqarasuaat 86 43 88, mobil (+299) 52 88 81

Akissaatinut tunngasut
Aningaasarsiassat atorfininnermut, akiunneqarluni angalanernut pequtillu angallanneqarnerat pillugit Naalakkersuisut ilinniartitsisullu kattuffiata akunnerminni isumaqatigiissutaat malinneqassapput.

Atorfininneq isumaqatigiissdutit malillugit atorfinittoqassaaq, nunatsinnili tjenestemandiugaannili atorfininnermi tjenestemandiuneq ingerlatiinnarneqassaaq.

 

Meeqqanut pinerliisimannginnermi uppernarsaat
Atorfiit inuttalerniaraanni pisussaatitaaneq malillugu meeqqanut pinerliisimannginnermut uppernarsaat piniarneqassaaq, atorfininnerlu aatsaat kommuunip tamanna isumagereerpara pissalluni. Erseqqissaatigissavarput aatsaat politiinit uppernarsaat toguneqareerpat atorfininnissaaq aalajangerneqartarmat.

Qeqqata Kommuniata meeqqanut pinerliisimannginnermut uppernarsaat tigoreerpassuk atorfininneq pissaaq.

Atorfik inimik malitseqarpoq, atorfinittullu akiliisarnissaa maleruaqqusat malillugit malinneqassallutik.

Atorfininnissaq 1. auggusti 2021

Qinnuteqaat
Qinnuteqaat ilinniarsimanermut uppernarsaatinik, oqaaseqaatinik, nammineq qinnuteqaammik.

Qinnuteqaat uunga nassiunneqassaaq: Stillingsopslag