Skip to main content
79

Sisimiunut Maniitsumullu Nakkutilliisunik pingasunik aammalu Maniitsumi bogholderimi Akiitsugalerisumik aningaasaqarnermut immikkoortortaq pissarsiorpoq

Qeqqata Kommuniani aningaasaqarnermut ingerlatsivik bogholderimik, akiligassanik akiitsunillu ingerlatsinermik suliaqarpoq. Kommuni Nakkutilliisunik sisamanik inuttaqartussamik nakkutilliisoqarfimmik pilersitsileruttorpoq. Ingerlatsiviit ataasiakkaat aningaasaqarnermut pisortamut toqqaannartumik attaveqartuupput.

Nakkutilliisut:
Piaartumik aallartittussanik Qeqqata Kommunia Nakkutilliisuunermik Nakkutillisumillu pissarsiorpoq. Kommunimi marlunnik illoqarfilimmik arfinilinnillu nunaqarfilimmik sullissisuusumik aningaasaqarnermut immikkoortortami qitiusumi immikkoortumi Nakkutilliisoqarfik nutaajuvoq.

Nakkutilliisunik nutaamik eqqarsarsinnaasunik suleqateqallaqqissunillu pissarsiorpugut, aningaasaqarnermut attaveqartuullutik kommunimi missingersuutinik nalunaarusiortarnermilu periutsinik pitsanngorsaanermut peqataasussanik kiisalu kommuni aningaasaqarnermik aqutsinermik ineriartortitseqqiinermik peqataasussanik.
Kommuninit allanit namminersorlutillu oqartussanit avinneqartuusumik ERP-mik aaqqiissummik atuutilersitsinermik iluatsilluartumik Qeqqata Kommunia naammassinneqqammerpoq, maannalu saniatigut sakkussanik assigiinngitsunik atuutilersitsinissamik ingerlatsileruttorluni.

Akiligassalinnut Bogholderi:
Maniitsumi immikkoortortatsinnut akiligassalinnut bogholderimik Qeqqata Kommunia pissarsiorpoq.

Akiligassalinnut bogholdererput nutaaq immikkoortumut pissaaq aammalu immikkoortortatta ullumikkut suliarisartagaanni assigiinngitsorpassuarni ilaalissalluni.

Akiliisitsiniartarfik tassaavoq, kommunimut aammalu kommunip suleqatigisaanut soqutigisaqaqatigiiffinnut allanut pisassanik akilleeqqusinermut akiliisitsiniarnermut, kommunimut innuttaasunik aningaasanik akiitsulinnut kommunip attaveqaataa.

Qinnuteqarfissaq kingulleq:

7. juni 2020

Sumiiffik/Pisortaqarfik:

Sisimiut / Maniitsoq

Sivisussuseq:

Tamakkiisoq

Atorfininnermi ulloq:

Piaartumik isumaqatigiinnikkulluunniit

Akissarsiat:

Isumaqatigiissutit malillugit

Suliassat akisussaaffiillu: 

Nakkutilliisut nutaat suliassaannut ilaavoq tullinnguuttunulli killiligaanani:

·         Saniatigut sakkunik atuinermi kommunip ingerlatsiviinik ikiuunnissaq, aammalu missingersuusiornermut atatillugu suleqataaneq;

·         Ingerlatsiviit aningaasaqarnerata ingerlaavartumik nakkutiginissaat;

·         Aningaasaqarnikkut aqutsinermi nakkutilliinermik ingerlatsiviit atuinerisa nakkutiginissaat tulleriaakkamillu nakkutiginissaat;

·         Nalinginnaanerusumik qullersaqarfiup kommunalbestyrelsilluunniit atugassaanut aningaasaqarnermut pisortamut nalunaarusianik takkussuuttunik assigiinngitsunik suliaqarneq;

·         Ingerlatsíviit aningaasaqarnikkut nalunaarusiassaat pillugit ikiorneqarnissamut pisariaqartitsinermi ingerlatsivinnut qitiusumik attaveqaataaneq;

·         Nakkutilliilluni suliaqarnerup malitsigisaanik pisariaqalersunik nuutsinermut atatillugu ingerlatsivinnut ikiuunneq.

Iliniagaqarsimanermut piumasaqaataasoq:

 

Nakkutilliisuuneq:

 

•      Minnerpaamik aningaasaqarnermi cand.merc/polit pigissarigit;

•      Nakkutilliivimmi sulinermik misilittagaqartutit

•      Attaveqallaqqissuusutit aammalu Saniatigut nalinginnaasumilu aningasaqarnermut paasinninnissamut allanik ilinniartitsinissaq pissangartikkit;

•      Excelimut ilisimasaqartutit aammalu PIVOT eqitsisinik atuinermik misilittagaqartutit;

•      Ajornanngippat arlalinnik oqaaseqartuussasutit, kalaallisut, qallunaatut tuluttullu

 

Nakkutilliisoq:

Nakkutilliisuunertut imaluunniit kommunimi ingerlatsivinni aningaasaqarnermut suleqatissaattut atorfininnissamut piukkunnaateqalernissamut qaammatit 24-t iluanni siunertaqarluni ilinniartinneqarnissamut atorfimmut atorfinitsinneqassaatit.

 

•      Aningaasaqarnerup, naatsorsuuserinerup aamma/imaluunniit aqutsinerup iluani bacheloritut soraarummeersimasutit;

•      Naatsorsuuseriffimmi sulinermik misilittagaqartutit;

•      Attaveqallaqqissuusutit aammalu Saniatigut nalinginnaasumillu aningaasqarnikkut paasinnittarnerup iluani immikkoortuni ilisimasanik ilinniarnissaq annertusaaqqinnissarluni pissanganartikkit;

•      Excelimut ilisimasaqartutit aammalu PIVOT eqitsisinik atuinermik misilittagaqartutit;

•      Ajornanngippat arlalinnik oqaaseqartuussasutit, kalaallisut, qallunaatut tuluttullu

 

Suliassat Akiligassalinnut bogholderimut:

 

Akiligassalinnut bogholdererput nutaaq sullissillaqqissuussaaq, innuttaasunik ataasiakkaanik akilersuititsinissamik isumaqatiginninniarneq ilanngullugu sullitatsinnik oqaloqateqarussuseqartoq kiisalu immikkoortumi kommunip immikkoortortaanik allanik ikiuukkumassuseqartoq.

 

Taakku saniatigut akiligassalinnut immikkoortumi kommunip saniatigut aaqqitassaanik atuinermi ilinniartinneqassaatit, kommunip pisassaanik aningaaqarnikkut aqutsinermut Saniatigut aaqqiissutit atorneqartartussaammata.

 

Piginnaasassat:

 

•      Naatsorsuuserinerup iluani allaffimmiutut ilinniarsimasuusutit;

•      Akiliisitsiniartarnermut ingerlatsinermi sulinermik misilittagaqartuusutit;

•      Attaveqallaqqissuusutit aammalu naatsorsuuserinerup aningaasaqarnerullu iluani ineriartornissaq pissanganartikkit

•      Excel ilisimasaqarfigigit atortarlugulu, ajornanngippallu PIVOT eqitsisinik atuinermut ilisimasaqartutit

•      Ajornanngippat arlalinnik oqaaseqartuussasutit, kalaallisut, qallunaatut tuluttullu

Aningaasarsiat atorfininnermullu atugassarititaasut: 

Nakkutilliisut:

Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naaperlorlugit pissapput.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Bogholderi:

Akiliisitsiniarnermut bogholderimi atorfik SIK isumaqatigiissutai malillugit akissarsiaqartinneqassaaq, tamatumani illit inissinneqarnerit piginnaasatit apeqqutaallutik inissinneqassallutik.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Piaartumik isumaqatigiissuteqarnikkulluunniit atorfinittoqassaaq.

Nakkutilliisutut atorfiit pillugit paasissutissat annertunerusut aningaasaqarnermut pisortaq Peter Munch Eriksen email pmer@qeqqata.gl oqarasuaalluunniit +299 24 3253 aamma Akiliisitsiniartarnermut bogholderimut attaveqarfigineqasaaq Rita Gross Bornhuus email ribo@qeqqata.gl oqarsuaalluunniit +299 81 7826.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu imalik kingusinnerpaamik 2020-mi juunip arfineq-aappaani tigoreersimassavarput ilisarnaaserlugu: Qeqqata Kommunia Nakkutilliisuuneq/Nakkutilliisoq, imaluunniit Akiliisitsiniarnermut bogholderi

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Qeqqata Kommuniata ukkataqarfigisaa Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

 

Kommunimi atorfilimmik naapitsigit

Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.

 

Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

 

Attavissaq:

Peter Munch Eriksen / Rita Gross Bornhuus

(+299) 24 32 53 / 81 78 26

pmer@qeqqata.gl / ribo@qeqqata.gl