Find job
Dette jobopslag er udløbet
Sisimiuni Utoqqaat Angerlarsimaffiat QUPANUK sundhedsassistentinik marlunnik ullukkuuginnartussanik pissarsiorpoq puigortunngortut immikkoortortaani
Sundhedsassistentitut ilinniarsimasuuit, utoqqarnillu sullisserusussuseqarpit.
Sisimiuni Utoqqaat angerlarsimaffiat immikkoortortanut marlunnut agguataagaavoq: Paaqqutarinniffik puigortunngorsimasunullu immikkoortortaq, immikkoortortallu taakkua marluk tamarmik immikkut immikkoortortami aqutsisumit aqunneqarput:
- Paaqqutarinniffik najugaqartunut 20-nut inissaqartitsivoq ataaserlu qasuersaarfiulluni.
- Puigortunngorsimasunut immikkoortortaq najugaqartunut 22-nut inissaqartitsivoq.
Najugaqartut ataasiakkaat imminnut ikiornissaminnut nukittorsarneqarlutillu attassiinnarnissaannut ikiorneqarnissaat aamma, illumi najugaqartut sulisuisalu ataatsimoorlutik, ataasiakkaanut ataqqinnittumik inuuneqarnissaat pingaartinneqarpoq.
Illit ilaatigut makku suliarisassavatit:
- Paarsaqarneq isumassuinerlu, utoqqarnut suliassaqarfimmi siunertarineqartut, anguniakkat malittarisassallu suliarineqarsimasut qulakkeereqataaffiginissaat.
- Oqaloqatigiinnikkut toqqissisimanermik tatigeqatigiinnermillu pilersitsineq.
- Najugaqartup pisinnaasai nukittorsaavigissallugit, ataqqinnittumik suleriaaseqarlutit
- Utoqqarnik isumassuinerup iluani ingerlanneqartut naapertorlugit peqataanikkut ineriartortitseqataaffiginissai.
Naatsorsuutigaarput:
- Social- og sundhedsassistentitut ilinniagaqarsimassasutit
- Aalajaatsuusutit suliannullu akisussaassuseqartutit.
- Inuit assigiinngissusaanik akuersaartuusutit tulluarsarsinnaasutillu.
- Isumassatsialaateqassasutit ingerlatsisinnaassuseqassasutillu
- Suleqateqallaqqissuusutit
- Sulinermi piginnaasatit atorusuttassagitit.
Neqeroorutigaarput:
Ilitsersuut
Suliffimmi ineriartortumi akisussaaqataaneq sunniuteqaqataanerlu pingaartinneqartut.
Atorfik sap. ak. 40 tiimit, naatsorsuutigissavallu sapaatip akunnerisa naaneri allortarlugit akisussaasutut inissisimallutik sulisarnissat.
Suliffik pissanganartoq assigiinngitsorpassuarnik namminersornartunillu suliassaqarfiusoq.
Suliffik namminersornartorujussuaq, ineriartortitsinissamut periarfissagissaartoq
Utoqqaat angerlarsimaffiat Qupanummi atugarissaarneq inuunerissaarnerlu pingaartippagut. Uagut pilluta uani paasissutissanik annertunerusunik atuarsinnaavutit: https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da.
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.
Akissarsiat atorfeqartitaanermilu atugassarititaasut:
Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput. Ukioq allortarlugu ilinnut ilaqutannullu akiliunneqarluni sulinngiffimmi angalaneq.
Qaammatini pingasuni misiligummik atorfinitsitsisoqassaaq.
Najugaq
Atorfimmut tunngatillugu inissamik pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Sisimiuni najugaqariinngikkuit, ilinnut ilaqutannullu pequtinik assartuussineq angalanerlu akilerneqassapput. Atorfininnerup nalaani erngertumik inissamik tuniussisinnaannginnermi inimik pisatsersoreernikumik neqeroorsinnaavugut, atuuttullu malillugit ineqarnermut akiliisoqartassaaq.
Atugarissaarneq aamma Peqqissuseq
Qeqqata kommuniani sulisut illoqarfiup timigissartarfiani akeqanngitsumik atuinissamut neqerorfigitittarput.
Atorfiniffissaq, sukkanerpaamik imaluunniit isumaqatigiissuteqarnikkut.
Atorfik pillugu paasissutissat annertunerit Utoqqaat angerlarsimaffiani pisortamut Peter Mattaaq oqa.: 86 73 50 imaluunniit mailikkut: pema@qeqqata.gl -ikkut saaffiginninnikkut pissarsiarineqarsinnaapput
Atorfininnissamut oqaloqatiginninnerit ataavartumiuk ingerlanneqassapput, aammalu atorfik nivingajunnaareeraluarnerani, sulisussaq eqqortoq nassaarinissaata tungaanu. Illit suleqatissaraatsigit, taava qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq