Skip to main content
95

Dette jobopslag er udløbet

Sisimiuni Utoqqaat Angerlarsimaffiat QUPANUK Køkken- aamma Serviceleder-imik pissarsiorpoq

Igasoq, ernæringsassistent assigisaatulluunniit sulialimmik atorfimmut pilersinneqaqqammersumut Køkken- aamma Serviceleder-imik pissarsiorpugut, taassuma iluaniillutik eqqiaaneq errorsineq kiisalu suliassarpassuit allat unaminarsinnaasut aqutsisuuffigissallugit soorlu, inuussutissaqarluartunik nerisassiorneq, pisinniarneq, pilersaarusiorneq aamma ineriartortitsineq. Køkken- aamma servicelederitut najugaqartunut 43-nut aammalu utoqqarnut innuttaasunut 20-25 missaanut (avataanut nerisassanik pajunneq) iggavimmiut tunniusimalluartut arfinillit taakkunanilu sisamat ernæringsassistentiusut peqatigalugit nerisassioqataasarnissamut piumassuseqassaatit, akisussaaffigissalluguttaaq eqqiaanissaq errorsisarnissarlu, tamatumani eqqiaanerup- aamma errorsinerup iluani sungiussilluarsimasut arfinillit suleqatigissallugit. Ukiut kingulliit ingerlanerini utoqqaat angerlatsimaffiat ineriartornikooqaaq, illillu qitiusumik inissisimassaatit, aqutsisut sulisullu allat peqatigalugit utoqqaat angerlarsimaffiata ineriartuinnarnissaanut tunniusseqataassallutit.

Iggavimmi aqutsisutut nerisat- aamma nerisassat allattorsimaffiata pilersaarusiornera, tamatumani pisinniarneq, nammineq akisussaaffeqarneq, ingerlatsinermi- aamma akissarsiat missingersuusersorlugit akisussaaffigilissavatit. Iggavimmi suliaqartarneq aaqqissuussinnaavat aamma pitsaasumik suleqatigiinnissaq qitiutillugu kiisalu sulinermi akunnerit agguataarnerat suliaralugu. Tunngaviusumik nerisassiorneq misilittagaqarfigigit nerisassanillu sinneqrtarneq annikinnerpaamiisillugu.

Eqqiaaneq tamanut sunniuteqarpoq pingaarutilik, inuunerup qanoq issusaanut aamma tunillatsinnginnissamut. Eqqiaanermi aamma errorsinermi ingerlatsinermi aqutsisutut akisussaaffigissavat malittarisassat aamma pitsaassutsimut malittarisassat atuuttut malinneqarnissaat.

Aqutsisutut patajaattuunissat, ersarisuullutit siuttuunissat aammalu suleqativit malinnaasinnaanerannik nakkutiginnissinnaanissat pingaaruteqarpoq. Suleqatinut, suleqatigisanut, najugaqartunut ilaqutaanullu tunngatillugu ammasuusutit, akuusutit akuersaartumillu periuseqartutit, aammalu inuit assigiinngissutaanik inissaqartitsisuusutit. Pigaartut akunnerinik agguaassinermik allaffissornermillu misilittagaqartutit, tamanna atorfiup 40%rimmagu, aammalu pitsaasumik attaveqatigiinnerup pingaassusaa paasilluarsimagit. Sulinermi kalaallisut qallunaatullu oqaatsit atorneqarput.

Utoqqaat angerlarsimaffiat Qupanummi atugarissaarneq inuunerissaarnerlu pingaartippagut. Uagut pilluta uani paasissutissanik annertunerusunik atuarsinnaavutit: https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da.

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Akissarsiat atorfeqartitaanermullu atugassarititaasut:
Akissarsiat atorfeqarnermullu atugassarititaasut, Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu immikkoortortami aqutsisutut akissarsiaqartitsisoqassaaq. Ukioq allortarlugu ilinnut ilaqutannullu akiliunneqarluni sulinngiffimmi angalaneq.

Qaammatini pingasuni misiligummik atorfinitsitsisoqassaaq.

Najugaq
Atorfimmut tunngatillugu inissamik pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Sisimiuni najugaqariinngikkuit, ilinnut ilaqutannullu pequtinik assartuussineq angalanerlu akilerneqassapput.

Atugarissaarneq aamma Peqqissuseq
Qeqqata kommuniani sulisut illoqarfiup timigissartarfiani akeqanngitsumik atuinissamut neqerorfigitittarput.

Atorfiniffissaq piaartumik isumaqatigiissuteqarnikkulluunniit pissaaq.

Atorfik pillugu paasissutissat annertunerusut uunga saaffiginnillutit paasiniarsinnaavatit, Peter Mattaaq oqa.: 86 73 50 imaluunniit mail: pema@qeqqata.gl imaluunniit QUPANUK-mi pisortap tullianut saaffiginnillutit Annette Eriksen, oqa.: 867351, mail: aner@qeqqata.gl

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq Kommunip nittartagaatigut nassiunneqassapput.

Qinnuteqarnissamut killissarititaasoq: novembarip 30.-at, 2021