Skip to main content
127

Dette jobopslag er udløbet

Sisimiuni Nalunnguarfiup Atuarfia ilinniartitsisunik pingasunik pissarsiorpoq

2021-mi septembarip aallaqqaataani imaluunniit tamatuma kingorna piaarnerpaamik atorfinittussanik, ilinniartitsisunik pingasunik Nalunnguarfiup Atuarfiani pissarsiorpugut.

Atorfimmut qinnuteqassatilluni piumasaqaataavoq ilinniartitsisut ilinniakkap naammassisimanissaa.

 

Nuuttoqarneq kiisalu siusinnerusukkut atorfiit inuttaqannginneri patsisaallutik, siammasissumik qinnuteqartussanik pissarsiorpugut.

Atorfiit maannakkut skemalersorneqareerput, annikitsuinnarmillu katuutsitsisinnaalluni.

 

Qinnuteqarnissamut killigitinneqartoq ulloq 20 august. Oqarasuaatikkut/IT-kkut atorfinitsitsinissaq ataatsimiissutigineqassaaq

 

Nalunnguarfiup Atuarfianik ineriartortitseqataarusussinnaavit?

Sisimiut qaasuitsup killeqarfiata avannaatungaani pinngortitarsuarmi kusanaqisumi periarfissarpassualimmi, ilinniarfissarpassualimmi aammalu meeqqerivinnut inissaqartitsinissami periarfissagissaartumi inissisimavoq.

Aasaanerani ukiuuneranilu pinngortitami pitsaalluinnartunik sammisaqarnissamut periarfissaqarluartoq. Piffissap sivikitsuinnaap iluani qaqqani uagutsinnut ungalusimannittuni pisuffiit kusanangaartut tikinneqarsinnaapput. Imaatigut angalaarnissamut, aalisariarnissamut piniariarnissamullu periarfissaqarluartoq.

Ukiuunerani arlalippassuarnik periarfissaqarpoq, soorlu qimusserneq, qamuteralannik angalaarneq, ujakkaarneq, sangusaarluni sisoraarneq snowboard-ernerlu.

Kommunimi sulisunut timersortarfimmi timigissarsinnaanermut kortimik neqerooruteqartarpoq. Unnukkut atuartitsinikkut arlalinnik neqerooruteqarnikkut periarfissaqarluarpoq.

 

Nalunnguarfiup Atuarfia atuartut ingerlaqqinnissaminnut kajumissuseqarlutik, ilisimasaqarluarlutik inuunermilu misilittagaqarlualersimallutik ikaarsaarnissaannut pitsaanerpaamik atuartinneqarnissaannut ersarissunik anguniagaqarluni ineriartortupilussuuvoq.

Ilinniartitsisoqatigiiusugut ataqatigiilluartuullutalu suleqatigiittut atuartut atuartitsinerlu pillugit ataatsimut suliniuteqarnissaq ukkataraarput.

Suleqatigiinnut suliatigut ingerlalluartunut peqataassaatit, tassani suliassat assigiinngiiaartut, atuartut inuttut suliassatigullu ineriartornissaat annertuumik ukkatarivarput. Inunnik atuartitsinerni nammineq atuartullu siuariartornissaannik kiisalu inuttut ineriartornermik siunniussisinnaasunik pissarsiorpugut, tassani atuartut angajoqqaat suleqatillu pitsaasumik periuseqarluni tapersersussallugit, siunnersussallugit aammalu aqqutissiutissallugit.

Ukiumut pilersaarusiorneq aamma sapaatip akunneranut pilersaarusiorneq ingerlattarpagut, tassani klassit ukioqatigiikkaat akimorlugit atuaqatigiikkaat aamma holdikkaat qiteritinneqartarlutik.

Atuartitsissutinut ilaliullugu, atuartup nammineq naliliinera aallaavigalugu atuartut ataasiakkaat pissarsiarisimasaat ataavartumik naliliivigineqartarput. Tamanna atuartitsinermi pilersaarusioqqinnissamut kiisalu sulianut inuttullu suliniuteqarnermi atuartumut aammalu angajoqqaanut ilitsersuinissamut tunngaviusarpoq. Ukiumut minnerpaamik marloriarluni Angusakkalerisoqartarpoq (angajoqqaanik atuartunik oqaloqateqarneq).

 

Qeqqata kommuniani atuartut ilinniartitsisullu tamarmik iPad-eqarput. iPad-i perorsaanikkut suliaqarnermi sakkutut atornissaanik kiisalu nutaamik atuartitsinermut periutsinut sakkussatut misilittagaqartuunissat iluaqutaassaaq.

Qeqqata Kommuniani ulluinnarni atuartut atuarnissamik attassiinnarnissaat annertuumik suliniutigineqarpoq, atuartitsinerni malitseqartitsinikkut aammalu peqanngittoqartillugu angerlarsimaffimmut attaveqartarnikkut. Ulluinnarni atuarfimmi Tabulex TEA aamma atuarfiup intraa atuartunik nalunaarsuinermi kiisalu atuartunut, angajoqqaanut aammalu suleqatinut attaveqarnernut atugarivarput.

 

 

 

Trin 1-mut (1- 3 kl.)
Atorfik 1:

Atorfik ilinniartitsissutini Assassorneq aamma Ilusilersuineq, Eqqumiitsuliorneq aamma Illuliortaaseq, Timersorneq aamma Silamiinneq kiisalu Nipilersorneq aamma Aalaneq pingaarnertut ilinniartitsisuuneruvoq. Atuartut atualerneriniit kulturikkut paasititsiniaanermik aamma kalaallit kulturiat pillugu atuartitsinerup ineriartortinnissaanut periarfissaqassaatit. Saniatigut klassini atugarsornikkut tapersersuinermi holdinik akunneqartitsineqartarpoq aamma holdini mikinerni, taamaalillutik Kalaallisut Qallunaatullu atuartitsinerit aamma qaffasissumik ingerlasassallutik. 

 

 

Trin 2-mut  (4 -7 kl.) pingaarnertut Qallunaatut aamma Kulturikkut atuartitsissutinut ataatsimik ilinniartitsisussarsiorpugut.
Atorfik 2:

Qallunaatut aamma Kulturikkut atuartitsissutinut ilinniartitsisoq.

4. klassimi aamma 5. klassimi Kulturikkut ineriartortitsinermut pinngortitalerinermullu sunniuteqaqataanissamut periarfissaqassaatit. Skematigut atuuttumi 4. klassimi qallunaatoortitsinissaq kiisalu 4. aamma 5. klassimi eqaarsaartitsinissaq, 4. klassinilu nipilersortitsineq ilaapput.

 

 

Trin 3-mut (8-10 kl.)
Atorfik 3:

Qallunaatut aamma Tuluttut ilinniartitsisoq.

Alloriarfimmi atuartitsissutini ilinniartitsisut allat qanimut suleqatigalugit, qallunaatut tuluttullu atuartitsinermut sunneeqataanissamut periarfissaqassaatit. Ukiumiit ukiumut atuartitsinerup ingerlanneqarnerata attatiinnarneqarnissaanut pilersitsisumik, atuartitsissutini ineriartortitseqataanissat naatsorsuutigineqarpoq. Kalaallisut qallunaatullu oqaaseqartut atorfinnut qinnuteqarnissamut kaammattorneqarput.

 

 

Atuarfimmut attaviginninnissamut tikilluaqqusaavutit. Aasaanerani atuanngiffeqarnerani allaffik ammassaaq.

 

 

Atuarfimmi aqutsisoq
Dan Christensen
dgch@qeqqata.gl
Oqarasuaat:                     00299 86 43 88
Angallattagaq:                00299 52 88 81

 

Atuarfimmi pisortap tullia
Anna Lise Kreutzmann
anlk@qeqqata.gl
Oqarasuaat:                     00299 86 43 88
Angallattagaq:                00299 28 56 61

 

 

Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl

 

Qinnuteqaat misilitsinnermi uppernarsaatit assinganik, CV, oqaaseqaatit innersuussutinillu ilanngussilluni, tigoreersimassavarput kingusinnerpaamik 20. August 2021.

 

Qinnuteqaat una toorlugu nassiunneqassaaq