Skip to main content
83

Dette jobopslag er udløbet

Sisimiuni Nalunnguarfiup Atuarfia ilinniartitsisunik marlunnik pissarsiorpoq

Aggustip aallaqqaataani isumaqatigiissuteqarnikkulluunniit atorfinittussanngorlugu atuarfimmi nukarlerni (1. – 3. kl.)  ilinniartitsisoq ataaseq angajullernilu (8. – 10. kl.) ilinniartitsisoq ataaseq.

 

Qinnuteqarfissamut killiliussaq:

  1. april 2020

Sumiiffik/imm.:

Sisimiut

Sivisussusaa:

Ulloq naallugu

Ulloq atorfiniffissaq:

Aggustip aallaqqaataani isumaqatigiissuteqarnikkulluunniit

Akissarsiat:

Isumaqatigiissutit naapertorlugit

Suliassat akisussaaffiillu:

 

Suliassaqarfiit:

Nalunnguarfiup Atuarfia:

Atorfik 1:

Piffissaq tamakkerlugu nukarlerni ilinniartitsisoq (1. – 3. kl.)

Suliffigisassanni suleqatigiinneq pingaartinneqartorujussuuvoq. Ukiumut sapaatip akunneranullu pilersaarutit suliarisarpagut, tassani aallaavittut ukioqatigiaarlugit pilersaarusiorfigisarlugit. Atuartunik holdikkaarineq atorneqartarpoq. Holdikkaarinermik ineriartortitsinerput sulissutigaarput. Kalaallisut qallunaatullu atuarsinnaalernissamut inerisaaneq, atuartullu inuttut ineriartornerat qitiutinneqarput.

 

Ilinniartitsisumik suliamut tunngasumik ilisimasaqarluartumik pisariaqartitsivugut, atuartitsissutit tamaasa isumagilluarneqarnissaat anguniarlugu.

 

Atorfik 2:

Erninermut atatillugu sulinngiffeqarnermi angajullerni piffissaq tamakkerlugu paarlattaasoq (8. – 10. kl.)

Ilinniartitsisup pikkorissup ernereernermi kingorna sulinngiffeqarnerani paarlassavat. Suleqatigiinnut suliamut atatillugu ilisimasaqarluartunut isissaatit, tassani suliassat assigiinngissitaartut, atuartut inuttut ineriartornerat atuartitsisutillu atuartut ilinniarfinnut allanut ingerlariaqqinnissaannut tapersiisut qitiutinneqarput. Taamaattumik atuartut ilisarisinnaasaannik siunissamut ilinniarfissatullu takorluugaat qitiutillugu, atuartitsisutitigut killiffiat najoqqutaralugu aqqutissiusinnaasumik siunnersuisinnaasumillu pissarsiorpugut.

 

Atuartitsisutigisassatit tassaassapput oqaatsit kalaallisut, qallunaatut aammalu tuluttut annertunerusumik atuartitsisinnaanissat kissaatigineqarpoq. Tamatuma saniatigut atuarfimmi nammineq toqqagassanik aalajangersaanermut suliamut tunngatillugu periutsimik siunnersuuteqarsinnaanissat aamma kissaatigaarput.

 

Nalunnguarfiup Atuarfia sukkasuumik ineriartorluarpoq ersarissunik anguniagassalimmik, atuartut pitsaanerpaamik atuarnissaanik, pitsaasunillu angusaqarlutik ingerlaqqittarnissaat anguniarlugu.

Ilinniartitsisoqatigiit ataqatigiilluartut immikkoortortanilu atuarfillu tamakkerlugu suleqatigiilluartut sulisorivagut. Aqutsisut ersarinnerusut, anguniagassanillu ersaritsitsisut sulisunullu ataasiakkaanut piffissaqarfiginnittut.

Qeqqata Kommuniani atuartut ilinniartitsisullu tamarmik iPad-eqartuummata, qinnuteqartoq iPad-imik sakkutut ilisimasaqarnissaa iluaqutaassaaq.

Nalunnguarfiup Atuarfiani sapaatip akunneranut pilersaarutinut, angajoqqaanut attaveqarnikkut, atuarfiullu iluani attaveqarnikkut ulluinnarni skoleintra atugaraa.

 

TEA (Tabulex Elev Administration) atuartunik nalunaarsuinermi ulluinnarni atorneqartarpoq. Ukiumullu marloriarluni Angusakka sammineqartarput.

Taamaalillunilu ulluinnarni sulinermi qarasaasiarsorneq ilaavoq.

 

Sisimiut qaasuitsup killeqarfiata avannaatungaaniippoq, pinngortitarsualu kusanaqaluni. Ukiukkut aasakkullu pinngortitami sammisaqarnissamut periarfissaqarluarpoq. Nalunaaquttap akunnera ataatsip iluani pisukkaani qaqqani uagutsinnut ungalusimannittuni pisuffiit kusanangaartut tikinneqarsinnaapput. Umiatsaaqqamik angalanissamut piniariarnissamullu periarfissaqarluarpoq. Ukiukkut samisassarpassuaqarpoq, soorlu ujakaarnernik, sangusaarnermik, snowboardernermik, sikukkut sukuutsernermik, qamuteralannernik qimussernernillu.

 

Atassuteqarfissaq:

Atuarfimmi pisortaq, Dan Gert Christensen oqarasuaatikkut (+299) 86 43 88 e-mail-ikkulluunniit dgch@qeqqata.gl attavigineqarsinnaavoq

Akissarsiat atorfeqartitaanermilu atugassarititaasut

Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aamma pequtit assartorneqarneri Naalakkersuit ilinniartitsisullu kattuffiata IMAK-ip akornanni isumaqatigiissutit sukkulluunniit atuuttut naapertorlugit inissinneqassapput.

Atorfinitsitaaneq isumaqatigiissuteqarnikkut pissaaq, kisianni Kalaallit Nunaanni allami tjenestemanditut atorfeqareersimagaanni toqqaannartumik tjenestemanditut ikaarsaartoqarnissaanut periarfissaqarpoq.

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Atorfiniffissaq 1. aggusti isumaqatigiissuteqarnikkulluunniit.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2020-imi apriilip 27-iani nal. 12.00 tigoreersimassavarput.

Qinnuteqaat uunga nassiunneqassaaq:

Qeqqata Kommunia
HR Afdeling
Postboks 1014

E-mail: job@qeqqata.gl
Web: www.qeqqata.gl

 

Atassuteqarfissaq:
Dan Gert Christensen
(+299) 86 43 88
dgch@qeqqata.gl