Skip to main content
91

Dette jobopslag er udløbet

Sisimiuni meeqqerivinnut allaffeqarfimmi pisortatut atorfik pissanganartoq inuttassarsiuunneqarpoq

Atorfik Sisimiuni inissisimavoq aaqqissuussaanikkullu Sisimiuni ilinniartitaanermut pisortap ataani inissisimavoq. Ilinniartitaanermi immikkoortortaq makkuninnga sullitaqarpoq; meeqqeriviit, atuarfiit, Majoriaq kiisalu kultureqarnermut sunngiffimmilu sammisanut immikkoortortaq.

Qinnuteqarfissaq kingulleq:

7. juni 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

juli aallaqqaataani 2019 isumaqatigiinnikkulluunniit

Akissarsiat:

Isumaqatigiissutit malillugit

Suliassat akisussaaffiillu: 

Meeqqerivinnut allaffeqarfimmi pisortaq, meeqqeriveqarnerup iluani politikkikkut anguniakkat suliutigineqartunullu akuutitsinissamut tunngavissamik qulakkeerisoq kissaatigaarput, taamaalillunilu meeqqanut tunngasut iluanni ineriartortitsinermut suliniutinullu tunniussaqarsinnaasoq. Meeqqat pillugit akimortumik suleqataanikkut innuttaasunillu suleqateqarnikkut akuutitsinikkullu, meeqqat pitsaasumik inuuneqalernissaanut sammivimmik meeqqeriveqarfimmi allaffimmi pisortaq sammiviliissaaq.

Suliassat:

  • Meeqqerivinnut allaffeqarfimmi pisortap Sisimiuni nunaqarfiinilu meeqqerivinnut sunngiffimmilu ornittakkanut pingaarnertut akisussaavoq.
  • Sulisunik aqutsineq, suleqatinik ineriartortitsineq ingerlatsinerlu
  • Ataatsimoorluni ineriartortitsinissamik akisussaassuseq meeqqeriviit perorsaanikkut ingerlataasa pitsaassusiata kiffartuussineratalu nukittorsarnissaa.
  • Atuarfinnik suleqateqarluni meeqqerivinni meeqqat atuarfinnut pitsaasumik ikaarsaartarnissaasa qulakkeernissaa.
  • Meeqqap ineriartornera pillugu meeqqeriviit angerlarsimaffimmik pitsaasumik suleqateqarnissaasa qulakkeernissaa
  • Nakkutilliineq kiisalu missingersuutinik naatsorsuutinillu malitseqartitsineq
  • Nakkutilliineq tassunga ilanngullugit illuutinik aserfallatsaaliineq
  • Meeqqeriviup ingerlanneqarnera kommunalbestyrelsimut akisussaaffigissallugu
  • Ingerlaavartumik suliassanik isumaginninneq kiisalu suliassanik ataqatigiissaarinikkut ingerlatsiviup iluani allaffissorneq

 

Piginnaasassat

  • Perorsaanerup iluani ilinniaqqiffiusumik ilinniagaqartutit
  • Aqutsisutut ilinniagaqarsimasutit ersarissumillu aqutsisinnaasutit
  • Aalajangiinissamut pikkoriffeqartutit
  • Torersuusutit kiisalu tulleriiaarluakkamik sulisinnaasutit, nammineersinnaasutit aamma suleqatigiinni
  • Kommuunit missingersuutaannik naatsorsuutaannillu aqutsinermik ilisimasaqartutit
  • Eqqaatsumik suleriaaseqartutit kiisalu takunnillaqqissutit.

 

Sisimiuni nunaqarfiinilu meeqqeriviit:

Suliassaqarfiit tassaapput; Sisimiut, Kangerlussuaq, Sarfannguit aamma  Itilleq 13-nik meeqqerivillit 140-nik sulisullit kiisalu meeqqanut 637-nut inissaateqartitsisut. Taakkua saniatigut marlunnik sunngiffimmi ornittagaqarpoq meeqqanut 143-nut inissalinnik.

Akissarsiat atorfinitsitaanermilu atugassarititaasut: 

Akissarsiatigut sulinermilu atukkat, pisattallu angallanneqarnerat, Namminersorlutik Oqartussat qinnuteqartullu kattuffiata isumaqatigiinniussisinnaatitaasup isumaqatigiissutaat naapertorlugit pissapput.

 

Meeqqanik innarliisimannginnermut uppernarsaasarneq

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Piumasarineqartutut naammaginartumik meeqqanut kiisalu pinerlussimannginnermik uppernarsaammik Qeqqata Kommuunianiit pissarsisoqareerpat atorfinitsitineq pissaaq.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Atorfiniffissaq: 1. juli isumaqatigiissuteqarnikkulluunniit.

Atorfik pillugu ersarinnerusumik paasissutissat ilinniartitaanermut pisortamut Annga Lynge oqarasuaat (+299) 86 7380, e-mail: anly@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatinik, oqaaseqaatinik, imminut ilisaritinnermik, pinerlussimannginnermut uppernarsaammik kiisalu saaffiginniffissanik ilaligaq kingusinnerpaamik 7 juni 2019 uunga nassiunneqassaaq:

Qinnuteqaat uunga nassiunneqassaaq: 

Qeqqata Kommunia
Sulisoqarnermut Immikkoortortaq
Postboks 1014
3911 Sisimiut
E-mail: job@qeqqata.gl
Web: www.qeqqata.gl/atorfik

 

Attavissaq:
Annga Lynge
(+299) 86 73 80
anly@qeqqata.gl