Skip to main content
94

Dette jobopslag er udløbet

Sisimiuni Meeqqanut Ilaqutariinnullu immikkoortortami isumaginninnikkut siunnersorti/sullissisoq ataaseq

Qeqqata Kommunia (Sisimiut) Meeqqanut Ilaqutariinnullu immikkoortortamut isumaginninnikkut siunnersortimik/sullissisumik ataatsimik pissarsiorpoq.
Ilaqutariinnermut immikkoortortaq 25-nik sulisoqarpoq, taakkungannga Meeqqanut Ilaqutariinnullu immikkoortortamut Immikkoortortami aqutsisoq, Ikiorsiisanermut immikkoortortaq, Allatseqarfik, Utoqqarnut immikkoortortaq aamma Innarluutilinnut immikkoortortaq ilanngullugit sulisunut qulingiluanut amerlassusiligaalluni.
Ilaqutariinnermut immikkoortortami suleqataasut suliamikkut inuttullu ineriartorput, tassani immikkoortut arlallit ukkatarineqarlutik, pingaartumik meeqqanut inuusuttunullu tunngasut. Qeqqata Kommunia meeqqanut inuusuttunullu ukkatarinnittunik suleqatigiissitanik arfinilinnik pilersitsinikuuvoq, tassani suleqatigisat attuumassuteqartut tamarmik peqataallutik aammalu taakku illup iluani avataanilu qanittumik suleqatigiillutik. Aammattaaq ilaqutariinnermut immikkoortortami sullissinerup iluani atugassiaasussamik "Qeqqata-model" pilersaarummik suliaqartoqarpoq.

Qinnuteqarfissaq kingulleq:

10. november 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

1. januar 2019 isumaqatigiissuteqarnikkulluunniit

Akissarsiat:

Isumaqatigiissutit malillugit

Isumaginninnermut siunnersortip annertunerusumik suliassaqarfigissavai:  

·         Nalunaarutinik suliaqarneq

·         Siunnersuineq ilitsersuinerlu

·         Pinartoqartillugu suligasuarneq

·         Meeqqanik inuusuttunik angajoqqaavinillu oqaloqateqarnerit

·         Isumaginninnikkut misissuinerit

·         Iliuusissamik pilersaarusiornerit

·         Akimorlugu suleqatigiit peqatigalugit ataatsimiinnerit

·         Immikkoortumi sulianut avitseqatigiinneq

·         Suliassat takkussuuttut nalinginnaasut.

 

Naatsorsuutigaarput:

  • Isumaginninnermut immikkoortup iluani inatsisinut ilisimasaqartutit.
  • Kommuni sullissinernut il.il. misilittagaqartutit.
  • Patajaatsuusutit tatiginartuusutillu
  • Pitsaasumik akuersaartumillu periuseqartutit
  • Akimut suleqatigiilluni ataatsimiisitsinernut katsorsaallunilu ataatsimiisitsinerni misilittagaqartutit
  • Takunnissinnaassuseqarluartutit aamma ulapaarfiusumi

Ilinniakkatigut piginnaasat:

•         Isumaginninnermi siunnersortitut ilinniarsimasoq imaluunniit attuumassutilunnik isumaginninnikkut tunuliaqutaqartoq

•         Oqaluttariarsornikkut allattariarsornikkullu pitsaasunik piginnaasaqartoq

 

Inuttut piginnaasat:

• Sullissillaqqissuusutit

• Saaffigiuminartuusutit

• Suliamut tunniussimasuusutit eqeersimaartuusutillu

• Suleqatiginnikkusussuseqartutit

• Takunnissinnaassuseqarluartutit, aamma ulapaarfinni.

Akissarsiaqartitaaneq atorfinitsitaanerlu: 

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut malillugit inissinneqassapput.

 

Inissaqartitsisoqarsinnaavoq malittarisassat sukkulluunniit atuuttut malillugit akilerneqartartussamik.

 

Atorfininnissaq: Piaartumik isumaqatigiissuteqarnikkulluunniit.

 

Pinerluuteqarsimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq.  Inatsit naapertorlugu atorfinitsitsineq aatsaat pisinnaavoq pinerluuteqarsimannginnermut uppernarsaammik kommune pissarsereerpat. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat annertunerusut aqutsisumut Bibi Alaufesen oqarasuaat (+299) 86 74 19 e-mail: bial@qeqqata.gl imaluunniit Pisortap tullianut Estella Buhrkall oqarasuaat (+299) 86 74 31, e-mail: esbu@qeqqata.gl saaffiginerisigut pissarsiarineqarsinnaapput

 

Qinnuteqaat ilinniarsimanermut uppernarsaatinik attuumassutilinnik, imminut ilisaritinnermik, oqaaseqaatinik attaveqarfissanillu ilalik kingusinnerpaamik tigoreersimassavarput 10 November 2019

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Attavissaq:
Bibi Alaufesen / Estella Buhrkall
(+299) 86 74 37 / 86 74 31
bial@qeqqata.gl / esbu@qeqqata.gl