Skip to main content
106

Dette jobopslag er udløbet

Sisimiuni Kangerlussuarmilu Katerssugaavinnut Katersugaasivimmi inspektøri

Sisimiuni Kangerlussuarmilu Katersugaasiviit piaartumik atorfinittussamik katersugaasvimmi inspektøritut atorfinittussamut ilinniagartuumik pissarsiorpoq.
Katersugaavisiup nunap immikkoortuani akisussaaffeqrqafigivaa Sisimiut Kommunerisimasaa nunaqarfiit Sarfannguit aamma Itilleq kiisalu Kangerlussuup eqqaa nunataalu. Katersugaasiviup ukiuni kingullerni 4.500-ni nunatami kulturikkut pinngortitakkullu oqaluttuarsartaa suliaqarfigivaa.
Sisimiuni Kangerlussuarmilu Katersugaasiviit UNESCO-p Nunarsuarmioqatigiinnut kingornussassarititaa Aasivissuit - Nipisat ineriartortinneqarneranut suleqataavoq aammlau saqqummersitsinernik nutaanik aammalu ingerlatitseqqiinermik suliniutinik allanik ineriartortitsinermi pissanganartumik siunissamik ornigaqarpoq. Suliffeqarfik ulapaarfiuvoq, ilaatigut suliassanik suliniutinillu arlaqartunik - angiisuunik mikisunillu ataatsikkut ingerlanneqartunik ingerlatsiviulluni.

Qinnuteqarfissaq kingulleq:

1. september 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

Isumaqatigiissuteqarnikkut piaartumik atorfinittoqassaaq

Akissarsiat:

Isumaqatigiissutit malillugit

Suliassaqarfik  

Sapaatip akunneranut akunnerit 40-t suliffiusarput. Katersugaavisiup aaqqissuussaanut atatillugu atorfik aammattaaq unnukkut sapaatillu akunnerisa naanerini imaqarsinnaavoq. Suliffissaq pingaarneq tassaavoq Sisimiuni Katersugaasivik, kisianni katersugaasiviup Kangerlussuarmi immikkoortortaani piffissani sivikinnerusuni sulisarsinnaaneq naatsorsuutigineqassaaq.

Katersugaasivimmi inspektøri katersugaasiviup sulisuisa sinnerinik ulluinnarni sulinerni ilaasassaaq, ingammik makkunannga:

-          Katersugaasiviup atuarfinnut sullissinerata ineriartorteqqinnissaa aaqqissuunnissaalu

-          Nalunaarsuineq paarinninnerlu

-          Sumiiffimmi suleqatinik suleqateqarneq

-          Suliat pillugit katersugaasiviullu suliai allat pillugit apeqqutinik akissuteqarneq

-          Saqqummersitanik ineriartortitsineq nivinngaassuinerlu

-          Oqaasiinnartigut allattariarsornikkullu ingerlatitseqqiineq

-          Katersugaasiviup pisortaata peqannginnerani pisortaagallarneq

-          Suliassat takkussuuttut assigiinngitsut

Piginnaasassat

Katersugaasivimmut attuumassuteqartup iluani ilinniagartuumik kanditatimik piginnaasalimmik atorfik inuttalerneqarusuppoq. Ilinniakkamut taarsiullugu misittagaq attuumassutilik atorneqarsinnaavoq. Atorfimmik inuttaliinermi makku pingaartinneqassapput:

-          Ilinniagaq attuumassutilimmik piginnaasanik tunniussisinnaasoq imaluunniit kultureqarnermut imaluunniit ingerlatitseqqinnerup iluani misilittagaqarneq

-          Kalaallit Nunaanni kulturikkut pinngortitatigullu pissutsinut ilisimasaqarneq

-          Naliliisarnermik, uppernarsaasarnermik ilisimasanillu avitseqateqarnermut misilittagaqarneq

-          Oqaasiinnakkut allattariarsornikkullu attaveqarluarsinnaaneq

-          Isumassarsillaqqinneq, anguniagaqallaqqinneq annertuumillu nammineersinnaassuseqarneq

-          Nukittuumik suleqateqallaqqinneq, aamma suliat akimorlugit

-          Sungiussiasuuneq alapernaannerlu - nutaanik ilinniagaqarnissamut piginnaasaqarneq

-          Oqaatsitigut piginnaasaqarneq, ingammik kalaallisut tuluttullu

Akissarsiat atorfeqartitaanermilu atugassarititaasut 

Isumaqatigiissuteqarnikkut piaartumik atorfinitsitsisoqassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunanaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.  Atorfimmut atatillugu sulisunut inissiamik innersuussisoqanngilaq.

Qinnuteqaat

Katersugaasivik pillugu paasissutissat sukumiinerusut nittartakkami sisimiut.museum.gl atorlugu nassaarineqarsinnaapput. Atorfik pillugu paasissutissat sukumiinersut Katersugaasivimmi pisortaq Marie Bønløkke Missunu e-mail mabm@qeqqata.gl imaluunniit oqarasuaat +299 862550 atorlugit pissarsiarineqarsinnaapput.

Qinnuteqaat imminut ilisiartinnermik, ilinniarsimanermut pikkorissarnermilu uppernsarsaatinik, kiisalu uppernarsaatinik attuumassutilinnik ilaligaq kingusinnerpaamik septembarip aallaqqaataani nassiunneqasssaaq.

Nassiunneqassaaq uunga: 

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Marie Bønløkke Missuno
(+299) 86 25 50
mabm@qeqqata.gl