Skip to main content
115

Sisimiuni innarluutilinnut immikkoortumut Immikkoortumi aqutsisoq

Sisimiuni Ilaqutariinnut immikkoortortap ataani Innarluutilinnut immikkoortumi aqutsisutut atorfik 2019-imi septembarip aallaqqaataani inuttassarsiorneqarpoq.
Innarluutilinnut immikkoortup meeqqat inersimasullu innarluutillit sullitarivai. Innuttaasut innarluutaannut tunngatillugu siunnersuillunilu ilitsersuisoqartarpoq, ilaatigut arlaannaanilluunniit ikiuutissanik aamma pisariaqartitsisoqartarluni.
Innarluutilinnut immikkkoortoq atorfinnut pingasunut amerlassusiligaavoq: Immikkoortumi aqutsisoq ataaseq sullissisullu marluk.
Ilaqutariinnermut immikkoortortaq Innarluutilinnut immikkoortumik, Utoqqarnut immikkoortumik, Meeqqanut Inuusuttunullu immikkoortumik, ikiorsiisarnermut immikkoortumik Allatseqarfimmillu immikkoortoqarpoq.
Pisortamut tullersorti ilaqutariinnermullu pisortaq ilanngullugit, Ilaqutariinnermut immikkoortortaq sulisunut 25-nut amerlassusiligaavoq.
Innarluutilinnut immikkoortup annertunerusumik Meeqqanut- aamma Ilaqutariinnut immikkoortumik aamma Utoqqarnut immikkoortumik kisianni aamma Suliffissarsiuussisarfimmik Majoriamillu suleqatigisarpai.
Taassuma saniatigut Ilaqutariinnermut immikkoortortaq tamakkerlugu suliat pillugit ataatsimeeqatgiittarnermik aammalu nunaqarfiit allaffiinik ataatsimeeqateqartarnernik qanimut suleqatigiittoqarpoq.

Qinnuteqarfissaq kingulleq:
21. august 2019

Sumiiffik/Pisortaqarfik:
Sisimiut

Sivisussuseq:
Tamakkiisoq

Atorfininnermi ulloq:
1. September 2019

Akissarsiat:
Isumaqatigiissutit malillugit

Suliassat akisussaaffiillu tassaapput: 

  • Innarluutilinnut immikkoortumi oqartussaassuseqarnikkut sullissineq tamakkiisoq
  • Inniminniinermik ingerlatsivimmik aqutsineq
  • Akimortumik suleqatigiinneq
  • Sulianut atatillugu apeqqutinut sullissisunik isumasioqateqarneq
  • Suleriaatsip ineriartortinnissaa pitsanngorsarnissaalu
  • Innarluutilinnut immikkoortortaqarfiup aningaasaqarneranik aqutsineq
  • Ilaqutariinnermut immikkoortortami innarluutilinnut immikkoortortaqarfimmi pingaartillugu ineriartortitsinermut peqataaneq

Naatsorsuutigaarput:

  • Inunnik isumaginninnermut siunnersortitut imaluunniit isumaginninnermut tunngasunik ilinniakkamik allamik ilinniagaqartuusutit
  • pinerluuteqarsimanngitsutit
  • ammasuusutit aqutseriaatsikkullu ersarissuusutit
  • siusinnerusukkut suliffigisimasannit aqutsinermik misilittagaqartutit, piumasaqaataanngilarli
  • Aalajangiinissamut pikkoriffeqartuusutit
  • Sulisunik kajumissaarillaqqissuusutit
  • Kommuunit missingersuutaannik naatsorsuutaannillu aqutsinermik ilisimasaqartuusutit
  • Politikkikkut aqunneqartumik suliffeqarfimmi sulinermik ilisimasaqarlutillu misilittagaqartuusutit

 

Neqeroorutigaarput:

  • Suliffissannik ilisarititsineq
  • Suliffik pissanganartoq unammillernartorlu
  • Suliffeqarfik uummaarissoq ulluinnarni unammillernartorpassualik
  • suleqatit aqutsisooqatillu pitsaasut arlaqartut
  • Illup avataani iluanilu suleqateqarneq
  • Piginnaasannik ataavartumik ineriartortitsineq
  • Innarluutilinnut immikkoortumi ineriartornermut sunniuteqarnissamik periarfissaqartitsineq
  • Angerlarsimaffinni ikiorteqarfik ingerlalluartoq
  • immikkoortortani aqutsisoqatit pitsaasut
  • Suliassat pissanganartut, assigiinngitsut namminersorfiusullu

 

Innarluutilinnut immikkoortortaqarfimmi pisortaq, Ilaqutariinnermut pisortamut qaninnertut attaveqassaaq.

Akissarsianut atorfinitsitaanermilu atugassarititaasut 

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.

 

2019-imi septembarip aallaqqaataani atorfinittoqassaaq.

  

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu paasissutissat sukumiinerusut Ilaqutariinnermut pisortamut Kirsten Bødker-imut oqarasuaat (+299) 867417, e-mail: kirb@qeqqata.gl saaffiginninnikkut pissarsiarineqarsinnaapput

  

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik attaveqaatissanillu ilaqartoq tigoreersimassavarput 31. Juli 2019

Qinnuteqaat uunga nassiunneqassaaq:  

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Kirsten Bødker
(+299) 86 74 17
kirb@qeqqata.gl