Skip to main content
145

Dette jobopslag er udløbet

Sisimiuni immikkoortortami aqutsisoq / Områdeleder

Kommunip Sisimiuni annaassiniartarnermi upalungaarsivianut suleqatikkuminartumik, inussiarnersumik ammasumillu Qeqqata Kommunia Immikkoortortami Aqutsisoq / Områdeleder garage-ami nakkutilliisussarsiorpoq. Piaartumik isumaqatigiissuteqarnikkulluunniit atorfik inuttalerneqassaaq.

Qeqqata Kommuniata annaassiniartarnermi upalungaarsivia kommunit kattunneqarnerisigut, katillugit 106-inik qatserisartoqarluni Sisimiuni Maniitsumilu qatserutaasivinnik marlunnik, nunaqarfinnilu qatserutaasivinnik arfinilinnik qatserutaasiveqarpoq, soorluttaaq Qeqqata Kommunianut sullissisuullutik Kangerlussuarmi 16-inik qatserisartoqarlunilu 4-nik indsatsledereqarpoq.  Upalungaarsimanermi pisortaq, taassumalu tullersortaa suleqatigalugit, Sisimiuni annaassiniartarnermi upalungaarsimaneq immikkoortortami aqutsisutut qaffasissumik ingerlatissavat.

Ilaatigut tullinnguuttut akisussaaffigissavatit: 

  • Sisimiuni nunaqarfiinilu upalungaarsimanissamik aqutsineq, matumani garage-mi aqutsisutut suliassat ilanngullugit
  • Qatserisarfimmi sulisunik aqutsineq
  • Sisimiuni nunaqarfiinilu qatsersartoqarfiup missingersuutaanut akisussaaneq
  • Upalungaarsimanissami pilersaarutit malinnaatinneqarnissaat
  • Akisussaaffigisap iluani tunngaviusumik ilinniartitsinissap akisussaaffiginera
  • Ikuallatsaaliilluni misissuinerit (brandsyn)
  • Qatserisarfiup atortuutaanik illuutaanillu aserfallatsaaliineq, matumani atortut ingerlatillit isumaginissaat ilanngullugu
  • Illoqarfimmi nunaqarfinnilu innuttaasunut pinaveersaartitsinermut tunngasunik suliniutit
  • Suliat pitsaasumik, eqaatsumik, suliat suliarineqarnissaallu malillugu suliarineqarnissaasa qulakkeerneqarnissaa
  • Suliassat takkussuuttut assigiinngitsut.

Qinnuteqartumut piumasaqaatit:

  • (Illoqarfimmi/timmisartumi) ikuallattoqartillugu qatserinermi pisortatut ilinniarsimasuussasutit, (Indsatsleder)
  • Ajornanngippat ikuallatsaaliinermut nakkutilliinissamik ilassutitut ilinniarsimassasutit (brandsyn).
  • Allaffissornermi sulinissamut piginnaasaqarluarneq
  • Imminut upalungaarsimanissamilu illup iluani avataanilu sulianut tunngatillugu ataqqinnissuseqarnermik pilersitsisinnaalluni pisortaassasutit
  • Tatiginassusilimmik sulianut tunngatillugu aaqqissuussaanermi sutigut tamatigut eqqartueqatigiissinnaasutit
  • Tikkuussisinnaallutit ataatsimoortitsisinnaassuseqassasutit
  • Aningaasaqarnermut ilisimasaqassasutit
  • Aalajangiinernut sunniuteqaqataasutut piumassuseqalersitsisumillu sulisut piginneqataasutut misigilersissinnaassagitit

Qinnuteqartoq inuttut:

  • Sunniuteqarluartuussaaq, aammali naalaarsinnaassuseqartuussallutillu
  • Angusanut ineriartortitassanullu tappittuussaaq
  • Aaqqiagiinngittoqartillugu aaqqiagiingissutsinik iluarsiiniarsinnaassuseqassaaq
  • Tatiginartuussaaq, avatangiisiminullu tatiginassutsimik takutitsisinnaassalluni

Akissarsiat atorfinitsitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunanaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Atorfinittumut atatillugu inissiamik innersuussisoqarsinnaavoq.

Pinerluuteqarsimannginnermut uppernarsaat naammagisimaarnartoq aallaavigalugu atorfinitsitsisoqassaaq. 

Annertunerusumik paasissutissat:
Upalungaarsimanermi pisortamut Inunnguaq Eigil Lundblad oqarasuaat +299 38 41 13-imut imaluunniit e-mail inel@qeqqata.gl-imut attaveqarlutit, atorfik pillugu annertunerusumik paasissutissanik pissarsisinnaavutit.

Qinnuteqaat imminut ilisiartinnermik, ilinniarsimanermut pikkorissarnermilu uppernsarsaatinik kiisalu uppernarsaatinik pingaarutilinnik allanik ilaqartoq Qeqqata Kommuniata nittartagaatigut nasssiunneqassapput.

Qinnuteqarfissaq ulloq kingulleq: 29. november 2022

Qinnuteqaatit nassiussinnaavat una linkeq toorlugu