Skip to main content
114

Dette jobopslag er udløbet

Sisimiuni Ilaqutariinnik Kiffartuussivimmi Isumaginninnermut siunnersorti

Sisimiuni Ilaqutariinnik Kiffartuussivimmi isumaginninnermut siunnersortitut atorfimmut sulisussarsiorneq.

Atorfik/ilaqutariinnik kiffartuussivik pillugu:
Qeqqata Kommuniani Ilaqutariinnik Kiffartuussivik pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnik Kiffartuussiup suliassaa tassaavoq, ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnik Kiffartuussivik pinaversaartitsinernik suliaqarpoq, matumani ilaqutariit naartulernermiit tapersersorneqartarlutik. Maannakkut miljøarbejderit marluk, isumaginninnermi perorsaasut marluk, angerlarsimaffimmut pulaartartoq ataaseq, pitsaaliuinermut siunnersortit marluk, isumaginninnermut siunnersorti kiisalu aqutsisoq sulisorineqarput. Sulisut akornanni qanimut suleqatigiinnissaq pingaartinneqarpoq, sulinermut inuttullu ineriartornissaq aamma ukkataraarput. Sulianut atatillugu sunniuteqarusukkuit, suleqataanissannut periarfissaqarputit.

Suliassat akisussaaffiillu

  • Ilaqutariinnik ataasiakkaanik ilaqutariinnut siunnersuinissamik pilersaarusiornermut peqataaneq.
  • Meeqqanut ilaqutariinnullu Ilaqutariinnik Kiffartuussivimmut innersuunneqarsimasunik siunnersuineq
  • Ilaqutariinnik Kiffartuussivimmi Ilaqutariinnut siunnersueqataaneq, matumani ataasiakkaanut arlariinnullu ilaqutariinnut siunnersuineq ilanngullugu
  • Meeqqanut ilaqutariinnullu Ilaqutariinnik Kiffartuussivimmit sullinneqartunut atatillugu pilersaarusioqataaneq suliniutinillu piviusunngortitsineq
  • Ilaqutariinnik Kiffartuussivimmi suliatigut ineriartortinneqarneranut peqataaneq.

Piginnaasassat

  • Isumaginninnermi siunnersortitut ilinniarsimasuusutit.
  • Ilaqutariinnut sullissinermik kiisalu siunnersuinermik qinnuteqartup misilittagaqarnissaa pingaartinneqarpoq. Tamannali piumasaqaataanngilaq, taamaattumillu ilinniakkaminnik naammassinneqammertut qinnuteqarnissamut tikilluaqqusaapput.
  • Suliatigut pikkorissuusutit.
  • Akisussaassuteqartutit, ammasuusutit suleqatikkuminartuusutillu.
  • Nammineersinnaassuseqartutit.
  • Marluinnik oqaaseqartuusutit, kalaallisut qallunaatullu, tamannali piumasaqataanngilaq

Akissarsiat atorfeqartitaanermilu atugassarititaasut
Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma Atorfilli Kattuffiata akornanni isumaqatigiissutit atuuttut malillugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Atorfininnissaq 1. september 2021isumaqatigiissuteqarnikkulluunniit pissaaq.

Atorfik pillugu paasissutissat annertunerusut, Ilaqutariinnik Kiffartuussivimmi aqutsisoq Mathilde Skjødt Worsøe-Petersen oqarasuaatikkut +299 86 60 77, e-mailikkut: mawp@qeqqata.gl attavigineratigut pissarsiarineqarsinnaapput

 

Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl

Qinnuteqaat misilitsinnermi uppernarsaatit assinganik, CV, oqaaseqaatit innersuussutinillu ilanngussilluni, tigoreersimassavarput kingusinnerpaamik 18. August 2021.

Qinnuteqaat una toorlugu nassiunneqassaaq