Skip to main content
152

Dette jobopslag er udløbet

Sisimiuni ikuallaavimmi, immikkoortiterivimmilu aqutsisoq

Sisimiuni Teknikkimut Avatangiisinullu Immikkoortortaq, Sisimiuni ikuallaavimmi immikkoortiterivimmilu aqutsisussarsiorpoq.

Qinnuteqarfissaq kingulleq:

24. april 2019

Sumiiffik/Pisortaqarfik:

Sisimiut

Sivisussuseq:

Tamakkiisumik

Atorfininnermi ulloq:

maj aallaqqaataani isumaqatigiinnikkulluunniit

Akissarsiat:

Isumaqatigiissutit malillugit

Atorfininneq isumaqatigiissutillu 

Atorfik ukiuni sisamani atorfigisussanngorlugu killiligaavoq – sivitsuisoqarnissaanilli periarfissaqarpoq.

Kalaallit Nunaanni qitiusumik ikuallaaveqalernissaq, eqqakkanillu ikuallanneqarsinnaasunik assartuisalernissaq ilaatigut sulissutigalugit, Kalaallit Nunaanni eqqagassalerinerup annertuumik allannguiffigineqarnissaanik Qeqqata Kommunia aamma Kalaallit Nunaat suliaqaleruttorput. Taamatut allannguiniarneq, allannguinerullu atuutilersinneqarnissaani illit ikuallaavimmi aqutsisutut suleqataassaatit.

Uummaarissumik suleqatigiit suleqatigissavatit, ulluinnarnilu pissanganarluinnartumik unammillernartunik suliaqartassallutit.

Sisimiuni Kalaallit Nunaannilu eqqagassalerineq annertuumik allannguiffigineqarnialermat, allannguinissamut piumassuseqarluartut atorfissaqartinneqarput. Atoqqiinerup annertusarneqarnissaa piumasaqaataavoq, annertusaanissamilu tamatumani ikuallaavimmi aqutsisup kommunimi suleqatissani peqatigalugit pingaarutilittut inissisimasussaavoq.

Matumani suleqatitit suleqatigalugit ulluinnarni sulininnut sunniuteqarnissannut, suliffiup ulluinnarnilu sulinerup ilusilersorneqarnissaanut periarfissaqarpoq.

Sisimiuni ikuallaavik ikuallaavimmut 2,3 Mw-mik uunnaaveqarpoq, uuliakunullu 2,5 Mw-mik uunnaaveqarluni. Ikuallaavimmik ingerlatsinermi, holdit pingasut paarlakaallutik sulisarput.

 

Piginnaasassat:

  • Maskinmesteritut, maskinalerisutut, elektrikerisut, automatikmekanikeritut assigisaanilluunniit ilinniarsimassaatit, soorluttaaq aqutsinermik, el/automatikkimit suliniummillu aqutsinermik nalinginnaasumik misilittagaqassasutit.
  • Ilinniarsimassutsikkut assingusumik tunuliaqutaqassaatit.
  • Aqutsinermik ilinniarsimassaatit, sulisunillu aqutsinermik misilittagaqarlutit.
  • Isumannaallisaanermik, peqqinnermillu suliaqarnermik misilittagaqartutit.
  • Qarasaasianik nalinginnaasumik atuisinnaassasutit.
  • Peqqissaartuusutit, systemilimmik namminersorlutillu sulisinnaassasutit
  • Minnerpaamik Kat B-mut biilersinnaanermut allagartaqassasutit.
  • Suleqatikkuminartuussutit, ilakkuminartuusutillu.
  • Pilersaarusiornermik, suleqatigiinnillu aqutsinissamik misilittagaqartutit.
  • Marluinnik oqaaseqartutit - kalaallit/qallunaatut – ajornanngippallu tuluttut
  • Ikuallaavimmi sulinermik/aserfallatsaaliinermik misilittagaqassasutit.
  • Eqqagassalerinermik, atoqqiinermullu ilisimaqassasutit.
  • Suliniutinik aqutsinermik misilittagaqaruit pitsaassaaq.

 

Akisussaaffiit pingaarnertut tassaassapput:

Sulisut aqqaneq-marluk aqunneqarnissaat, kajumissaartarnissaallu.

Suleriaatsinik, nukinnillu atorluaanissap qulakkeerneqarnissaat

Aserfallatsaalisassanik misissuineq, piffissamullu sivisuumut pilersaarusiornerit, malitseqartitsinerillu.

Immikkoortiterinermi, atoqqiinermilu annertusaanissami ataqatigiissaarisoq.

Nassiussassat, eqqakkallu eqqortumik inaalinneqarnissaasa qulakkeerneqarnissaat.

Ikuallaavimmi nukimmik pilersuinerup atorluarneqarnissaa.

Ikuallaaviup iluani, silataanilu torersuutitsineq.

Sisimiuni eqqagassalerinermi tigoraaviup, immikkoortiteriviullu inerisarneqarnissaat.

Sisimiut nunaqarfiini marluusuni vejformandit suleqatigalugit eqqagassalerinerup ataqatigiissarneqarnissaa.

Sullitanut, tuniniaasunullu atassuteqarluarnissap qulakkeerneqarnissaa

Sisimiuni eqqagassalerineq pillugu suliniutit inerisarneqarnerinut suleqataaneq.

Suliffissaq, suliartoqquneqaratarsinnaanermut sillimasussat pillugit pilersaarusiornerit

Akissarsiat atorfinitsitaanermilu atugassarititaasut 

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Kalaallit Nunaanni Naalakkersuisut aamma isumaqatiginninniarsinnaatitaalluni qinnuteqartup peqatigiiffiata akornanni qaqugukkulluunniit isumaqatigiissutit atuuttut naapertorlugit inissinneqassapput.

Malittarisassat atuuttut naapertorlugit akilersorneqartussamik inissaqartitsisoqarsinnaavoq.

Maajip aallaqqaataani, isumaqatigiissuteqarnikkulluunniit atorfinitsitsisoqassaaq.

Piaartumik, isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat annertunerusut, immikkoortortaqarfimmi aqutsisumut Martin Jungersen-imut, oqarasuaat +299867475, mail imaluunniit Teknikkimut Avatangiisinullu Immikkoortortami pisortaagallartumut Niels Mønsted-imut, oqarasuaat+299867471, mail niem@qeqqata.gl-imut saaffiginninnikkut pissarsiarineqarsinnaapput.

Qinnuteqarnissamut killiliussaq: 24/4 - 2019

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik, saaffigineqarsinnaasunillu ilaqartinneqartut uunga nassiunneqassaaq:

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Martin Jungersen
(+299) 86 74 75
maju@qeqqata.gl