Skip to main content
91

Dette jobopslag er udløbet

Sisimiuni angerlarsimaffinni ikiortinut aqutsisoq

2019-imi juulip aallaqqaataani atorfinittussamik Angerlarsimaffinni ikiortinut aqutsisumik Sisimiuni Ilaqutariinnermut immikkoortortaq pissarsiorpoq.

Qinnuteqarfissaq kingulleq:
7. juni 2019

Sumiiffik/Pisortaqarfik:
Sisimiut

Sivisussuseq:
Tamakkiisoq

Atorfininnermi ulloq:
1. Juli 2019 aallaqqaataanit isumaqatigiinnikkulluunniit

Akissarsiat:
Isumaqatigiissutit malillugit

Atorfininneq isumaqatigiissutillu 

2018-imi ukiakkut ulloq unnuarlu angerlarsimaffimmi ikiorteqarfimmik pilersitsioqarnikuummat, piffissap nal. 8-17 kiisalu unnukkkut unnuakkullu, angerlarsimaffinni ikiortit innuttaasunut assigiinngitsunik inuttut ikiorneqarnissamik paaqqutarineqarnissamillu pisariaqartitsisunut, suliakkiissutigineqartunut kiisalu tigussaasunik ikiuunnernik angerlarsimaffimmi ikiortit sullissinermik tunniussaqartarput.

Angerlarsimaffinni ikiortit saniatigut Ilaqutariinnermut immikkoortortaq illoqarfiimmi suliffeqarfeqarpoq soorlu najugaqaqatigiiffik, Ilaqutariinnik sullissivik, Utoqqaat angerlarsimaffiat allaffeqarfillu.

 

Angerlarsimaffimmi ikiorteqarfik aqutsisumut, tullersortimut angerlarsimaffinnilu ikiortinut 14-inut sulisussanut amerlassusiligaavoq.

Angerlarsimaffimmi ikiorteqarfik Utoqqarnut immikkoortortamik, Utoqqaallu angerlarsimaffiannik qanimut suleqateqarpoq.

 

Aqutsisup ulluinnarni ullormut suliffigisarpai nal. 8-16 akornanni, aqutsisorlu ilaanneeriarluni angerlarsimaffinni ikiortinut, unnukkut sapaatillu akunnerisa naanerini sulisunut paarlaasuunissamut piareersimasussaavoq.

 

Angerlarsimaffinni ikiortinik aqutsisumut Ilaqutariinnermut pisortaq qaninnertut pisortaavoq.

 

Suliassat akisussaaffiillu:

  • Angerlarsimaffimmi ikiorteqarfimmik ulluinnarni ingerlatsineq, angerlarsimaffimi ikiortit akornanni pilersaarusiorneq, nukissanillu agguataarineq ilanngullugu.
  • Suliassatut aaqqitassatut tunniunneqartumut tunngatillugu sulisussanik piginnaasassanillu pisariaqartitanut sukkulluunniit peqartarnissaanut akisussaaneq
  • Angerlarsimaffinni ikiortinik nutaanik ilinniartitsinissamut akisussaaneq
  • Nunaqarfinni angerlarsimaffinni ikiortit ingerlanissaanut akisussaaneq
  • Angerlarsimaffimmi ikiorteqarfiup pitsaasumik suliaqarnissaa, suliamullu nalinginnaasumut tunniussaqarnissaanut akisussaaneq
  • Missingersuutinik sulisusallu amerlassusilerneqarnerata malitsinneqarnissaanut akisussaaneq
  • Aqutsisunut qaammatikkaartumik aningaasaqarnikkut nalunaarusiornissamut akisussaaneq

Angerlarsimaffimmi ikiorteqarfimmik nutaaliornissamut ineriartortitsinissamullu akisussaaneq

Suliniutini peqataanissamut akisussaaneq

Utoqqaat angerlarsimaffiannut utoqqarnullu inissianut inissiinissamut ataatsimiititaliamut peqataaneq

Illup avataani immikkoortortani aqutsisut ataatsimiinnerinut peqataaneq

Ataatsimiinnerni attuumassutilinni allani peqataaneq

 

Naatsorsuutigaarput:

  • Sundhedsassistentitut imaluunniit peqqissutsimut suliaqarfimmik ilinniakkamik allamik ilinniagaqartuusutit
  • pinerluuteqarsimanngitsutit
  • ammasuusutit aqutseriaatsikkullu ersarissuusutit
  • siusinnerusukkut suliffigisimasannit aqutsinermik misilittagaqartutit, piumasaqaataanngilarli
  • Aalajangiinissamut pikkoriffeqartuusutit
  • Sulisunik kajumissaarillaqqissuusutit
  • Kommuunit missingersuutaannik naatsorsuutaannillu aqutsinermik ilisimasaqartuusutit
  • Politikkikkut aqunneqartumik suliffeqarfimmi sulinermik ilisimasaqarlutillu misilittagaqartuusutit

Neqeroorutigaarput:

  • Suliffissannik ilisarititsineq
  • Suliffik pissanganartoq unammillernartorlu
  • Suliffeqarfik uummaarissoq ulluinnarni unammillernartorpassualik
  • suleqatit aqutsisooqatillu pitsaasut arlaqartut
  • Illup avataani iluanilu suleqateqarneq
  • Piginnaasannik ataavartumik ineriartortitsineq
  • Angerlarsimaffinni ikiorteqarfimmi ineriartornermut sunniuteqarnissamik periarfissaqartitsineq
  • Angerlarsimaffinni ikiorteqarfik ingerlalluartoq
  • immikkoortortani aqutsisoqatit pitsaasut
  • Suliassat pissanganartut, assigiinngitsut namminersorfiusullu

Akissarsiat atorfininnermilu atugassarititaasut 

Piumasarineqartutut naammaginartumik pinerlussimannginnermik uppernarsaammik Qeqqata Kommuunianiit pissarsisoqareerpat atorfinitsitineq pissaaq.

Atorfimmut atatillugu inissaqartitsisoqarsinnaavoq.

 

2019-imi juulip aallaqqaataani atorfinittoqassaaq.

 

Atorfik pillugu paasissutissat annertunerusut, ilaqutariinnermut immikkoortortami pisortamut Kirsten Bødker-imut, oqarasuaat (+299) 86 74 17-imut imaluunniit e-mail: kirb@qeqqata.gl-imut saaffiginninnikkut pissarsiarineqarsinnaapput.

 

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2019-imi  7. Juni-ani uunga nassiunneqassaaq:

Qinnuteqaat uunga nassiunneqassaaq:  

Qeqqata Kommunia
Sulisoqarnermut immikkoortortaq 
Postbox 1014
3911 Sisimiut
E-mail: job@qeqqata.gl
We: www.qeqqata.gl/atorfik

 

Attavissaq:
Kirsten Bødker
(+299) 86 74 17
kirb@qeqqata.gl