Kalaallit Nunaanni suliatigut unammillernartunik suliaqarusuppit, taamaassappat innuttaasunik sutigut tamatigut sullisserusuttuuguit atorfimmik ilinnut piukkunnartumik peqarpugut.

 

Immikkoortoq Qeqqa tassaavoq pingaarnertut illoqarfiit marluullutik, Sisimiut aamma Maniitsoq, arfinilinnik nunaqarfittalik Kalaallit Nunaanni qeqqani inissisimasoq. Innuttaasut katillugit 10.000 missarluinnaaniipput.

Naatsorsuutigaarput ulluinnarni Sisimiut Napparssimmaviani nal. 8-12 aammalu kommunimi imaluunniit kommunimut illoqarfimmi nal. 12-16 akornanni sulisassasutit. Paarlakaattarnissai periarfissaavoq. Iggavimmi sungiusarnissamut periarfissaqarluni, ulloq naallugu ilinnit atorneqarsinnaasumik kommunimilu sullitannik sungiusaanermi aamma atorneqarsinnaasumik, napparsimmavimmi pillorissaasup sungiusaasarfeqarpoq.

Ulluinnarni atorneqarsinnaasunik aamma kommunimi sungiusaanissamut iniuteqarpoq.

Ukiumut ataasiarluni-sisamariarluni Maniitsumut/-mit angalasarnissaq naatsorsuutigineqassaaq. Kiisalu sullitanik, sulisunik ilaqutaasunillu nalilersuinissamut ilitsersuinissamullu internet (teams) atorlugu siunnersuinerit.

Qeqqata Kommunia:

Innarluutilinnut Qeqqata Kommuniani najugaqartunut kiisalu utoqqarnut nammineq angerlarsimaffeqartunut aammalu Utoqqaat angerlarsimaffianni najugaqartunut, najukkami assigiinngitsutigut sungiusarnissamut pilersaarusiornissaq aammalu annertusaanissaq siunertaralugu, iluaqusersuutinut siunnersuinissamut ilitsersuinissamullu pillorissaasoq akisussaasuussaaq.

Pillorisasaasup kommunimi suliassai:

• Suliatigut misissuinerit naliliisarnerillu, matumani ICF-imik COPM-imillu atuineq ilanngullugu.
• Ulluinnarni piginnaanngorsaqqiineq
• Ataavartitsisussamik sungiusarneq, ataasiakkaarinikkut holdikkaartumillu.
• Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq
• Uppernarsaasiineq
• Suliaqarfiit assigiinngitsut suleqatigiinnerat
• Ilinniartitsisunik, ilaqutaasunik aammalu akimortumik suleqatigiinnik ataatsimeeqateqartarneq

Kommunimi suliassanut uppernarsaasiornermi Winformatik support / social atorneqartarpoq, ilaqutariinnut immikkoortortamilu allagaatitut marpit pigineqarlutik.

Peqqisaavik:

Maniitsumi Peqqinnissaqarfik 18-inik siniffilimmik immikkoortortaqarpoq, nakorsiartarfimmi nakorsat marluk timimillu sungiusaasoq ataaseq.

Sisimiuni Nunap immikkoortuani napparsimmavik 19-inik siniffilimmik immikkoortortaqarpoq, nakorsiartarfimmi nakorsat tallimat-arfinillit timimillu sungiusaasartut marluk. Illoqarfimmi nakorsat innuttaasunik, tassaasut utoqqaat, inersimasut meeqqallu, timimik sungiusaasumut/pillorissaasumut innersuussisarput. Illup iluani uninngasunik nakorsianillu sullissisoqartarpoq.  Namminersorluni sulisinnaanissaq, unammillernartunik suliaqarsinnaanissaq aammalu eqaatsumik sulisinnaanissaq pingaaruteqarpoq

Pillorissaasoq aammalu timimik sungiusaasoq immikkut inissisimallutik napparsimmaviup naqquani inissisimapput, sullitalli pillugit suleqatigiinneq pingaarnerutinneqarmat aalajangersimasumik naapittassaasi. Pisariaqartitsinermi oqalutseqartoqarsinnaavoq.

Peqqissaavimmi pillorissaasup pingaarnertut suliassarai:

-       Sullitat timimikkut eqqarsartaatsikkullu kiisalu piginnaasatigut annaasaqarsimasunik sungiusaaneq.

-       Qaratsakkut aanaartoorsimasunut/taqqamik milikartoorsimasunut kukkusumik iisiniartarnerinik nalilersuinerit

-       Sullitanik ataasiaakkaanik aammalu timimik sungiusaasartumik suleqateqarnikkut sungiusaqqiineq.

-       Sullitat iluaqusersuutinik qanoq pisariaqartitsinerinik nalilersuineq.

-       Puigortunngorsimanermut misissuinermik ingerlatsineq

-       Sulisunik ilaatigullu ilaqutarissaasunik imaajaaneq ilitsersuinerlu.

-       Sullitanik nakorsiartunik, najukkami kiisalu nunap immikkoortuani peqqissaavinnit nakorsanit innersuunneqartunik misissuineq, katsorsaaneq ilitsersuinerlu.

-       Suliaqarfiit assigiinngitsut attuumassuteqartut ataatsimiinnerinut peqataaneq. Kiisalu uninngasut immikkoortortaanni sapaatit akunneranut isummersoqatigiinnermi.

Ulluinnarni ataasinngornermit tallimanngornermut nal. 08.00-16.00 suliffiusarpoq. Pigaartutut aaqqiissutitaqanngilaq. Ulluinnarnut pilersaarusiornissamut ataqatigiissaarinissamullu pingaarnertut akisussaasuussaatit. Peqqissaavimmi uppernarsaasiornermut cosmic atorneqartarpoq, uppernarsaasiornernullu tamanut namminneq akisussaasuussallutit.

Sungiusaasut/katsorsaasut akornanni sapaatip akunneranut ataatsimiittoqartarpoq, ataatsimiinnermi sullitat imaluunniit katsorsaanermi ass. periutsit nutaat il.il. eqqartorneqarlutik. Nuummi DIH-mi sungiusaasunik/katsorsaasunik teams atorlugu isumsioqatigiissinnaanermut periarfissaqarportaaq.

Pillorissaasup suliassai assigiinngissitaartuummata namminersorlunilu ingerlanneqartartuummata, pillorissaasoq annertuumik ukiunilu arlaqalaartuni misilittagaqarnissaa pingaartinneqarpoq.

 

Atorfik inuttassarsiorneqartoq 1. Juli 2023 aallarnerfigalugu isumaqatigiissuteqarnikkulluunniit inuttalerneqassaaq.

 

Kalaallit Nunaanni Sisimiut illoqarfiit annersaasa tulleraa, taamaattumillu assigiinngitsunik sammisaqarnissamut kulturikkullu aaqqissuussaqarnissamik periarfissaqarluni illoqarfiuvoq ullutsinnut malinnaasoq. Illup iluani pingaarnertullu silami annertuumik timersorfiuvoq. Kalaallit Nunaanni ukiuunerani timersornermut kiisalu nunap timaani misigisassarsiornissamut Sisimiut qitiusoqarfiuvoq. Peqqissaavimmi sulineq aammalu illoqarfik pillugit tunngaviunerusumik paasisaqarusukkuit uani atuaruk: http://www.peqqik.gl/da-DK/Footerpages/Uddannelse/Ansaettelse_i_sundhedsvaesenet

 

Qeqqata Kommuniata nittartagaa: www.qeqqata.gl

 

Kalaallit Nunaanni Peqqissaavik 1. juli 2017 aallarnerfigalugu suliffeqarfiuvoq pujortarfiunngitsoq. Sulinerup nalaani sulisunut tamanut pujortartarnissamut inerteqquteqarpoq, tamannalu illup iluani silataanilu atuuppoq.

NAALAGAAFFIMMI INNUTTAASSUSEQARNEQ

Nunani Avannarlerni naalagaaffinni innuttaasuunngikkuit, Kalaallit Nunaanni najugaqarnissamut sulisinnaanissamullu akuersissuteqartoqarnissaq erseqqissaassutigineqassaaq. Atorfininnissamut akuersissuteqarnissaq piumasaqaataatillugu, atorfinitsinneqarnissamut isumaqatigiissuteqareernerup kingorna najugaqarnissamut sulisinnaanermullu akuersissummik aatsaat qinnuteqartoqarsinnaavoq.

ANGALANERMUT INEQARNIKKULLU ATUGASSARITITAASUT

Paarlattaasunut kiisalu atorfinitsitsinermi sulisumut atorfinitsitaanermi soraarnermilu angalanissamut akiliunneqarneq.

Atorfimmut malittarisassat atuuttut malillugit inissiamik innersuussisoqarsinnaassaaq. Inissiap pisoqaassusaa, piginninnermut tunngasut il.il. apeqqutaallutik inissiamut akiliut pitsaassuserlu assigiinngissinnaapput. Aalajangersimasumik najugassaqalernissamut innersuunneqarnissamut utaqqineq sivisusinnaavoq, taamaammallu utaqqiisaasumik inimik tunineqarneq pisinnaalluni. Suliffimmut ungasissutsit assigiinngissitaarsinnaapput.

AKISSARSIAT ATORFINITSITAANERLU

Atorfik isumaqatigiissutit atuuttut naapertorlugit akissaateqartinneqassaaq. Isumaqatigiissut ilinnut attuumassuteqartoq uani nassaariuk.

QINNUTEQAAT

Qinnuteqaat attuumassuteqartunik ilanngussartalik Peqqissaaviup atorfinitsitsisarnermut systemiatigut nassiunneqassaaq.

ATTAVISSAT

Atorfik pillugu paasissutissat Helle Olsen-imut oqarasuaat (+299) 864211-kkut imaluunniit på e-mail: HELO@PEQQIK.GL attaveqarnikkut pissarsiarineqarsinnaapput

Kommunimi attavissaq: Estella Buhrkall esbu@qeqqata.gl oqarasuaat (+299) 867431

Qinnuteqaatit nassiussinnaavat una linkeq toorlugu: