Skip to main content
149

Dette jobopslag er udløbet

Qeqqata Kommuniani nutserisoq

Qeqqata Kommuniani Sisimiuni 2023-mi januarip aallaqqaataani atorfinittussamik nutserisumik pissarsiorpoq.

Qeqqata Kommuniani nutserisoqarfik nutserisunik sisamanik (ataaseq Maniitsumi) sulisoqarpoq ataatsimillu nutserisuuneqarluni, taamaattumillu Sisimiuni nutserisoqarfitsinnut nutserisunut sisamaasunut ataatsimik amigaateqarpugut. Ataatsimiinnissat katersuunnissallu tungaannut nutsisoqarfitsinni ulapittartorujussuuvugut.

Suliassat akisussaaffiillu:

  • Suliassanik assigiinngitsorpassuarnik qallutaatuumiit kalaallisuumut aammlau kalaallisuumiit qallunaatuumut allattariarlsorluni nutserineq
  • Akunnermuliuttutut oqaluttaaneq (dialog)
  • Ataatsimiititalianut kommunalbestyrelsimulllu, innuttaasunik ataatsimiititsinerni assigisaannilu torrutiinnarlugu oqaluttaaneq
  • Tamanik pitsanngorsaanissamik qulakkeerinninneq
  • Suliassat nalinginnaasut takkussuuttut

Piginnaasassat:

  • Oqaatsitigut allattariarsornikkullu attaveqaqateqallaqqissuusutit
  • Suleqateqallaqqissuusutit avatangiisinillu sunniisinnaassuseqartutit
  • Suliassanik ataatsikkut amerlasuunik suliasaqallaqqissuussutit aammalu allanngorsinnaanermut piareersimasuusutit
  • Kalaallisut qallunaatullu oqaluttariarsornikkut allattariarsornikkullu ajornanngippallu tuluttut (piumasaqaataanngilarli pikkoriffeqarneq.
  • Allattariarsornermi nutserinermullu atortorissaarummik SDLX tolkesystem-imik milisittagaqartutit (nutserinermut systemi ilinniartitsissutigineqarsinnaavoq)
  • Marluinnik kultureqarluni avatangiisilimmi anguniagalimmik sulisinnaassuseqartutit

Tunuliaqutissatit:

  • Oqalutsitut/nutserisutut ilinniagaqartuusutit
  • Suliffeqarfimmi politikkikkut aqunneqartumi sulinikuusutit
  • Sutigut tamatigut pitsaasumik suleqatiginnissinnaasutit

Akissarsiat sulinermilu atugassarititaasut:

Akissarsiat atorfeqartitaanermilu atugassarititaasut, taakkununnga atorfininnermi angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

2023-mi januarip aallaqqaataani isumaqatigiissuteqarnikkulluunniit atorfinittoqassaaq.

Atorfik pillugu paasissutissat sukumiinerusut Sisimiuni Nutserisuunermut Nikolaj Kreutzmann, oqarasuaat (+299) 86 73 15, e-mail: nikr@qeqqata.gl imaluuunniit Pisortaanerup sulisuinut pisortamut Hans Christian Sværd, oqarasuaat (+299) 86 73 02, e-mail: hcsv@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatinik, oqaaseqaatinik, imminut ilisaritinnermik attaveqarfissanillu ilaligaq Qeqqata Kommuniata nittartagaatigut nassiunneqassapput.

Qinnuteqaatit nassiussinnaavat una linkeq toorlugu