Skip to main content
94

Dette jobopslag er udløbet

Qeqqata Kommunia Timersornermut pinngortitamullu siunnersortimik pissarsiorpoq

Qeqqata Kommuniani Sisimiuni ilinniartitaanermut immikkoortortami timersornermut pinngortitamullu siunnersortitut atorfik inuttaaruttoq piaartumik inuttassarsiuunneqarpoq.

Atorfinitsitsinissami siunertaasoq tassaavoq, kommunimi tamarmiusumi meeqqanut, inuusuttunut, utoqqarnut innarluutilinnullu sunngiffimmi inspektørinik suleqateqarluni timersornermik- aamma sunngiffimmi inuunermut ingerlalluartumik pilersitsinissaq.

Qinnuteqarfissaq kingulleq:

22. august 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

Atorfininnissaq piaartumik isumaqatigiissuteqarnikkulluunniit pissaaq

Akissarsiat:

Isumaqatigiissutit malillugit

Suliassat akisussaaffiillu 

  • Peqqinnerulernissamut namminerlu kajumissuseqarnerulernissamut sammisumik, atuilluarluni timersornerup sunngiffimmilu silami inuunermik ineriartortitsineq.
  • Suleqataasuni soqutigisaqaqatigiinnilu piginnaasatigut ineriartortitsinissap qulakkeernissaa
  • Timersoqatigiiffiit akornanni attaveqatigiiffinnik pilersitsineq aammalu timersornermut aamma kultureqarnermut tunngatillugu ujartuisuuneq.
  • Timersoqatigiiffiit siulersuisuinut ilitsersuineq siunnersuinerlu
  • Timersornermut pinngortitamullu missingersuutinik suliaqarneq
  • Ujartuilluni suliassanik ingerlatsineq, kiisalu aningaasaateqarfinnut qinnuteqaatinik suliaqarneq
  • Timersornermi illuutit atortulersuutaat, ingerlanneqarnerat aserfallatsaalineqarnerallu
  • Meeqqeriviit, atuarfiit peqatigiiffiillu timersornermi pinngortitamilu misigisassani akuutinnissaat
  • Nuna tamakkerlugu aaqqissuussanut soorlu GM, Maaji Peqqissuutiguk aamma Sapaatip akunnera 18 il.il. pilersaarusiorneqarneri
  • Aasaanerani aaqqissuussassanik pilersaarusiorneq
  • Kommunimi timersummallannik toqqaanissanik pilersaarusiorneq
  • Timersornermi siunnersuisooqatigiinneq peqataaneq

 

Piginnaasassat

  • Timersornermi BA imaluunniit cand.scient-imik ilinniakkamilluunniit attuumassutilimmik assersuutigalug pinngortitamut ilitsersuisutut pigisaqarneq 
  • Akimortumik suleqatigiinnermut pikkorissoq
  • Suliniutini suliaqarnermi ilisimasaqartoq misilittagaqartorlu, aammalu suliffeqarfimmik politikkikkut aqunneqartumik ingerlatsinermut paasisimasaqartoq
  • Timersornreup kulturikkullu inuuneqarnerup iluani suliniutini innuttaasunik namminerlu kajumissutsiminnik kattuffinnik akuutitsisinnaasoq
  • Marluinnik oqaaseqartuuguit iluaqutaassaaq, piumasaqaataanngilarli.

Akissarsiat atorfeqartitaanermilu atugassarititaasut 
Atorfinitsitaaneq akissarsiaqartitaanillu Namminersorlutik Oqartussat aamma atorfinittussap peqatigiiffiata akornanni isumaqatigiissutit naapertorlugit inissinneqassapput.

Inissaqartitsisoqarsinnaavoq malittarisassallu atuuttut malillugit akilersorneqassaaq.

Atorfininnissaq piaartumik isumaqatgiissuteqarnikkulluunniit pissaaq.

Atorfik pillugu paasissutissat Sunngiffimmi inspektøri Fali Kleist oqarasuaat +299 86 74 00 fakl@qeqqata.gl imaluunniit Sisimiuni Ilinniartitaanermut pisortaq Annga Lynge oqarasuaat +299 86 73 80 anly@qeqqata.gl atorlugit pissarsiarineqarsinnaapput.

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2019-imi aggustip 22-ani uunga nassiunneqassaaq: 

Qeqqata Kommunia
Sulisoqarnermut Immikkoortortaq
Postboks 1014
3911 Sisimiut
E-mail: job@qeqqata.gl
Web: www.qeqqata.gl/atorfik

 

Attavissaq:
Fali Kleist / Annga Lynge
(+299) 86 74 00 / 86 73 80
fakl@qeqqata.gl / anly@qeqqata.gl