Skip to main content
161

Dette jobopslag er udløbet

Qeqqata Kommunia Teknikkimut Avatangiisinullu immikkoortortaq illoqarfimmi pilersaarusiortumik pissarsiorpoq

Sisimiuni pilersaarusiornermut immikkoortortami illoqarfimmi pilersaarusiortutut atorfimmi erninermut atatillugu paarlattaasussarsiorpugut, piffimmi 01.04.2022-miit 01.04.2023-mut. Atorfeqarninni kommunimi, illoqarfimmi nunaannamilu atortulersuutitigut, inuussutisarsiuteqarnerup- aamma takornariaqarnerup iluani ineriartortumi atorfeqassaatit. Sulineq ilaanni kommunimi nunaqarfiit arfiniliusuni pilersaarusisornernit annikitsuniit illoqarfiit marluusuni pilersaarutinut anginerusunut imminnut attuumassutillinnut siammasissinnaapput.

Illoqarfimmi pilersaarusiortup suliassarai:

  • Kommunip pilersaarusiorfigineqarnerani tapiliussanik suliaqarneq.
  • Kommunimi pilersaarusiorneq aamma kommunip pilersaarusiorfigineqarnerani atuuttut malillugit allaffissornikkut ingerlatsineq.
  • Sanaartornermut immikkoortortamut sanaartornermilu suliaqarnermi qanimut suleqatiginninneq.
  • Inuussutissarsiornerup pilersaarusiortanerullu ineriartortinneqarnerinut peqataaneq.
  • Innuttaasunik, entreprenørinik kiisalu Namminersorlutik Oqartussanik ulluinnarni attaveqaqateqartarneq.
  • Suliani siammasissumik suleqatinut isumasioqatigiiffiusumik tunniussaqarneq.
  • Politkkikkut ataatsimiititalianut oqaluuserisassanik suliaqarneq.

Illoqarfimmi pilersaarusiortoq ulluinnarni pisortarivaa Pilersaarusiornermut pisortaq.

Piginnaasat:

  • Ilinniakkamik attuumassutilimmik illoqarfimmi pilersaarusiortutut, illussanik titartaasartutut, ingeniøritut allatulluunniit assingusumik ilinniagaqartuusutit.
  • Kommunip pilersaarusioriaasianik aamma politikkikkut suliallit suleriaasiinik paasinnittarneq misilittagarisinnaavatit.
  • Illup avataanisuulli illullu iluani suleqatigiinnermit oqaloqatigiinnermillu kajumissuseqartutit.
  • Anguniagaqarfinnut assigiinngitsunik sulianik ingerlatitseqqillaqqissuusutit
  • Sakkussanut nalinginnaasunut soorlu AutoCAD, aamma Adobe-pakki,  MapInfo allalluunniit GIS platforminut ilisimasaqartutit.
  • Isumagissaartuusutit inuillu assigiinngitsunik tunuliaqutaqartut avatangiiseralugit sulisinnaassallutit.
  • Nutaanik pilersitsisinnaasutit, peqqissaartuusutit, ataqatigiissaarisinnaasutit suliamullu tunngasutigut tamat isiginnissuseqartutit.
  • Arlalinnik oqaaseqartuusutit.

Teknikkimut Avatangiisinullu Immikkoortortaq pillugu
Teknikkimut Avatangiisinullu immikkoortortaq pilersaarusiornermut tunngasunut Teknikkeqarnermut Avatangiisinullu ataatsimiititaliamut aningaasaqarnermullu ataatsimiititaliamut allattoqarfiuvoq. Teknikkeqarnermut Avatangiisinullu immikkoortortaq ullumikkut ingerlatsinermut avatangiisinullu, sanaartornermut, nunaminertanik Illuutinillu nakkutilliinermik, allatseqarfimmik kiisalu pilersaarusiornermut immikkoortortaqarpoq.

Akissarsisat atorfinitsitaanermilu atugassarititaasut
Naalakkersuisut kattuffigisallu isumaqatiginninniartussaatitaasup akornanni  isumaqatigiissutit qaqugukkulluunniit atuuttut naapertorlugit akissarsiat atorfinitsitaanermilu atugassarititaasut inissinneqassapput.

Qaammatini pingasuni misiligummik atorfinitsitsisoqassaaq.

Ulloq sulilerfissaq 01.04.2022 isumaqatigiissuteqarnikkulluunniit.

Qinnuteqaateqarnissamut piffissaliussaq
Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attaveqarfigineqarsinnaanermillu ilaqartinneqartoq, kingusinnerpaamik 14.02.2022 uunga nassiunneqassaaq, uani ujaasinikkut

Atorfik pillugu sukumiinerusumik paasissutissat, tulliuttunut saaffiginnissuteqarnikkut pissarsiarineqarsinnaapput:

Pilersaarusiornermut pisortaq, Alexander Beck (+299) 86 73 94, e-mail: albe@qeqqata.gl  

Qinnuteqaatit nassiuguk