Skip to main content
92

Dette jobopslag er udløbet

Qeqqata Kommunia Sisimiuni Teknikkimut Avatangiisinullu immikkoortortaqarfik allatseqarfimmi aqutsisussarsiorpoq

Allatseqarfimmi immikkoortortami aqutsisorput allanik unammilligassarsisimavoq, maannnalu atorfik piaartumik inuttassarsiuunneqarpoq.

Teknikkimut Avatangiisinullu immikkoortortaqarfik Teknikkimut Avatangiisinullu ataatsimiititaliamut allattoqarfiuvoq. Teknikkimut Avatangiisinullu immikkoortortaqarfik ingerlatsinermut, sanaartornermut, nunaminertanik aqutsinermut immikkoortortaqarpoq allatseqarfeqarlunilu.
Allatut oqaatigalugu, TAI ilaatigut politikkikkut oqaluuserisassanik innersuussutinik malitseqartitsinernillu, kommunip sanaartugaanik/illuutaanik sanaartornernik aserfallatsaaliinernillu, nunaminertanik tamanik atugassianik ingerlatsinermik ingerlatsisuuvoq aammalu aqqusinniornerit eqqagasalerinerillu aamma kalaamineerniarfimmik ingerlatsinermut inuiaqatigiinik sullissinernik ingerlatsisuuvoq.

Neqeroorutigaarput:
Suliffeqarfik ulapaarfiusoq pitsaasunik suleqateqarfiusoq persuarsiorfiunngitsorlu, suleqataasut atugarisaat suleqatigiissinnaassusaallu ukkatariffigineqartoq

Qinnuteqarfissaq kingulleq:

1. oktober 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

1. november 2019

Akissarsiat:

Isumaqatigiissutit malillugit

Immikkoortortami aqutsisup suliassaqarfii makkuupput: 

·         TAI-imi akisussaaffeqarfiit suliassallu iluani innuttaasunik suleqatigisanillu sullissineq ilitsersuinerlu.

·         Ikuallaavimmi, eqqaavilerinermi, sanaartornermut akuersissutini, nunaminertanik atugassiinermi, kalaalimineerniarfimmi, taxaateqarnissamut akuersissutini sullissinernilu assigiinngitsut sinneri pillugit akiligassaliorneq naatsorsuinerlu, kiisalu allattuinerit.

·         TAI-ip iluani sullissineq.

·         Allaffissorneq, journalinut allattuineq, toqqorterineq allakkanillu isumaginninneq.

·         Kalaallisut qallunaatullu oqaatsit atorlugit allattariarsornikkut oqaluttariarsornikkullu annikitsunik nutserineq.

·         Ataatsimiititaliap sulineranut atatillugu oqaluuserisassanik imaqarnilianillu suliaqarneq

·         Immikkoortortap iluani missingersuusiorneq, malitseqartitsineq aningaasaqarnermillu aqutsineq

·         Sisimiuni TAI tamakkerlugu suliniutini akimortuni ineriartortitsinernilu peqataaneq.

·         Qeqqata Kommunianut sanaartornermik naatsorsuutinik suliaqaqqaarneq

·         Illup iluani naatsorsuutinik assigiinngitsunik allattuineq.

Piginnaasassat:                     

Suliassagut sapinngisamik innuttaasunut sullitatsinnullu pitsaanerpaamik kinguneqartikkumallugit, suliatsinnut assigiinngiiaartunut ataqatigiissaarnerilu eqqarsaatigalugit suleqammik tulluarnerpaamik piginnaasaqarnerpaamillu pissarserusuppugut.   Piffissaq suliallu pitsaassusissaannut tunngatillugu sulisunut piumasaqaateqartarpugut. Taamaattumik sulinermi pitsaasumik avatangiisinik paarinniinnarnissaq angusaqarnissarlu ukkatarisorujussuuvagut, qinnuteqartumullu tullinnguuttunik piumasaqaateqarluta:

·         Kajumissuseqartutit, akisussaassuseqartutit, inuit ataasiakkaat assiginngissusaannut ataqqinnissuseqarlutit suleqatigiinni suleqataanissannut nuannarisaqartutit, suliassallu unammillernartut suleqatillu assigiinngitsunik tunuliaqutaqarlutik ilinniagaqartut misilittagaqartullu peqatigalugit sulininnut inuttullu ineriartornissamut soqutiginnissuseqartutit.

·         Torersuusutit ulapaarfinnilu takunnissinnaassuseqarlutit.

·         Allattariarsornikkut oqaluttariarsornikkullu kalaallisut qallunaatullu oqalussinnaasutit qarasaasiamillu nalinginnaasumik atuisinnaassuseqartutit.

·         Allaffissornermut ilinniarsimasuusutit imaluunniit allaffissornerup iluani annertuumik misilittagaqartuusutit.

Akissarsiat atorfinitsitaanermilu atugassarititaasut 

Naalakkersuisut isumaqatigiissusiorsinnaatitaallunilu peqatigiiffiup akornanni isumaqatigiissutit qaqugukkulluunniit atuuttut naapertorlugit akissarsiat atorfinitsitaanermilu atugassarititaasut inissinneqassapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Atorfik pillugu paasissutissat sukumiinerusut Teknikkimut avatangiisinullu pisortamut Hans Ulrik Skifte oqarasuaat 86 74 50 imaluunniit mail haus@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik aammalu attaveqarfissanik ilalik kingusinnerpaamik 2019-imi oktober 01-ani nassiunneqareersimassaaq uunga: 

Qeqqata Kommunia
Sulisoqarnermut Allaffeqarfik
Postboks 1014
3911 Sisimiut
E-mail: job@qeqqata.gl
Web:www.qeqqata.gl/job

 

Attavissaq:
Hans Ulrik Skifte
(+299) 86 74 50
haus@qeqqata.gl