Skip to main content
113

Dette jobopslag er udløbet

Qeqqata Kommunia Sisimiuni Minngortuunnguup atuarfianut atuarfimmi pisortamik pissarsiorpoq

Sisimiuni Minngortuunguup Atuarfiani atuarfiup pisortaatut atorfik pissanganartoq inuttassarsiuunneqarpoq. Qeqqata Kommuniani meeqqat atuarfiat ineriartupiloorpoq. Ineriartorneq taanna ukiuni aggersuni ingerlaqqissaaq Minngortunnguullu atuarfianut atuarfiup pisortaanik ineriartornermut tassunga sunniuteqaqataarusuttumik tunniussaqarusuttumillu pissarsiorpugut.

Minngortuunnguup Atuarfia atuarfiuvoq ingerlalluartoq sammisaqartitsilluarfiusorlu, qummut portussuseqarluartoq sulisoqarnikkullu ilinniagalinnik inooqataanikkullu nukittuunik sulisoqartoq, imminut tapersersoqatigiiffiulluartoq. Ingerlalluartunut ataqqinnilluta nutaamik eqqarsarnissamut qunugisaqannngitsuuvugut. Klassinut atuartunulluunniit atuagarsornikkut isumaginninnikkulluunniit pisariaqartitsisunut kivitsinissamut iluaqutissat sukkasuumik atulernissaanut, atuarfik atuagarsornikkut atuartunut sulisunullu tapersersuinissamik eqqumaariffeqarpoq. Atuarfik suleqatigiinnikkut anersaaqarluni aammalu atuartut ineriartornerinut ukkataqarluni ineriartupiloorpoq.

Minngortuunnguup Atuarfia atuarfiuvoq marlunnik sammivilik klassinut 20-nut 1-10. klassinut agguataarsimasunik 410 miss. atuartulik kiisalu immikkut atuartitsiviit qulingiluat (atuartunut innarluutilinnut klassit sisamanut kiisalu immikkut atuartitsiviit tallimat). Atuarfiup sananeqaatsimigut nutaaliaallunilu iseruminartuuvoq pitsasunik atugassaqartitsisoq atuartitsiveqartorlu.

Atuarfik ilinniartitsisunik tamakiisumik atorfeqartunik 53-nik sulisoqarpoq kiisalu atuarfimmi siunnersorti, isumaginninnermut siunnersorti, allaffimmioq, IT-lerisoq, atuareernerup kingorna paaqqinnittarfik kiisalu atuartunut nerisaqatitsinermi sulisut. Atuarfik nukittuunik misilittagartuunillu aqutsisoqarpoq tassaasut trinlederit, atuarfip pisortaata tullia kiisalu atuarfiup pisortaa.

Minngortuunnguup Atuarfiani immikkut ukkatarineqartut:

  • Atuarfimmi atuartitsissutini kalaallit kulturiat inooriaasiallu eqqarsaatigalugit perorsaanikkut ineriartuutaasumik imaqartumik ineriartortitsineq.
  • Atuarfik immikkoortunngorlugit aqunneqartoq namminneq trinlederilerlugu aqunneqartumik immikkoortulik
  • Ukioq atuarfiusussamut eqaatsumik pilersaarusiorneq
  • Atuartut namminneq ilikkarniarnikkut namminerisamik anguniakkanik ukkatarineqartussanillu (namminneq-) nalilersuinermikkut akisussaaqataanerat annertuumik ukkatarineqarpoq.
  • Atuartut anguniagassaat naliliinerillu pillugit nalilersuinermi angajoqqaanik akuutitsilluarneq.
  • Atuarfiup angerlarsimaffiullu akornanni attaveqaqatigiinneq pitsasoq, ilaatigut atuarfiup intranik atuisut amerlasuut. Tamatuma saniatigut suliniutigivarput atuarfiup angerlarsimaffiullu akornanni pitsaasumik suleqatigiinnissamut paasissutissiineq- aamma angajoqqaanik ataatsimiisitsisarnernut iluaqutaasussaq.
  • Ilinniartitsisoqatigiit eqeersimaartut, atuartut atugaannut siuariaateqarnissaannullu perorsaanikkut ineriartortitsinissamik pimoorussillutik ukkataqartut.
  • Aqutsisut ,angajoqqaat, sulisut atuartullu akornanni oqaloqatigiinnikkut atuarfiup anguniagassanut iliuusissanullu pilersaarutinik ineriartortitseqqinneq.

 

Atuarfiup pisortaatut ineriartortitsinermik suliniutinut allanut Qeqqata Kommunianit suliniutigineqartunut, taassuma ataani kommuneqatigiinnit ataatsimut atuarfinnik kivitseqatigiinnissamik suliniut Kivitsisa Qeqqata Modeli, Inuuneq pitsaasoq allarpassuarnullu qitiusumik inissisimasaatit. Taamaammat atuarfimmut pitsaasumik ingerlatsinissamut suliassat piviusunngortinnissaanut siuttutut inissisimassallutit.

Ilinniartitsisut, aqutsisut ingerlatsivillu peqatigalugit, ulluinnarni ingerlatsineq atuarfiullu ineriartorteqqinnissaa suliassarissavat, atuartitsineq pitsaanerpaaq atuartunut neqeroorutaaginnaqqullugu. Ilutigitillugulu atuartut, ilinniartitsisut sulisullu allat atugaat ineriartortillugillu attatiinnarniassavatit.

 

Suliassat:

Sulisunik aqutsineq, sulisunik ineriartortitsineq allaffissornerlu.

Atuarfiup perorsaanikkut ilikkarnartumillu periuseqarneranik ineriartortitsinermut akisussaaneq

Atuarfik atuarfiup angerlarsimaffiullu akornanni pitsaasumik suleqatigiinnissaanik qulakkeerinninneq

Minngortuunnguup Atuarfia pingaarnertut atuarfittut nunaqarfinni atuarfinnut, Kangerlussuaq, Itilleq aamma Sarfannguanut siunnersuinermik imaajaanissamillu qulakkeerinnittuussaaq.

Nakkutilliineq kiisalu missingersuutinik naatsorsuutinillu malitseqartitsineq

Minngortuunguup Atuarfiata ataaniittunik illunik nakkutilliineq, aserfallatsaaliineq ilanngullugu

Atuarfiup siulersuisuinut kommunalbestyrelsimullu atuarfiup ingerlanneqarnera pillugu akisussaaneq

Atuarfinni pisortat ataatsimiinneranni peqataaneq 

 

Qeqqata Kommuniani meeqqat atuarfii

Atuafiup ineriartortittuarnissaanik ukiorpassuarni ukkatarinnippoq suliniuteqarfissallu sisamaasut ukuusut suliniuteqarfigalugit

1. Atuarfimmut imminnullu ataqqinninneq

2. Atuarfiup angerlarsimaffiullu suleqatigiinneranik nukittorsaaneq

3. Atuartitsinermik ineriartortitsineq

4. Oqaatsit nunarsuarmioqataanerulernissarlu

Tamakkulu kingunerivaat atuanngitsoortarnerup, ersarissumik aqutsinerup aamma aqutsisunik ineriartortitsinerup ukkatarineqarnera. Tamatuma saniatigut atuarfimmi siunnersortinik aamma isumaginninnermi siunnersortinik atorfinititsinikkut kiisalu illoqarfinni atuarfiit ilaqutariinnut klassiannik pilersitsinikkut atuarfiup angerlarsimaffiullu suleqatigiinnerata nukittorsarneqarnissaa ukkatarineqarpoq.

Qeqqata Kommunia atuartitsissutitut ilaatigut Ipad iluaqutigalugu ineriartortitsinermik immikkut sammisaqarpoq aammalu ilaatigut 1. klasimiit Tuluttut atuartitsineq ukkatarineqarluni.

Ineriartortitsinermut tassunga peqataarusukkuit, taava Minngortuunnguup Atuarfiani atuarfimmi pisortatut atorfik qinnuteqaatigiuk.

 

Akissarsiat atorfininnermilu atugassarititaasut 

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit naapertorlugit pissaaq (åremål). Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.

 

Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.

 

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

2021-mi decembarip aallaqqaataani isumaqatigiissuteqarnikkulluunniit atorfinittoqassaaq.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalerlugu, 2021-imi oktobarip 13-ani tigoreersimassavarput.

 

Qinnuteqaatit nassiuguk