Skip to main content
88

Dette jobopslag er udløbet

Qeqqata Kommunia Sisimiuni Ilinniartitaanermut Immikkoortortap ataani Sunngiffimmi pisortamik pissarsiorpoq

Qeqqata Kommuniata peqqinnermut, peqqinnerulersitsinissamullu kulturikkullu sunngiffimmi sammisaqartitsinerit sammisarai. Kommunip pingaartitaraa innutaasut soqutigisaat, pisariaqartitaat innuttaasullu amerlassusiat aallaavigalugu naapertuuttumik sunngiffimmi atortorissaruteqarnissaq. Nammineq kajumissutsimik suliniartarneq annertusarneqassaaq, inoqarfinnilu nukiit atorluarneqarnerussallutik. Timersornikkut, kulturikkullu atugasarititaasut ineriartortinneqartuassapput, aammalu illup iluani silamilu sunngiffimmi neqeroorutit perorsaanikkut ineriartuutaasumik neqeroorutaassapput ukioqatigiinnut assigiinngitsunut, soorlu ilaatigut Islandimut isumassarsiornissaamik toraagaqartut. Suliniutini taakkunani tamani sunngiffimmi pisortaq perorsaanikkut aqutsisutut, ataqatigiissaarisutut qitiusumik inissisimavoq, aammalu innuttaasut, peqatigiiffiit, suleqatit suliffeqarfiillu taassuma ataaniittut suleqatiginerisigut kommunip anguniagaanut piviusunngortitsissalluni.

Suliassamut pissanganartumut tassunga peqataarusuppit?

Pingaarnertut suliassat akisussaaffiillu: 

Ilinniartitaanermut pisortaq qaninnertut pisortaralugu akisussaaffigalugit kommunip allaffiani inissisimassaatit akisussaaffigalugit:

  • Sisimiuni nunaqarfinnilu pingaarnertut perorsaanikkut aqutsinermi pingaarnertut akisussaaneq missingersuusiornermilu akisussaaneq kiisalu sunngiffimmi atuartitsinermut, sunngiffimmi kulturikkullu neqeroorutinut nakkutilliinermut akisussaaneq. Taakkua tassaallutik Sisimiuni nunaqarfiinilu sunngiffimmi inuusuttullu klubbi, katersugaasivik, nipilersornermik ilinniarfik, eqqumiitsuliortut sannaviat, Kulturikkut illorsuaq Amerloq, naluttarfik atuakkanillu atorniartarfik

  • Kulturikkut sunngiffimmilu atugassarititaasut sammisassallu pillugit kommunip isumaqatigiisutaa malillugu ingerlatsinernut nakkutilliisuuneq

  • Peqatigiifinnut siunnersuineq

  • Kulturikkut, sunngiffimmi timersornermilu aaqqissuinernut suliniuteqarneq ataqatigiissaarinerlu

  • Kulturikkut timersornikkullu tunngasutigut pilerisaarineq

  • Immikkoortortami suliniutinik allanillu politikkikkut aalajangigassani saqqummiussassanik kiffartuussineq

 

Pisinnaassutsit piumasaqaatillu:

  • Kommunimi naleqartitat tallimaasut naapertorlugit perorsaanermut aqutsisutut suliaqassatit:  kajumissuseq, Akisussaaqataaneq, Ataatsimorneq, Pisinnaasatigut ineriartortitseqataaneq aamma oqaloqatigiinneq

  • Suleqatigiinni sulinissamut nuannarisaqartuussaatit aammalu akimortumik suleqateqarluni piginnaasanik ineriartortitsinissaq ukkataralugu allat peqatigalugit ineriartortitseqataallutit

  • Nutaaliorusussuseqartutit allanillu peqateqarlutit sammisasanik perorsaanikkut sammisassanik uummarissaataasunik ineriartortitsinissamut nuannarisaqartuusutit

Sisimiut illoqarfiuvoq periarfissaqarluartoq, ilinniarfigissaartoq aammalu meeqqanut paaqqinnittarfinni inissaqartitsinermi periarfissagissaartoq. Kulturikkut assigiinngitsunik neqerooruteqarfiuvoq, pinngortitarsuaq kusanarluinnartoq avatangiiseralugu. Pinngortitami qimussernissamut, snescooterernissamut, sisorartarnissamut, pisuttuarnissamut, imaatigut angalaarnissamut, piniariartarnissamut aalisariartarnissamullu periarfissagissaarpoq.

 

 

Akissarsiat atorfeqartitaanermilu atugassarititaasut: 

Atorfinitsinneqarnermi atugassarititaasunut Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffiat IMAK-ip allallu akornanni Isumaqatigissutaat 27. august 2014-imeersoq aamma Kalaallit Nunaanni Naalakkersuisut akornanni pingaarnertut isumaqatigiissutitut 28. oktober 1998-imi isumaqatigiissutaat atuuttoq.

 

Atorfinittut tjenestemandisut atorfimminiit nuuttut isumaqatigiissutaat malillugu atorfeqartinneqaannassaaq.

 

Ineqarneq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq.

Meeqqanik pinerliisimannginnermut uppernarsaat:

Naalagaaffiup politiivinit meeqqanik pinerliisimannginnermut uppernarsaammik naammaginartumik kommuni pissarsereerpat, aatsaat atorfiniffissaq isumaqatigiissutigineqarsinnaavoq.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu poitiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

 

Atorfininnissaq 2020-imi aggustip aallaqqaataani isumaqatigiissuteqarnikkulluunniit pissaaq.

Atorfik pillugu paasissutissat annertunerusut  Ilinniartitaanermut aamma Aningaasaqarnermut pisortamut  Annga Lynge, anly@qeqqata.gl – imut saaffiginninnikkut pissarsiarineqarsinnaapput. Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunik pinerliisimannginnermullu uppernarsaammik ilaqartinneqartoq, kingusinnerpaamik 2020-imi juulip 27-iani nassiunneqassaaq.

 

 

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl