Skip to main content
106

Dette jobopslag er udløbet

Qeqqata Kommunia, Sisimiuni Ilaqutariinnik Kiffartuussivik tarnip pissusiinik ilisimasalinnik marlunnik pissarsiorpoq

Meeqqat, inuusuttut angajoqqaallu ikiuinikkut iliuuseqarfiginissaannut kajumissuseqarpit? Angusaqaqataallutit suleqataarusuppit?

Sisimiuni Ilaqutariinnut Kiffartuussivik sapinngisamik pilertortumik imaluunniit isumaqatigiissuteqarnikkut atorfinittussanik tarnip pissusiinik ilisimasalinnik marlunnik pissarsiorpoq.

Atorfik/ilaqutariinnik kiffartuussivik pillugu:
Qeqqata Kommuniani Ilaqutariinnik Kiffartuussivik pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnik Kiffartuussiviup suliassaa tassaavoq ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnik Kiffartuussivik pinaversaartitsinernik suliaqarput, matumani ilaqutariit naartulernermiit tapersersorneqartarlutik. Maannakkut miljøarbejderit marluk, isumaginninnermi perorsaasut marluk, angerlarsimaffimmut pulaartartoq ataaseq, pitsaaliuinermut siunnersortit marluk, isumaginninnermut siunnersorti kiisalu aqutsisoq tarnip pissusiinik ilisimasalittut ilinniarsimasoq sulisorineqarput. Akimortumik katsorsaanermillu sammisumik centeriunissamut Ilaqutariinnik Kiffartuussiviup anguniagaa nukittorsarniarlugu, suleqatigiinnut tarnip pissusiinik marlunnik pissarsiorpugut.

Tarnip pissusiinik ilisimasalittut suliassatit:

  • Meeqqat, inuusuttut angajoqqaajusullu sullinneqarnissaat tarnikkut tunngasutigut aaqqissorlugu, ilaqutariillu tamarmiullutik katsorsarneqarnissaannut tamat isiginnittumik aaqqissuunneqarnissaa qulakkeerlugu.
  • Oqaloqatigiinnikkut, tarnikkut misissuinerit aammalu meeqqap inuusuttuaqqallu pinnguarnerani misigisimasaanit qanoq misigissutsikkut artorsartigineranik misissuineq.
  • Katsorsaanerit ingerlanneqarnerat, matumani attaveqaatitigut/isiginnaarutikkut katsorsaanerup ingerlanneqarnera.
  • Ilaqutariinnik sullissinnermut periusitsinik ineriartortitseqataaneq
  • Kommunip ikiuigasuartartuini peqataaneq, immikkullu pisoqarsimatillugu tarnikkut ikiueqqaarneq. Tamanna illoqarfinni allani imaluunniit nunaqarfinni pisinnaammat angalanissaq pisinnaavoq.
  • Suliassanik ataqatigiissaarineq suliakkiinerlu.
  • Suleqatinik ilaqutariinnillu pikkorissaanerit.
  • Sulisunut suliamut attuumassutilinnut siunnersueqateqartitsineq.

Neqeroorutigisinnaavarput:

  • Suliassaqarfiit pingaartumik isumallit, allanngorartut pissanganartullu.
  • Nalaassinerlussimanermi tarnikkut kingunerluutinik (psykologiske traumer) pillugit itinerusumik ilisimasaqalernissannut periarfissaqassaatit.
  • Suliffik ulluinnarsiorpalaartoq qiimasaarfiusorlu.
  • Akimortumik suliffik, suliatigut siunnersiueqatigiinnermik, ikioqatigiinnermik kiisalu ammasumik oqaloqatigiinneq pingaartitaralutigu.
  • Ilaqutariinnik Kiffartuusivik annertuumik ineriartortuuvoq - taamaattumik siunissami neqeroorutissanik tarnip pissusiinik ilisimasallit ilusilersueqataassapput. Taamaattumik periutsinut atuinissamut annertuumik kiffaanngissuseqarpoq, inunnut ataasiakkaanut eqimattakkaanullu ingerlatsinissamut kiisalu suliniummik ineriartortitsinissamut misilittagaqalernissamik periarfissaqarluni.

Pingaartipparput illit:

  • Cand.psych.-itut imaluunniit can.pæd.psych.-itut ilinniagaqarsimanissat, akuerisatut allagaqartarnissat, kisianni piumasaqaataanngilaq.
  • Saaffigiuminartuunissat, Ilaqutariinnillu Kiffartuussivimmut saaffiginnittunut tutsuiginassuseqartumik attaviginnissinnaanissat.
  • Suleqatit akornanni suliassat tungaatigut assigiinngitsutigut avitseqatigiinnissaq pingaartikkit.
  • Ilaqutariinnik Kiffartuussivimmi ineriartortitseqataarusussuseqartutit suliassaqarfimmillu siunnersortitut inissisimanerit ilorrisimaarutigissagit.
  • Nammineersinnaassuseqartutit suleqatigiinnilu suleqataasinnaallutit.
  • Marluinnik oqaaseqartuusutit, kalaallisut qallunaatullu, tamannali piumasaqataanngilaq

Akissarsisat atorfinitsitaanermilu atugassarititaasut
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Akissarsiat atorfinitsitaanermilu atugassarititaasut Naalakkersuisut kiisalu Dansk Psykologforening akornanni isumaqatigiissutaannut naapertuuttumik pissapput.

Atorfininnermut atatillugu inissaqartitsisoqarsinnaavoq, tassunga inimut qularnaveeqqusiissut, inimut akiliut sukkulluunniit inatsisit atuuttut naapertorlugit akilerneqartassallutik, soorluttaaq atorfininnermi - aammalu minnerpaamik ukiut pingasut atorfeqareernerup kingorna atorfimmit soraarnermi angalanermut pigisallu assartornerinut aningaasartuutit sukkulluunniit malittarisassat atuuttut naapertorlugit akilerneqassallutik.

Sukumiinerusumik paasisaqarusuppit?
Atorfimmut annertunerusumik paasissutissat, Sisimiuni Ilaqutariinnik Kiffartuussivimmi aqutsisoq Mathilde Skjødt Worsøe-Petersen, mailikkut: mawp@qeqqata.gl oqarasuaatikkullu: +299 86 60 77 saaffiginninnikkut pissarsiarineqarsinnaapput. Eqqaamallugu Danmarkimi nal. 12.00-inngoraangat Kalaallit Nunaanni 08.00-inngortarmat. +299 86 60 77. Husk, når klokken er 12.00 i Danmark, er den 08.00 i Grønland.

Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl

 

Qinnuteqaat misilitsinnermi uppernarsaatit assinganik, CV, oqaaseqaatit innersuussutinillu ilanngussilluni, tigoreersimassavarput kingusinnerpaamik 5. August 2021.

 

Qinnuteqaat una toorlugu nassiunneqassaaq