Skip to main content
106

Dette jobopslag er udløbet

Qeqqata Kommunia Qeqqani Misi/PPR-imi immikkut atuartitsinermi tarnip pissusiinik ilisimasalimmik/siunnersortimik pissarsiorpoq

Qeqqata Kommuniani Qeqqani Misi / PPR immikkut atuartitsinermi tarnip pissusiinik ilisimasalimmik imaluunniit siunnersortimik, Maniitsumi atorfinittussamik pissarsiorpoq.

Qeqqani MISI susassaqarfiuvoq siunnersuillunilu aqqutissiuisartoq, meeqqanut inuusuttunullu 0 - 18 ukiulinnut sullissisoq angajoqqaat, atuarfiit meeqqeriviillu suleqatigalugit.

Meeqqat inuusuttullu atugarissaarnissamut, ineriartornissamut ilikkagaqartarnissamullu periarfissaannik qaffassaanissaq suliatsinnut siunertaavoq.

Qeqqani MISI akimortumik suleqatigiiffiuvoq ukuninnga inuttaqartoq tarnip pissusiinik ilisimasallit, perorsaanikkut tarnikkullu siunnersortit kiisalu allaffimmi ikiortaaneq. Taakku atugassarititaasunut Sisimiuni immikkoortortami Maniitsumilu immikkoortortami taakkununngalu nunaqarfiit attuumassuteqartunut arfinilinnut agguataagaapput. Taamaattumik pisariaqartitsisoqartillugu angalanerit arlaqartut pisarlutik.

 

Qeqqani Misi immikkut atuartitsinernut tarnip pissusiinik ilisimasalimmik imaluunniit siunnersortimik tulliuttunik piginnaasalimmik pissarsiorpoq:

  • Meeqqat inuusuttullu inuulluataarnerini, ineriartornerini ilikkariartornerinilu tapersersornissaat siunertaralugu perorsaanermik immikkut suleriutsinut misilittagaqartoq
  • Meeqqanik assigiinngitsutigut piginnaasatigut ajornartorsiuteqartunut aamma/imaluunniit kinguarsimasunut perorsaanikkut misissuisarnernik ilinniartitseriaatsinillu ilisimasalik
  • Meeqqap/atuartup ineriartorneranut malunnaatilimmik suliniarneq pingaartillugu angajoqqaat, ilinniartitsisut, perorsaasut imaluunniit inuit attuumassuteqartut allat immikkut perorsaaneq atorlugu perorsaariaatsinik siunnersuinermik misilittagalik
  • Nammineerluni sulisinnaasoq, suliamik aallartitsisinnaasoq, ineriartortitsinissamik pingaartitsisoq minnerunngitsumillu suleqateqarluarsinnaasoq inunnillu allanik akuersaartuulluni isiginnittariaasilik
  • Pisariaqartillugu imaajaasinnaasoq (supervision).
  • Qeqqata Kommuniani meeqqanik inuusuttunillu sullissinermi anguniagalimmik ineriartortitseqataaneq.

 

Neqeroorutigissavarput:

  • Suliffik sapaatip akunneranut akunnerni 40-ni suliffiulluni uummaarissoq ammasorlu.
  • Atorfik unammillernartoq pissanganartorlu
  • Suliffik ataatsimoorfiusoq, tassani Skype aqqutigalugu aammalu sulinermut atatillugu angalanerni imminut tikilluni ataatsiminnerni attaveqarfiusartoq avitseqatigiiffiusartorlu
  • Pinngortitami pisuttuarnissamut, imaatigut angalaarnissamut, sisorartarnissamut, piniariartarnissamut aalisariartarnissamullu periarfissagissaarluni pinngortitarsuaq kusanarluinnartoq
  • Kalaallit Nunaanni illoqarfik 2.500 missaanik innuttaqarluni nuannerluinnartoq kiisalu kulturikkut sunngiffimmilu sammissaqartitsinernut assigiinngitsunik neqerooruteqarfiusoq

 

Piukkunnaateqarluni qinnuteqartoq:

  • Tarnip pissusiinik ilisimasalittut atorfimmut: Cand.psych. imaluunniit cand. pæd. psyk.
  • Siunnersortitut atorfimmut: Meeqqat atuarfiini ilinniartitsisutut ilinniagalik ilinniaqqissimasoq, soorlu immikkut atuartitsinissamut ilinniartitsisutut ilinniarsimasoq, oqallorissaasutut ilinniarsimasoq imaluunniit immikkut ittumik perorsaanermut Perorsaasutut diplomitaarfiusumik ilinniarsimasoq
  • Tarnip pissusiinik ilisimasalittut aammalu siunnersortitut atorfimmut: Kalaallit Nunaanni kulturi naapertorlugu sulinissaminut piareersimasoq
  • Meeqqanik inuusuttunillu perorsaanikkut tarnikkullu sullissinermik misilittagartuusinnaavoq
  • Tatitooq, suliassallu assigiinngitsorpassuit eqqarsaatigalugit nammineerluni eqaatsumillu sulisinnaasoq.
  • Allanngortoqaratarsinnaaneranut piareersimasoq, aammalu ulluinnarni innuttaasunik tamanik kiisalu illuatungerisatut suleqatinut assigiinngitsorpassuarnut annertuumik attaveqarfiusumi sulisinnaasutit

 

Akissarsiat sulinermilu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Septemberip aallaqqaataani isumaqatigiissuteqarnikkulluunniit atorfinittoqassaaq.

Atorfik pillugu paasissutissat sukumiinerusut Atuarfimmi tarnip pissusiinik immikkut ilisimasalik Marianne L. Olsen, oqarasuaat (+299) 38 12 40 email: olsm@qeqqata.gl atorlugit saaffiginninnikkut pissarsiarineqarsinnaapput.

 Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl

 

Qinnuteqaat misilitsinnermi uppernarsaatit assinganik, CV, oqaaseqaatit innersuussutinillu ilanngussilluni, tigoreersimassavarput kingusinnerpaamik 11. August 2021.

 

Qinnuteqaat una toorlugu nassiunneqassaaq