Skip to main content
106

Dette jobopslag er udløbet

QEQQATA KOMMUNIA PISSARSIORPOQ Attaveqaqatigiinnermut siunnersorti immikkoortortat akimorlugit siammasissunik pissanganartunillu suliaqartussaq

Isumassarsiullaqqikkuit, tamatigoortuullutit, inissaqartitsisuullutit ataatsikkullu arlalinnik suliaqarsinnaaguit attaveqaqatigiinnermut siunnersortitut atorfik ilinnut tulluartuuvoq!

 

eqqata Kommuniani Attaveqaqatigiinnermut siunnersortitut atorfik pissanganartoq inuttaaruppoq.

 

Attaveqatigiinnermut siunnersorti atuilluartuunissakkut siunnersortitut inissisimassaaq, atuilluartuunissakkullu siunnersortip suliffeqarfimmi siammasissunik suliassaqarfiusumi innuttaasunut attaveqarnerup iluani akimortumik ataqatigiissumillu suliniuteqarneq qulakkiissagaa kissaatigaarput.

 

Aaqqissuussaaneq akimorlugu pingaartumillu suliniutinut sammisunik suliaqartuni immikkoortortami suleqataalissaatit. Suliniutinut pingaartumik innuttaasunut, tusagassiuutinut suleqatigisanut, sulisunut allanullu sammisunut suleqataassaatit. Suliassanut qanimut suleqatigiinnissaq  aammalu suleqatigiittut ataqatigiilluarnissaq pisortaqatigiinnit pingaartinneqartoq Attaveqaqatigiinnermut siunnersortimit peqataaffigineqarnissaa kissaatigaarput.

 

Suliassat akisussaaffiillu:

•      Kommunip nittartagaani aamma Facebook-imi quppernerani aaqqissuisutut akisussaaneq

•      Kommunip immikkoortortaanit nutaarsiassanik ujartuineq, ingerlatitseqqiinerlu

•      Kommunalbestyrelsip ataatsimiinneri, tusagassiutinut nalunaarutit, saqqummiussassanik suliaqarneq, sapaatip akunnikkaartumik illoqarfimmi aviisimut ilanngussaqarneq, nittartakkamut, Facebook-imut il.il. pillugit attaveqaqatigiinnermi suliassat.

•      Illup iluani avataanilu attaveqaqatigiinnikkut sulianik ineriartortitseqataassasutit, atuilluartuunissakkullu eqqarsartariaaseq ingerlateqqissinnaassagit

•      Illup avataani iluanilu oqartussaqarfiit, kattuffiit suliffeqarfiillu peqatigalugit ineriartortitsinermut / suleqatigiinnermut suliniutinut ikiuunneq kiisalu pisortaqatigiinnut siunnersiueqatigiinneq.

•      Suliniutit angisuut ataanni suliniuteeqqanik aqutsineq, soorlu Inuunerissaarneq - Det gode liv, Qeqqata-modellen aammalu nunarsuarmioqatigiinnut kingornussassaqarfik Aasivissuit - Nipisat

•      Suliassat takkussuuttut nalinginnaasut.   
 

Piginnaasat:

  • Tusagassiortutut, attaveqaqatigiinnermut imaluunniit attuumassutilimmik qaffasinnerusumik ilinniagaqarsimasuusutit, kalaallillu inuiaqatigiivini pissutsinut ilisimasaqartuusutit
  • Allatanik aaqqissuussineq, nittartagalerineq, assiliineq videoliornerlu kiisalu ilusilersuineq ilanngullugit attaveqaqatigiinnerup iluani misilittagaqartutit
  • Ulluinnarni inunnik assigiinngitsorpassuarnik suleqateqarnermut avatangiiserisappillu sunnernissaanut pikkorissuusutit
  • Nammineersinnaassuseqartutit aammalu oqaluttuassaqqissunik ujartuisinnaasutit
  • Attaveqaqatigiinnerup iluani suliat assigiinngiiaartunik isumagisinnaagitit suliannilu siammasissumik suliaqarusussuseqartutit
  • Kalaallisut oqaaseqartuusutit ajornanngippallu arlariinnik qallunaatut aamma/imaluunniit tuluttut

Akissarsiat sulinermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

Inissamik innersuussisoqarsinnaavoq malittarisassat sukkulluunniit atuuttut malillugit ineqarnermut akiliutinik il.il. akilerneqartussamik.

 

Atorfik allaffissornikkut Sisimiuni inissisimavoq, Sisimiunilu Atorfillit pisortaata ataani aaqqissuussaanikkut inissisimalluni.

 

Pisortaanerup sulisui pillugit:

Attaveqaqatigiinnermut siunnersorti Pisortaanerup sulisuisa ataaniippoq, Qullersaqarfiup ataani akimortumik suliaqartuulluni. Pisortaanerup sulisui qulinut amerlassusiligaapput Sisimiuni Maniitsumilu agguagaallutik. Pisortaanerup sulisui kommunip iluani akimortumik ingerlatsinermi- aamma ineriartortitsinermi suliassanik suliaqartarput. Suliassat politikkimut - soorluttaaq allaffissornikkut suliassaasinnaapput.

Qeqqata Kommunia immikkut suliniutinut Inuunerissaarneq - Det gode liv aamma Qeqqata modelli-mik ukkataqartuuvoq, tassuunakkullu meeqqat isumassorneqarnissaat illersorneqarnissaat kiisalu utoqqaat pitsaasumik inuuneqarnissaasa attatiinnarneqarnissaat ataqatigiissakkamillu pitsaaliuilluni suliniutit ilaatigut qulakkeerneqassallutik.   Piaartumik isumaqatigiissuteqarnikkulluunniit atorfinittoqassaaq.
Atorfik pillugu paasissutissat annertunerusut Sisimiuni Atorfillit pisortaanut Hans Christian Sværd-imut, oqarasuaat (+299) 86 73 02, e-mail: hcsv@qeqqata.gl saaffiginninnikkut pissarsiarineqarsinnaapput

 

Qinnuteqarfissamut immersugassaq aaneqarsinnaavoq uunga alakkarnikkut: www.qeqqata.gl/job

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilaligaq kingusinnerpaamik 2021-imi aggustip arfernani tigoreersimassavarput.

 

Qinnuteqaat una toorlugu nassiunneqassaaq