Skip to main content
156

Dette jobopslag er udløbet

Qeqqata Kommunia pissarsiorpoq Angerlarsimaffik Neriusaami sundhedshjælper

Qeqqata Kommuneani Atugarissaarnermut immikkoortortaqarfik, Neriusaami Maniitsumiittumi sundhedshjælper atorfik inuttassarsiuupparput.

 

Angerlarsimaffik Neriusaaq 2008-mi ammarneqarpoq. 44-nik inissaqartitsivugut assigiinngitsunik pisariaqartitalinnik. Illu arfinilinnut agguataarneqarpoq, sulisulli ikioqatigiillutik sulisarput. Angerlarsimaffik ineriartornermik pingaartitsisuuvoq, naleqartitat pingaartitallu aallaavigalugit sullissineq ingerlanneqartarpoq.

 

Suliffissat:
Piffissat sulliviusut nikerartuupput. Ulloq unnuarlu, sapaatip akunnera tamaat.

 

Atorfininneq pissaaq:
Isumaqatigiinnikkut imal. 1. September 2022.

Suliassat:

  • Ineqartunik isumaginninneq
  • Ineqartut susassaqartinneranni tapersersuineq
  • Ilinniartunik ilitsersuineq
  • Ineqartut ilaqutaannut attaveqaqatigiittarneq
Piginnaasat:
  • Sundhedshjælper-tut ilinniarsimasuussaatit
  • Aallartitsisinnaallutillu kajumissaarisinnaasuussaatit
  • Allanngortitsinermut ammasuussaatit
  • Ajornanngippat kalaallisut oqaaseqartuussaatit

Neqeruusutigaagut:
Suliffeqarfik suliffikkuminartoq.

Suleqatit suliaminnut ilisimaarinnilluartut aammalu misilittagaqarluartut.

Fitness akeqanngitsoq.

Aningaasarsiat atorfininnermilu atugassarititaasut:
Akissarsiat sulinermilu atugassarititaasut Kalaal­lit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsin­naatitaasup akornanni isumaqatigiissut atuuttut naapertorlugit aaqqinneqassapput.

Inissaqartitsineq:
Atorfimmut atatillugu inissaqartitsisoqarsinnaavoq qaammammut akiliutit naapertorlugit isumaqatigiissutit atuuttut tunngavigalugit.

Attavigisinnaavatit:
Atorfik pillugu annerusumik paasiniaasoqarsinnaavoq Ningiumut

Anne Lyberth anls@qeqqata.gl  imaluunniit tullersortimut Malu Karlsen maka@qeqqata.gl attavigalugit, imaluunniit oqarasuaammut 817011

Qinnuteqaat:
Qinnuteqaat nassiunneqassaaq ilinniarsimanermut uppernarsaatit, pinerluuteqarsimannginnermut uppernarsaat - oqaaseqaatit attavigisinnaasallu ilanngullugit nassiunneqassapput.

 

Qinnuteqaatit una linkeq toorlugu nassiussinnaavat