Skip to main content
140

Dette jobopslag er udløbet

Nuka Kangerlussuarmi peroraasumik pissarsiorpoq

Qeqqata Kommunia Kangerlussuarmi meeqqerivimmi Nuka-mi peroraasumik pissarsiorpoq:

 

Meeqqerivik Nuka Kangerlussuarmi atuarfiup, kommunip allaffiata aammalu timersortarfiup naluttarfiullu eqqaani inissisimavoq. Nuka meeqqanut affarmit arfinillit tikillugit ukiulinnut 44-nut inissaqarpoq.

Meeqqerivik ininut pingasunut aggulugaavoq, Norrakkut affarmit marluk tikillugit ukiullit, aammalu Ukaliakkut marlunnit sisamat tikillugit ukiullit, Umimmakkut sisamanit arfinillit tikillugit ukiullit, init tamarmik sinittarfeqarlutillu pinnguartarfeqarput, tamatuma saniatigut ataatsimoorfimmik inersuaqarpoq.

Sulisut: Aqqaneq-marluk tullliuttutigut agguataagaasut. Aqutsisoq 1, tullersorti 1, perorsaasut 2, meeqqerisut isumaginninnermilu ikiortit 3, perorsaanikkut ikiortit 3, nerisassiornermi eqqiaanerrmilu ikiorti 1.

Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 16, 3. december 2012-meersoq malinnissaanut akisussaaqataassaatit, tamatuma saniatigut Qeqqata Kommuniata nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.

Piginnaasat:

  • perorsaasutut ilinniarsimasuusutit
  • akisussaassuseqarluartutit
  • eqeersimaartuusutit, tunniusimasuusutit nutaamillu eqqarsartartutit
  • tamat takunnissinnaassuseqartutit.
  • ulapaarfimmi uippakajaarneq ajortutit
  • nikerarsinnaasutit allannguisinnaasutillu
  • Suleqatikkuminartuusutit, kiinneraartutit avatangiisinilu akuersaartumi patajaatsuusutit

Ilinnit naatsorsuutigisagut:

  • Perorsaasutut Ilinniagaqartuusutit
  • Pisortaq qanimut suleqatigisinnaassagit
  • Ersarissuunissat pisariaqarfimmilu killiliisinnaasutit
  • Illup iluani pisunik eqqummaarittuusutit
  • Meeqqerivitsialak ilisimaqarfigissagit
  • Meeqqap ineriartorneranut tunngatillugu angajoqqaanik oqaloqateqartarsinnaasutit
  • Pilersaarusiorsinnaasutit sulianillu agguataarisinnaasutit
  • Nutaanik pilersitsisinnaassuseqartutit
  • Suliannut tunngatillugu tamakkerlugu isiginnillaqqissusutit
  • Suliffinnut patajaatsuusutit/tunniusimasuusutit
  • Suliannut akisussaassuseqartumik sulisinnaassasutit
  • Nuannaartoq/uummaarissoq ammasuunissarlu
  • Kalaallisut qallunaatullu oqaatsit piginnaasaqarfigissagitit
  • IT/qarasaasiamut piginnaasaqarnissat
  • Suliniutinut nutaanut eqqummaarinnissaq
  • Akuersaartumik perorsaanermi isiginnittariaaseqassasutit
  • Ulapaarnermi eqqissillutit sulisinnaasutit
  • Meeqqat immikkut pisariaqartitaannik eqqummaariffeqassasutit

Neqeroorutigissavarput:

  • Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput
  • Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni
  • Sulinermi atugassarititaasut pitsaasut
  • Aallartitsisinnaasoq nutaamillu eqqarsarsinnaasoq
  • Sulisut angajoqqaallu akornanni suleqatigiinneq pitsaasoq
  • Akeqanngitsumik timersortarfimmi timigissarsinnaanermut neqeroorut
  • Sulinermi avatangiisit pitsaasut
  • Isumassarsianut/siunnersuutinut nutaanut ammasuuneq

Akissarsiat, atorfinitsitaanermilu atugassarititaasut
Akissarsiat atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Qaammatini pingasuni misiligummik atorfinitsitsisoqassaaq.

Ineqarneq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Qinnuteqarnermi piumasaqaatit:

  • Ilinniarsimanermut uppernarsaat
  • Imminut ilisaritinneq
  • Suliffigisimasami oqaaseqaatit attavissallu
  • Pikkorissarsimanermut uppernasaatit

Attavissat:
Atorfimmut atatillugu annertunerusumik paasisaqarusukkaanni, Meeqqerivimmi aqutsisoq Mitdlaraq M Olsen attavigineqarsinnaavoq, oqarasuaat: 84 11 75 imaluunniit Meeqqeriveqarnermut allaffimmi pisortaq Navarana Lennert 86 74 02.

Qinnuteqaatit:
Qinnuteqaat kingusinnerpaamik 2022-mi decemberip 23-iani tigoreersimassavarput. Atorfinitsitsineq 2023-mi Januaarip 15-niani isumaqatigiissuteqarnikkulluunniit pissaaq.

Qinnuteqaatit nassiussinnaavat una linkeq toorlugu