Skip to main content
142

Dette jobopslag er udløbet

Napasup atuarfia ataatsimik ilinniartitsisussarsiorpoq

Napasup Atuarfia ataatsimik ilinniartitsisussarsiorpoq
Nuup Maniitsullu akornanni Napasoq inissisimavoq, imaatigut angallannikkut anguneqarsinnaasoq. Napasoq 75 missaanik inuttutigaaq, taakkunanngalu 9 atuartuullutik. Klassinut marlunnut agguataagaallutik, immikkut atuartinneqartartumik ataatsimik atuartuuteqarlutik.

Qinnuteqarfissaq kingulleq:

10. juli 2019

Sumiiffik/Pisortaqarfik:

Napasoq

Sivisussuseq:

Tamakkiisoq

Atorfininnermi ulloq:

August aallaqqaataani imaluunniit isumaqatigiinnikkut

Akissarsiat:

Isumaqatigiissutit malillugit

Atorfinitsitaaneq isumaqatigiissutillu 

Napasumi 8. klassi ilanngullugu atuartuupput. Atuartut 9.-10. klassimi atuartussanngortillutik, Maniitsumi Qeqqata Kommuniata atuartunut angerlarsimaffianut nuuttarput, Atuarfik Kilaaseeqqamilu atuartarlutik. Atuarfik ilinniartitsisoqarpoq marlunnik.

 

Atuarfik atuarfiup aqutsisuanik suleqateqarluarpoq, suliniutinillu assigiinngitsunik aallartitsisarlutik. Skypikkut tuluttut atuartitsisoqartarpoq ilinniartitsisunik nunaniit allaneersunik, sapaatip akunneranut marloriarlutik.

 

Atuarfiup aqutsisua Magdalene Kristiansen attavigineqarsinnaavoq telefon (+299) 81 86 36 imal. e-mail: napasoq@kilaas.gl

Aningaasarsiat atorfeqartitaanermilu atugassarititaasut 

Atuartitsissutini fagini tamani nukarlerni atuartitsisinnaasumik ilinniartitsisumik ataatsimik pissarsiorpugut.

 

Aningaasarsiat atorfininnermilu atugassarititaasut

 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq. Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq, taamaattorli tjenestemanditut atorfinissin-naaneq allamik tjenestemanditut atorfeqarsimagaanni toqqaannartumik nuunnissamut periarfissaqarpoq.

 

Inissaqartitsisoqarsinnaavoq, malittarisassallu atuuttut malillugit ineqarnermut qaammammut akiliisoqartassalluni il. il.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.  Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. august 2019 imaluunniit isumaqatigiinnikkut.

 

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 10. juli 2019-mi tigoreersimassavarput

 

Qinnuteqaat uunga nassiunneqassaaq:

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

 

Attavissaq
Anna Heilmann
(+299) 81 78 68
annh@qeqqata.gl