Aggustip aallaqqaataani 2023 atorfinittussanik.

Meeqqat atuarfiannik ineriartortitseqataanissat orniginartippisiuk?

Sisimiut qaasuitsup killeqarfiata avannaatungaani nunami alutornartumi periarfissagissaartumilu inissisimavoq, ilinniarfeqarfiulluni paaqqinnittarfinnillu periarfissaqarluni.

Nalunnguarfiup Atuarfia alloriarfinnut sisamanut agguataagaavoq:

• Atuarfiup ulluinnaani ingerlalluarnermik annertuumillu sammisaqartitsiviusumik ingerlatsinermut tamat isiginnissinnaassuseqarpit?
• Suleqataasuuit aaqqiissutissanik kinguneqartussanik nassaarniartartoq aammalu suleqatigiit akornanni ataqatigiissaarillaqqissoq?
• Qanilaartuusinnaavit tusarnaarlutillu, aammalu aalajangiinernik isumaqatigiissutinillu attassisinnaasoq?
• Atuarfiup akuersaartuunermik, suleqatigiinnermik ataatsimoorussamillu akisussaanermik anguniagaanik aamma naleqartitaanik ineriartortitseqataarusuppit?
• Alloriarfinni aqutsisunut sulisunullu tamanut akuutitsisuuit suliassanillu agguaasarlutit?
• Kalaallit Nunaanni Unicef Pisinnaatitaaffiit pillugit atuarfiinut siuttuusumut ilaarusuppit?

Ilinnut tunngasut

Atuarfiup ulluinnaanut siammasissumik ilisimasaqartuusutit. Atuartut 375 missaaniittunut, 1. klassimit 10. klassimut, Ilaqutariit klassiannut ataatsimut, Kreaklassinut marlunnut Inuussutissarsiornermullu klassimut ataatsimut agguataagaasunut atuarfimmi aqutsisuunikkut misilittagaqartutit ineriartornissannillu kissaateqartutit. Atuaqatigiiaanut annikinnernut arfineq-pingasunut agguataagaasunik immikkut atuartitsivimmi atuartut 30-35-upput. Atuarfik sisamanik alloriarfeqarluni immikkoortunut agguataagaavoq. Ukiuni kingullerni sisamani Visiobox aqqutigalugu aqutsisutut ilinniarnermik ingerlatsinikuusunik alloriarfinni aqutsisunik sisamanik aqutsisoqarpoq atuarfiullu pisortaanut tullersorteqarluni.

Piginnaasatit:

• Alloriarfimmi aqutsisutut qaffasinnerusutulluunniit aqutsisuunermik misilittagaqartuusutit
• Atuartitsinermik siammasissumik misilittaqaqartutit
• Atuarfimmi pisortap peqannginnerani paarlattaasinnaassuseqartutit
• Akuersaartumik attaveqarnikkut qummut ammullu aqutsisinnaassuseqartutit.
• Tamat isiginnissinnaassuseqartutit pisunilu ulapaarfiusuni eqqissisimasinnaasutit
• Aalajangiussanut ingerlatitseqqissinnaasutit, tunngavilersuisinnaasutit nassuiaasinnaasutillu

Piginnaasassatit:

• Ataatsimik arlalinnilluunniit qaffasissusilimmik aqutsisutut ilinniagaqartuullutit ilinniartitsisutut ilinniarsimasuusutit
• Atuarfimmi allaffissornikkut ilisimasaqartuusutit
• Ulluinnarni naatsorsuutinik, atuartunik sulisunillu allaffissornikkut, skemaliornermi, paarlatsissarsiornermi, Intra-mi suliaqarnermi il.il. systeminik arlalinnik atuinissamik misilittagaqartuusutit.
• Piginnaasannik ineriartortitserusussuseqartutit.

Atorfik pillugu:

Nalunnguarfiup Atuarfia atuartut ingerlaqqinnissaanni sapinngisamik pitsaanerpaamik piginnaasanik tunineqarnissaanut ersarissunik anguniagaqarluni ineriartupiloorpoq.

Pisortap tullersortaatut atuarfimmi pisortap pingaarnertut siunnersiueqatigisarpaa. Ukiup atuarfiusup pilersaarusiorneqarneranut, pitsaassutsimik nalunaarusianut, 1. juli nalunaarutinut kiisalu nalunaarutinut allanut aalajangersimasunut tamat takunnissinnaasuunissat naatsorsuutigineqarpoq.

Atuarfimmi allatsi peqatigalugu atuarfiup pisiniartarneranut akisussaasuussaatit.

Atuartitsinermut, eqqiaanermut aammalu pedel-ip ulluinnarni suliassat akisussaasunik akuutitsinikkut ilinnit ataqatigiissarneqassapput.

Atuarfimmi tamarmi suleqatigiinnerusumik ingerlariaaseqarnissamut ilinniartitsisoqatigiit atuutilersitsinissamut suliaqarput.

Ulluinnarni atuarfimmi sulinermi qarasaasiaqarneq peqataatinneqarpoq annertusiartorlunilu. I-Pad-imik atuinermut ilisimasallit kissaatiginarnerupput.

Qeqqata Kommuniani atuartut ilinniartitsisullu tamarmik I-Pads-eqarput.

Suliassat tigussaasut ataasiakkaat atuarfiup pisortaanik, taassumalu akisussaatinneqarneratigut oqaloqatigiinnikkut ingerlanneqartassapput.

Akissarsiat atorfininnermilu atugassarititaasut

Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aamma pequtit assartorneqarneri Naalakkersuit ilinniartitsisullu kattuffiata IMAK-ip akornanni isumaqatigiissutit sukkulluunniit atuuttut naapertorlugit inissinneqassapput.

Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutsit (åremål) naapertorlugit pissaaq.

Inissiaatileqatigiiffik INI aqqutigalugu nalinginnaasumik attartornermut pissutinut malittarisassat atuuttut malillugit akilerneqartartussamik inissaqartitsisoqarsinnaavoq. INI-mi attartornissamut isumaqatigiissusiortoqarnissaata tungaanut Sisimiunut tikinnermit inigigallagassamik atugassaqartitsisoqassaaq.

Meeqqanik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Tamatuma saniatigut pinerlussimannginnermik uppernarsaammik pissarsisoqarnissaanut piumasaqaateqarpoq. Meeqqanik pinerliisimannginnermik pinerlussimannginnermullu uppernarsaat naammaginartoq pissarsiarineqareerpat atorfinitsitsineq pissaaq.

Qeqqata Kommuniani illoqarfik Sisimiut makkuninnga neqeroorutissaqarpoq:

Illoqarfiup tunuatungaani Nassaasaaq illoqarfiup ilisarnaatigisaa nappaarippoq. Illoqarfimmi innuttaasut 5.800 missaanniippugut. Pingaarnertut inuussutissarsiutaasoq tassaavoq aalisarneq. Sisimiuni ilaatigut ilinniarnertuunngorniarfeqarpoq inuusuttunullu ilinniarfissanik allanik peqarluni.

Illoqarfimmi meeqqat atuarfiisa angeqatigiingajaat marluusut aappa tassaavoq Nalunnguarfiup Atuarfia.

Sisimiut qaasuitsup killeqarfiata avannaatungaaniippoq, pinngortitarsualu kusanaqaluni. Aasaanerani imaatigut angalaarnissamut pinngortitamilu pisulluni angalaarnissamut periarfissaqarluarpoq. Ukiuunerani soorlu ujakkaarnermik, sangusaarnermik, snowboardernermik, sikukkut sukuutsernermik, qamuteralannermik qimussernermillu sammisaqarnissamut periarfissarpassuaqarpoq.

Imaatigut angalaarnissamut ukiorlu kaajallallugu piniarnissamut pitsaasunik periarfissaqarpoq.

Allaaserisani taakkunani imminut takusinnaaguit aqutsisussatsitut qinnuteqaatit tigunissaanut nuannaassaagut.

Qinnuteqarnissamut killiliussaq tassaavoq 12. juni nal. 12 (kalaallit nunaanni nalunaaqutaq)

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilaligaq iserfissiaq aqqutigalugu nassiunneqassaaq.

Sulilerfissaq ulloq 1. august 2023

Atorfik pillugu attaveqarfissaq:

Atorfik pillugu apeqqutit uunga ingerlatinneqassapput

Atuarfimmi pisortaq Dan Christensen (+299) 86 43 88

Ilinniaretitaanermut pisortaq Nivi Heilmann Efraimsen (+299) 86 73 25 nhef@qeqqata.gl

Qinnuteqaatit nassiussinnaavat una linkeq toorlugu: