Skip to main content
158

Dette jobopslag er udløbet

Nalunnguarfiup Atuarfia ilinniartitsisunik marlunnik nukarlerniittussanik pissarsiorpoq

Aggustip aallaqqaataani 2023 atorfinittussanik.

Meeqqat atuarfiannik ineriartortitseqataanissat orniginartippisiuk?

Sisimiut qaasuitsup killeqarfiata avannaatungaani nunami alutornartumi periarfissagissaartumilu inissisimavoq, ilinniarfeqarfiulluni paaqqinnittarfinnillu periarfissaqarluni.

Nunami aasami ukiumilu periarfissarissaaqaaq. Akunneq ataaseq atorlugu pisuttuarfissat alutornartullit qaqqarpaaluillu tikittariaapput. Umiatsiamik angalaarnerit, aalisariarnerit piniaalunnerillu periarfissat ilagaat. Ukiumi sammisassat assigiinngitsorpassuit sammineqarsinnaapput, soorlu sisoraatinik arpanneq, sangusaarneq, snowboard, qamuteralannik kiisalu qimussimik angalaarnerit. Timersortarfimmi kommuunimi sulisunut nukkissarnissanik neqerooruteqartarput; soorlu aamma sunngiffimmi unnukkut atuartitsineq periarfissaasoq.

Alloriarfimmut ingerlalluartumut sulilissaasi, suliassanut assigiinngisitaartunut atuagarsornikkullu ineriartorfiusumut eqiingaffiusumut. Ilinniartitsisunik atuartunut ataavartumik ineriartornissaannut anguniagalimmik, atuartunut, angajoqqaanut, suleqatinullu siunnersuillunilu aqqutissiuisinnaasumik pissarsiorpugut. Atualerlaani marlukkaarfiusumi sulissaasi.

Nalunnguarfiup Atuarfia ersarissumik anguniagaqarluni ineriartorpoq, atuartut atuarusussuseqalernissaannik, piginnaasaannik inuunermilu misilittagaqalernissaannik ineriartortittiffiulluni. Ilinniartitsisut imminnut ataqatigiilluartarput, aammalu suleqatigiilluarnissamik anguniagaqartarlutik atuartut atuartitsinerlu pillugit.

Sulisut piginnaasamikkut imminnut nalunngilluartut tikissavatit, suliassat assigiinngiiartut; soorlu atuartut atuartitaanerannut suleqatigiilluinnartunut suleqatigilissavatit. Sulisut imminermut atuartunullu anguniagassaannik ineriartottitsisinnaasunik, tapersersuisinnaasunik, atuartunik angajoqqaanik ilinniartitsisoqatigiinnilu siunnersuisinnaasunik sulisussarsiorpugut.

Ukiumut sapaatip akunnikkaartunillu pilersaarusiortarpugut, ukioqatigiiaat ukioqatigiiaanngitsullu pilersaarusiorluartarlutigit. Atuartitsinermut ilaalluinnarpoq ataavartumik naliliisarnerup atuartup anguniagassaliai aallaavigalugit piginnaasanik nalilersueqatigiittarnissaq. Taakku malitsigisaannik atuartunut angajoqqaanullu atuartitsinerup inuttullu ineriartorneq pillugit siunnersuisarnissaq. Angusakkat ukiumut marloriarluni naapissutaasarput.

Atuartitsinermut akunnernik tapiliussanik atuartut ineriartorluarnissaat anguniarlugu ingerlatsisarpugut.

Qeqqata Kommuniani atuartut ilinniartitsisullu tamarmik ipad´imik atuisuupput, taamaattumik pitsaassaaq atuartitsinermut atuartitseriaatsinillu allanik atuilaarsinnaajuit .

Qeqqata Kommuniata annertuumik atuartut atuartuaannarnissaat suliniutigivaa, atuanngitsoqaraangat ingerlaannartumik angajoqqaat attavigineqartarput. Sulinermi Tabulex Tea aamma skoleIntra atuartunut angajoqqaanut suleqatinullu atuanngitsoornerit nalunaarsornerannut attaveqaatitut atorpagut. 

Nalunnguarfiup Atuarfiani atorfiit pingasut aggustip aallaqqaataani inuttassarsiorneqarput.

Ataani taaneqartunit allaanerusunik atuartitsisaraanni aamma qinnuteqarnissamut tikilluaqqusaavusi.

Atorfimmut Kultuurimut atuartitsinerullu ineriartortinneranut atuartut atualeqqaarnerannit ilusilersueqataasinnaassaatit. Atorfimmut tassunga kalaallisut, qallunaatut tuluttullu atuartitsisinnaaneq pingaartinneqarnerat assigiipput.

Qinnuteqarfissaq kingusinnerpaamik pissaaq 12. juuni 2023

Attavissaq: Atuarfiup pisortaa Dan Christensen, telefon 86 43 88, imaluunniit mailikkut dgch@qeqqata.gl

Qinnuteqaatit nassiussinnaavat una linkeq toorlugu: