Skip to main content
78

Dette jobopslag er udløbet

Nakkutilliisunik marlunnik aamma naatsorsuusiortumik ataatsimik Sisimiunut

Aningaasaqarnermut immikkoortortaq nakkutilliisunik marlunnik aamma naatsorsuusiortumik ataatsimik Sisimiunut pissarsiorpoq

Qinnuteqarfissaq kingulleq:

24. august 2020

Sumiiffik/Pisortaqarfik:

Sisimiut

Sivisussuseq:

Tamakkiisumik

Atorfininnermi ulloq:

1. oktober 2020 imaluunniit isumaqatigiinnikkut

Akissarsiat:

Isumaqatigiissut malillugu

Suliassat akisussaaffiillu: 
Qeqqata Kommuniani aningaasaqarnermut immikkoortortaq bogholderimik, akiligassanik akiitsunillu ingerlatsinermik suliaqarpoq. Kommuni Nakkutilliisunik sisamanik inuttaqartussamik nakkutilliisoqarfimmik pilersitsileruttorpoq. Immikkoortortat ataasiakkaat aningaasaqarnermut pisortamut toqqaannartumik attaveqartuupput.

 

Nakkutilliisut:
Kommunimi marlunnik illoqarfilimmik arfinilinnillu nunaqarfilimmik sullissisuusumik aningaasaqarnermut immikkoortortami qitiusumi immikkoortumi Nakkutilliisoqarfik nutaajuvoq.

 

Nakkutilliisunik nutaamik eqqarsarsinnaasunik suleqateqallaqqissunillu pissarsiorpugut, aningaasaqarnermut attaveqartuullutik kommunimi missingersuutinik nalunaarusiortarnermilu periutsinik pitsanngorsaanermut peqataasussanik kiisalu kommuni aningaasaqarnermik aqutsinermik ineriartortitseqqiinermik peqataasussanik.

Kommuninit allanit namminersorlutillu oqartussanit avinneqartuusumik ERP-mik aaqqiissummik atuutilersitsinermik iluatsilluartumik Qeqqata Kommunia naammassinneqqammerpoq, maannalu saniatigut sakkussanik assigiinngitsunik atuutilersitsinissamik ingerlatsileruttorluni.

 

Suliassat akisussaaffiillu:
Nakkutilliisut nutaat suliassaannut ilaavoq tullinnguuttunulli killiligaanani:

·       Saniatigut sakkunik atuinermi kommunip ingerlatsiviinik ikiuunnissaq, aammalu missingersuusiornermut atatillugu suleqataaneq;

·       Ingerlatsiviit aningaasaqarnerata ingerlaavartumik nakkutiginissaat;

·       Aningaasaqarnikkut aqutsinermi nakkutilliinermik ingerlatsiviit atuinerisa nakkutiginissaat tulleriaakkamillu nakkutiginissaat;

·       Nalinginnaanerusumik qullersaqarfiup kommunalbestyrelsilluunniit atugassaanut aningaasaqarnermut pisortamut nalunaarusianik takkussuuttunik assigiinngitsunik suliaqarneq;

·       Ingerlatsíviit aningaasaqarnikkut nalunaarusiassaat pillugit ikiorneqarnissamut pisariaqartitsinermi ingerlatsivinnut qitiusumik attaveqaataaneq;

·       Nakkutilliilluni suliaqarnerup malitsigisaanik pisariaqalersunik nuutsinermut atatillugu ingerlatsivinnut ikiuunneq.

 

Piginnaasassat nakkutilliisumut:
Nakkutilliisuunertut imaluunniit kommunimi ingerlatsivinni aningaasaqarnermut suleqatissaattut atorfininnissamut piukkunnaateqalernissamut qaammatit 24-t iluanni siunertaqarluni ilinniartinneqarnissamut atorfimmut atorfinitsinneqassaatit.

·       Aningaasaqarnerup, naatsorsuuserinerup aamma/imaluunniit aqutsinerup iluani bacheloritut soraarummeersimasutit;

·       Naatsorsuuseriffimmi sulinermik misilittagaqartutit;

·       Attaveqallaqqissuusutit aammalu Saniatigut nalinginnaasumillu aningaasqarnikkut paasinnittarnerup iluani immikkoortuni ilisimasanik ilinniarnissaq annertusaaqqinnissarluni pissanganartikkit;

·       Excelimut ilisimasaqartutit aammalu PIVOT eqitsisinik atuinermik misilittagaqartutit;

Ajornanngippat arlalinnik oqaaseqartuussasutit, kalaallisut, qallunaatut tuluttullu

 

Naatsorsuusiortoq:
Naatsorsuusiortorput nutaaq immikkoortumut pissaaq aammalu immikkoortortatta ullumikkut suliarisartagaanni assigiinngitsorpassuarni ilaalissalluni.

 

Suliassat:
Naatsorsuusiortorput nutaaq sullissisaqqissuussaaq, akilersuititsinissaq ilanngullugu sullitatsinnik sullissisaqqissuusoq. Tamatumalu saniatigut akiligassaqarfiusut sullissinermut misilittagaqartuusutit.

 

Aningaasarnermut akiligassaqarfiusunullu naatsorsuusiorfimmi pingaarnertut suliaqassaatit kiisalu immikkoortuni assingini suliassanut kommunimi immikkoortortani assigiinngitsuni sullissinermik suliaqassallutit.

 

Taakku saniatigut aningaasaqarnermut, akiligassalinnut akiligassaqarfiusunullu immikkoortumi kommunip saniatigut aaqqitassaanut atuinermi BI atorneqartarmat, kommunimi ERP-mut BI-mullu atuisinnaanermut ilinniartinneqassallutit, kommunip pisassaanik aningaaqarnikkut aqutsinermut aaqqiissutit atorneqartartussaammata.

 

Piginnaasassat:

·       Naatsorsuuserinerup iluani allaffimmiutut ilinniarsimasuusutit;

·       Aningaasaqarnermut akiligassaqarfiusunullu ingerlatsinermi sulinermik misilittagaqartuusutit;

·       Attaveqallaqqissuusutit aammalu naatsorsuuserinerup aningaasaqarnerullu iluani ineriartornissaq pissanganartikkit

·       Excel ilisimasaqarfigigit atugaralugulu;

·       Ajornanngippat arlalinnik oqaaseqartuussasutit, kalaallisut, qallunaatut tuluttullu

 

 

Akissarsiat sulinermilu atugassarititaasut controller-imut:
Akissarsiat atorfeqartitaanermilu atugassarititaasut, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naaperlorlugit pissapput.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Akissarsiat sulinermilu atugassarititaasut naatsorsuuserisumut:
Akissarsiat atorfeqartitaanermilu atugassarititaasut, Naalakkersuisut aamma SIK akornanni isumaqatigiissutit atuuttut naaperlorlugit pissapput, tamatumani illit inissinneqarnerit piginnaasatit apeqqutaallutik inissinneqassallutik.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Atorfininnissaq pissaaq 1. oktober 2020 imaluunniit isumaqatigiissuteqarnikkut.

 

Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Nakkutilliisutut atorfiit pillugit paasissutissat annertunerusut aningaasaqarnermut pisortaq Peter Munch Eriksen e-mail: pmer@qeqqata.gl oqarasuaalluunniit +299 24 3253, aamma naatsorsuusiorfimmut attaveqarfigineqasaaq Ansu L. Olsen, e-mail alol@qeqqata.gl oqarasuaalluunniit +299 86 7334

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu imalik kingusinnerpaamik aggustip 24-ani tigoreersimassavarput ilisarnaaserlugu: Nakkutilliisoq imaluunniit Naatsorsuusiortoq

 

Qeqqata Kommuniata ukkataqarfigisaa
Ukkataqarfigisaa Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

 

Kommunimi atorfilimmik naapitsigit
Qeqqata Kommuniani kommuni tamakkerlugu sulisut 1300-t missaanniipput (atuarfiit, paaqqinnittarfiit, allaffeqarfik) taakkunannga allaffeqarfimmi katillugit sulisut 141-llutik, Sisimiuni 94-it Maniitsumilu 47-t.

 

Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Peter Munch Eriksen
pmer@qeqqata.gl/alol@qeqqata.gl
(+299) 24 3253/86 7334