Atorfiniffissatut ulluliunneqarpoq 1. august 2023 imaluunniit isumaqatigiinnikkut.

Atuarfitta ineriartoqqinnissaanut peqataarusuppit?

Sisimiut kaperlattartup killeqarfianiippoq pinngortitamut kusanartumut periarfissaqaqisumut qanittuaraasoq. Sisimiuni meeqqeriveqarnikkut paaqqinnittarfeqarnikkullu atugarissaarfiuvoq.

 

Aasaanerani ukiuuneranilu pinngortitaq sammisassaqarfiulluarpoq. Kangianut pisulaaraanni pisuttuarfiit tikitassaapput qaqqallu takornariagassaqqissut amerlapput. Sisimiut umiatsiamik nuannaariarnissamut piniariarnissamullu angallavissaqarluarpoq. Ukiukkut sammineqarsinnaasut amerlaqaat, qimussimik qamuteralannilluunniit kangiatungitsinnut angallavissaq annertoqimmat nuannertaqaaq.

Minngortuunnguup Atuarfia ineriartortuuvoq atuartumut siunissami inerissimalerluni atugassaminik ilikkagaqarluarnissaanik anguniagaqarnissaanut ikorfartuinissaminut pitsanngorsaajuartoq. Atuarfiup aqutsisuisa pingaartippaat ilinniartitsisut ineriartortuarnissaat suleqatigiittullu avitseqatigiinnikkut suliffimmik akisuqatigiinnissaat. Atuarfimmi atuartut pisariaqartitaannut pisinnaatitaaffiannullu aamma pisunut allanngoriasaarsinnaasunut piareersimasuusunik sulisoqarpugut.

Ilinniartitsisoqatigiit ataqatigiilluartuupput ukkatarilluarpaallu ataatsimoorussamik suliaqarlutik atuartunut pilersaarusiortarneq atuartitsinerlu. Ilinniartitsisoqatigiit nutaaliornissamut misileraanissamullu sapiitsuupput ulluinnarnilu atugassarititaasunut tulluarsallaqqissuullutik. MA-mi unneqaarissuunissaq pingaartitaraarput.

Tikitassaraatit suleqatigiit pikkoriffimminni atuartup anguniagaqarneranut ineriartorneranullu tapersersuisinnaasut, siunnersuisinnaasut aqqutissiuisinnaasullu. Atuartup angerlarsimaffianik suleqateqarneq annertusitikkiartorlugu ukkataralugu ineriartortitsisut.

Qeqqata Kommuniani atuartut atuartuaannarnissaat pingaartitaraarput nakkutigilluarnerisigut angerlarsimaffimmullu attaveqapallattarnitsigut atuarnerulersitsilluta. Tabulex TEA aamma Skoleintra attaveqarnitsinnut atugaralutigit. Angusat pingaartillutigit ukiumut ikinnerpaamik marlussoriarluta Angusakkartitsisarpugut.

Trin 1 (1. -3. kl.) Ilinniartitsisunik 3-nik 1.klassini atuartitsisartussanik pissarsiorpugut. 1.klassini atuartitsineq atuartuunermut sungiussipallannissamik imaqarpoq aamma naatsorsuutigineqassaaq 1.klassimi atuartitsinermi suleqatigisaq piffissaq tamaat ingiaqatigiinnikkut suleqatigisassallugu. Klasselæreritut sulineq suliassat pingaarnerit ilagissavaat.

Trin 4-mi (immikkut atuartitsivimmi) Ilinniartitsisut 3-t atuartunik immikkut pisariaqartitsisunik atuartitsisinnaasut ujartorpagut. Immikkut atuartitsivimmi pinngortitamik atuinermik imaqarluartumik mernguernartunillu ukkataqarluni atuartitsinermik ingerlatsiviuvoq. Immikkortortaq atuartunut tulluarsarsinnaanermik pingaartitsisuuvoq.

Trin 4-mi (Multiafd.)  Ilinniartitsisoq ataaseq timikkut eqqarsartaatsikkullu innarluuteqartunut atuartitsisinnaasoq ujartorparput. Immikkut atuartitsivimmi ullup ilikkagaqarfiunissaanik mernguernartunillu ukkataqarluni nuannersumik ulloqarnissamik ataatsimoorfiuvoq. Immikkortortaq atuartunut tulluarsarsinnaanermik pingaartitsisuuvoq.

Akissarsiat atorfeqartitaanermullu atugassarititaasut

• Isumaqatigiissummut atuuttumut akissarsiat atorfeqarnermullu atugassarititaasut atuutissapput.
• Meeqqanik innarliisimannginnermik uppernarsaammik aamma pineqaatissinneqarsimannginnermik uppernarsaammik piniartoqassaaq atorfininnermi.
• Sulisut inissiaannik tunniussisoqarsinnaavoq, tassunga akiliisoqartassaaq malitassat atuuttut najoqqutaralugit.

Atorfiniffissaq 1.august 2023 imaluunniit isumaqatigiissuteqarnikkut.

Atorfik pillugu paasissutissanik amerlanerusunik paasiniaasoqarsinnaavoq pisortaagallartumut Uvdloriaq Kleist imalt. Tullersortaagallartumut Hans C. Jensen oqarasuaammut (+299) 864188: Uvdloriaq Kleist: uvkl@qeqqata.gl  Hans C. Jensen: hacj@qeqqata.gl Minngortuunnguup Atuarfia: minngoq@qeqqata.gl

Qinnuteqaatit:

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, attaveqarfissanik ilalerlugu, meeqqanik innarliisimannginnermik aamma pineqaatissinneqarsimannginnermik uppernarsaammik ilanngussilluni tigoreersimassavarput kingusinnerpaamik 7.juni 2023.

Attavissaq: Pisortaagallartoq: Uvdloriaq Kleist: uvkl@qeqqata.gl Tullersortaagallartoq: Hans C. Jensen: hacj@qeqqata.gl Telefon: +299 86 41 88

Qinnuteqaatit nassiussinnaavat una linkeq toorlugu: