Skip to main content
93

Dette jobopslag er udløbet

Maniitsumi meeqqanut ilaqutariinnullu immikkoortortami isumaginninnermi siunnersorti/sullissisoq marluk

Qeqqata Kommunia Maniitsumi Meeqqanut Ilaqutariinnullu immikkoortortaqarfik isumaginninnermi siunnersortinik/sullissisunik marlunnik pissarsiorpoq.

Piffissaq qinnuteqarnissamut killiliussaq: 10. maj 2019

Sumi/Immikk.: Maniitsoq

Sivisussuseq: Piffissaq tamakkerlugu

Ulloq atorfiniffissaq: Juni-p aallaqqaataanit 2019-imi isumaqatigiissuteqarnikkulluunniit

Akissarsiaqartitaaneq: Isumaqatigiissut atuuttoq naapertorlugu:

Maniitsumi Meeqqanut Ilaqutariinnullu immikkoortortaqarfimmi Isumaginninnermi siunnersortit/sullissisut marluk

Qeqqata Kommuniani Ilaqutariinnut immikkoortortaqarfik Maniitsoq, Isumaginninnermi siunnersortinik sullarissunik piumassuseqarluartunillu marlunnik pissarsiorpoq.

Ilaqutariinnut immikkoortortaq 23-nik sulisoqarpoq imatut agguataagaasunik, Ikiorsiinermi immikkoortortaqarfik, Allatseqarfik, Utoqqarnut immikkoortortaqarfik, Innarluutilinnut immikkoortortaqarfik. Meeqqanut Ilaqutariinnullu immikkoortortaqarfik, immikkoortortami pisortaq ilanngullugu arfineq-pingasunik sulisoqarsinnaavoq. Ilaqutariinnut meeqaanullu immikkoortortami sullissineq immikkoortunut marlunnut immikkoortinneqarnikuupput, Ilaqutariinnik sullissisut aamma Ilaqutariinnik paarsissartunik sullissisut.

Atorfik inissisimassaaq ilaqutariinnik sullissisuni, taakkuullutik nalunaarutinik aammalu angerlarsimaffiup avataanut inissiinnissamut pinaveersaartitsillutik suliaqartussat.

Isumaginninnermi siunnersortip innuttaasoq aallavigalugu suliassap ingerlannerani qanimut suleqatigalugu ingerlatsissaaq kiisalu suliaq peqqissaarullugu ineriartornissamut siunertalimmik suliamut atuumassuteqartut qanimut innuttaasoq peqatigilluinnarlugu suleqatigissallugit.

Isumaginninnermi siunnersortip suliassarai:

 

Nalunaarutiginninnernik isumaginninneq

  • Isumaginninnermi misissuineq
  • Iliuusissamik pilersaarutit malitsinneqarnissaallu
  • Paasissutissanik aallernerit – ulluunerani paaqqinniffiit, atuarfik, peqqinnissaqarfik il.il.
  • Aningaarsartuutaasinnaasunik suliamut attuumassuteqartunut suliaqarneq.
  • Suliap malitseqartinnissaannut (efterværn) suliaqarneq
  • Ilaqutariinnermut Isumaginninnermullu ataatsimiititaliamut qinnuteqaasiornerit
  • Inatsit atuuttoq malillugu siunnersuineq ilitsersuinerlu.
  • Pinartoqartillugu ikiuunneq
  • Meeqqanik inuusuttunillu oqaloqatiginninneq, angajoqqaat attaveqaatillu ilanngullugit
  • Attaveqaqatigiinnik kiisalu sulianik sullissisut ataatsimiittarnerinik ingerlatsineq
  • Immikkoortortami sulianut tunngasutigut siunnersueqatigiinnermut peqataaneq il.il
  • Pisariaqalersillugu suliassanngortartut
  • Isumaginninnermi pigaartuunermut peqataaneq

 

Naatsorsuutigaarput:

  • Inatsisinik isumaginninnermut tunngasuni ilisimasaqartuusutit.
  • Kommunimi suliassanik suliaqarnermik il.il. misilittagaqassasutit.
  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit
  • Tamat isiginnissinnaalluartuusutit aamma pisuni ulapaarfiusuni.

 

Ilinniakkatigut piginnaasat:

  • Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit
  • Marluinnik oqaaseqartuusutit.
  • Oqaatsinik atuinermut allattariarsornermullu pitsaasumik piginnaasaqartuusutit.

 

Inuttut piginnaasat:

  • Sullissinermik sungiusimasaqartutit 
  • Saaffikkuminartuusutit, akuersaartumillu isiginnittariaaseqartuusutit 
  • Namminersortumik akisussaassuseqartumillu sulisinnaasutit
  • Aalajaatsuusutit tatiginartuusutillu
  • Suliassanut ilisimaarinnittuusutit, pimoorussisuullutillu
  • Suleqatikkuminartuusutit

Akissarsiat atorfinitsitaanermilu atugassarititaasut:

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Meeqqanik pinerliisimannginnermut pineqaatissinneqarsimannginnermullu uppernarsaat

Atorfik meeqqanik pinerliisimannginnermut pineqaatissinneqarsimannginnermullu uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat.

Atorfik pillugu paasissutissat sukumiinerusut Ilaqutariinnermut pisortaq Bertha Dalager, oqarasuaat (+299) 81 78 53, e-mail: beda@qeqqata.gl imaluunniit siunnersortinut aqutsisoq Dorthe Poulsen, oqarasuaat (+299) 81 78 31 e-mail dopo@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2018-imi maj-ip 10-ani tigoreersimassavarput.

Qinnuteqaat uunga nassiunneqassaaq:

Qeqqata Kommunia
Sulisoqarnermut Allaffeqarfik
Postboks 1014
3911 Sisimiut
E-mail: job@qeqqata.gl
Web: www.qeqqata.gl/job