Skip to main content
86

Dette jobopslag er udløbet

Maniitsumi Atuarfik Kilaaseeraq atuarfimmut pisortap tullianik pissarsiorpoq

Atuarfik Kilaaseeqqami ilinniartitsisut amerlassusiligaanerat
Atuartut 330 missaaniipput

Ilinniartitsisunut 42-nut amerlassusiligaavoq

1. klassimiit 10. klassimut klassit katillugit 21-t

Immikkut atuartitsivittaa 5-nik holdeqarpoq

Allanik apeqqutissaqartoqaruni atuarfimmi pisortamut Elna Heilmann oqarasuaat +299 813122 imaluunniit mailikkut kilaas@kilaas.gl atorlugit saaffiginnittoqarsinnaavoq.

 

Suleriaaseq:
Atuarfik Kilaaseeraq allaanerusumik akunnernut agguataarinermik suliaqarnikuuvoq, tassani aallaaviulluni eqaatsumik pilersaarusiornikkut aammalu atuartunut uv-akunnerit ikinnerutinneranni ilinniartitsisut nukissaannik pitsaanerusumik atuineq.

Qeqqata Kommuniata atuarfiullu suliniuteqarfigisai:

  • Atuartut oqaatsimikkut piginnaasaasa ineriartortinneqarnissaat aamma saqqummiisinnaassusaasa ineriartortinneqarnissaat.
  • Atuartut "Ileqqut pitsaasut 7" atornerisigut atuarnerminnut peqataassapput akisussaasusermillu tiguseqataallutik.
  • Klassit atuartitsinerlu pillugit assigiinngisaartoq pillugu ilinniartitsisoqatigiit suleqatigiissapput ingerlaavartumillu nalilersuineq atorlugu.
  • Atuartitsinermi sakkutut iPad atorneqartarpoq, tassani ilikkagaqarnissami atuartut kajumissaarneqatarlutik
  • Atuartitsineq pinngortitami ingerlanneqarsinnaassaaq, avatangiisinik atuineq, atuartitsineq nutaaliorfiusoq aamma aalaneq

 

Suliasssat:

  • Atuarfiup anguniagaanik, ineriartoqqinneranik, ukiumut pilersaarusiorneranik malinnaaneq, Tabulex atorlugu akunnernut agguataarinermut pilersaarusiorneq  Trio – Tea
  • 1. oktobarimut nalunaarutinik aamma 1. julimut nalunaarutinik suliaqarneq
  • Inaarutaasumik misilitsinnissanik pilersaarusiorneq aamma Ilinniartitaanermik Aqutsisoqarfimmut nalunaarutiginninneq
  • Atuartut angerlarsimaffiata atuarfiullu akornanni suleqatigiinneq
  • Sammisassanut pilersaarutit ataatsimiittarnissanullu pilersaarutit ilanngullugit skemaliorneq
  • Intranettimut ataqatigiissaarisuuneq ilanngullugu angajoqqaanut attaveqarneq angajoqqaanullu paasissutissiisarneq
  • Paarlattaasartunut skema
  • Atualertussat allatsinneri / atuarunnaartut nalunaarutigineri
  • Alloriarfinni aqutsisut peqatigalugit suliniutinik ataqatigiissaarineq

 

Maniitsoq ukiuni kingulerni arlalippassuarni aalisarnikkut ingerlalluartuuvoq, tassani kommuni illoqarfimmik takujuminarsaanermik, inissianik sanaartornissanik suliaqartarsimalluni aammalu nutaamik eqqarsarnikkut meeqqeriveqarnikkut sunngiffimmilu sammisassatigut neqeroorutinik suliaqarluni.  Maniitsumi tullinnguuttutigut periarfissaqarluarpoq:

  • meeqqerivinni inissat akitigut appasissut.
  • Sunngiffimmi sammisassat
  • sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
  • pinngortitamut pisuttuarneq angallammillu angalaarluni periarfissat pitsaasut

 

Akissarsiat atorfeqartitaanermilu atugassarititaasut
Ukiuni aalajangersimasuni atorfinitsitaaneq (takuuk www.imak.gl) pillugu isumaqatigiissutinut atuuttunut naapertuuttumik akissarsiaqartitaaneq atorfinitsitaanerlu pissapput, sulinngiffeqarluni angalasinnaatitaaneq pequtinillu assartuinerit ilanngullugit. Atorfinitsitaanissamut piffissaq minnerpaamik ukiunut pingasunut aalajangersaneqarpoq, ukiukkaartumik sivitsorneqarsinnaaneranik periarfissalerlugu.

 

Ineqarneq
Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il. tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il.il. qulaani maleruaqqusaasut naapertorlugit akiliuteqartoqartassalluni.

Pinerluuteqarsimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu poitiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

 

2021-mi maajip aallaqqaataani isumaqatigiissuteqarnikkulluunniit sulilertoqassaaq.

Atorfik pillugu paasisutissat annertunerusut atuarfimmi pisortamut Elna Heilmann, oqarasuaat 81 75 22 imaluunniit email elna@klilaas.gl saaffiginninnikkut pissarsiarineqarsinnapput.

 

Qinnuteqarnissami immersugasaq uani http://www.maniitsumi-atuarfiit.gl. aaneqassaaq.

Qinnuteqaat makkuninnga imaqartinneqasaaq, ilinniarsimanermut uppernarsaatit, imminut ilisaritinneq, oqaaseqaatit, pinerliisimannginnermut uppernarsaat aamma qinnuteqaammi ilanngunneqarnissaanut pingaaruteqarsinnaasut inuttut oqaaseqaatit allat.  Kingusinnerpaamik nassiunneqassaaq 13. april 2021

 

Qinnuteqaat uunga nassiunneqassaaq: Stillingsopslag (qeqqata.gl)