Skip to main content
149

Dette jobopslag er udløbet

Maniitsumi, Atuarfik Kilaaseeqqami ulloq naallugu atuarfiup sunngiffimmi neqeroorutitaani aqutsisussamik pissarsiorpugut

Atuarfik Kilaaseeqqami ulloq naallugu atuarfiusumi sunngiffimmi neqeroorutitaa meeqqanut atuareernerup kingorna 1.-2. klassinut neqeroorutaavoq. Meeqqanut 5-niik 7-nut ukiulinnut 70-it tikillugit inissaqarpoq. Sulisoqarlunilu aqutsisoq ilanngullugu 7-it.

Ulloq naallugu atuarfiup sunngiffimmi neqeroorutaa ammasarpoq nal. 7.30-imit 17.00-mut. Atuarfiup illutaaniilluni.

Naatsorsuutigaarput illit:

  • Perorsaasutut ilinniarnikuusimassasutit imaluunniit assingusumik ilinniagaqarsimasoq kiisalu meeqqanik sullissinissamut soqutiginnittuusariaqarputit
  • Aqutsinermik misilittagaqartutit
  • Perorsaanikkut anguniakkanik ingerlaavartumik aallusseqataasinnaasutit
  • Meeqqanut tusarnaarsinnaassuseqarlutit aamma meeqqanut, sulisunut angajoqqaanut aqutsisunullu suleqateqarluarsinnaasutit
  • Sungiussiasuusutit aalajaatsuullutillu kalaallisut qallunaatullu oqaaseqarlutit
  • Uummaarillutit aqutsilluarlutit suleqataalluarlutillu, suliffiullu nuannersuunissaanik pingaartitsillutit anguniarnissaanut peqataallutit suleqataanissat.
  • Meeqqat atuarfiata inatsisaanut, FN-illu meeqqanut pisinnaatitaaffii maleruarneqarnissaannut qulakkeerinneqataasinnaasutit

Neqeroorutigaagut:

  • Perorsaariaatsinik ineriartortitsinermi unamminartumik sulineq
  • Ulloq naallugu atuarfimmik sunngiffimmilu neqeroorutaanik ineriartortinneqarnerani suliami peqataassaatit
  • Atuarfimmi iluarsartuussinermi suliami peqataassaatit
  • Sulisut qiimasut
  • Atuarfimmi suleqateqarluarneq

Akissarsiat atorfinitsitaanermilu atugassarititaasut:

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut, NPK aamma SIK akornanni qaqugukkulluunniit isumaqatigiissutit atuuttut naapertorlugit inissinneqassapput. Inissaqartitsisoqarsinnaavoq, malittarisassat perorsaasunut atuuttut naapertorlugit akilersorneqartussamik. Ikiortitut ilinniagalinnut inissaqartitsisoqarsinnaani.

Meeqqanik pinerliisimannginnermut aamma pillagaasimanermut uppernarsaatit:

Atorfik meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiuvoq. Taamaattumik maluginiaqqussavarput Qeqqata Kommunia meeqqanik pinerliisimannginnermut aamma pillagaasimanermut uppernarsaatinik naammaginartunik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Qinnuteqaatit:

Qinnuteqaat tunniunneqarsimassaaq imaqassalluni, ilinniarsimanermut allagartat, suliffigisimasanit oqaaseqaatit nammineq aqqusaarsimasat allaaserineri, pernerlussimannginnermut uppernarsaat aammalu suliffigisimasamit paasiniaasinnaanermut innersuussineq. Taakklu tunniunneqarsimassapput kingusinnerpaamik 8. december 2022.

Sulilerfissaq 1. februar 2023 imaluunniit isumaqatigiissuteqarnikkut ulluliilluni.

Attavissat:

Paasissutissat annerusut pissarsiarineqarusukkunik saaffiginnittoqarsinnaavoq Atuarfik Kilaaseeqqami pisortaagallartumut Mina Marie Andersen sianerluni 817522 mail: mina@kilaas.gl

Qinnuteqaatit nassiussinnaavat una linkeq toorlugu: