Skip to main content
87

Dette jobopslag er udløbet

Kommunip sannaviani formandimik Sisimiut

Qeqqata Kommuniani Sisimiuni, Teknikkimut Avatangiisinullu immikkoortortap ataani, kommunip sannaviani formanditut atorfik inuttaqanngilaq.

Kommunip sannaviani sulisut 14-it missaaniittut sannavimmit aqunneqartarput. Ukiukkut ilaatigut aputaajaasussat aqunneqarlutillu agguataarneqartarput, Majuartaateqarfimmilu aqutsisoq suleqatigalugu sisorartarfimmi suliassat ingerlanneqarnerat qularnaarneqartarluni. Majuartaateqarfimmi aqutsisoq Kommunip sannaviani formandimut qanimut attaveqassaaq. Asaanerani aqqusinernik, kussinernik, pisuinnaat aqqutaanik aqqusineeqqanillu aserfallatsaaliinerit kiisalu asfaltilerinermi suliassanik ataqatigiissaarinerit ingerlanneqartarput. Ukioq kaajallallugu illoqarfik sumi tamani eqqagassaqannginnissaa, pigisallu nunaminertamik atugassinneqanngitsut piiarneqarnissaat kiisalu kuuffissuit iluamik ingerlanissaat qulakkeerniarneqartarput.
Atortulersuutitigut ingerlalluarnissamut, ikaartarfinnik majuartarfinnillu kiisalu pinnguartarfinnik aserfallatsaaliinernik, sanerneq kussinernillu saliinernik, kuuffissualerinernik, eqqagassanik angisuunik isumaginninnernik kiisalu allanik suliakkiunneqartunik isumaginninnernik suliffik suliassartaqarpoq.

Qinnuteqarfissaq kingulleq:

2. juni 2020

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

1. juli 2020 isumaqatigiissuteqarnikkulluunniit

Akissarsiat:

Isumaqatigiissutit malillugit

Pingaarnertut suliassat akisussaaffiillu: 

·          Uumasuuteqarnissamut uumasullu akornutaasut pillugit Aqqusinernik oqartussanut, Umiarsualivinnut oqartussanut kiisalu avatangiisinut oqartussanut sinniisuuneq.

·          Sisimiuni kommunip sannaviutaani sulisunik ulluinnarni aqutsineq.

·          Holdlederinut suliassanik agguaassineq kiisalu suleriutsinik pitsanngorsaaneq.

·          Suliassanik suliarisanik kiisalu pilersaarutaasunik systemeqartumik nakkutiginninneq.

·          Atortussanik piniarneq akiligassanillu konteeriineq.

·          Akissarsiassat sulinngiffeqarnissamullu pilersaarutit allattorsimaffiinik nakkutilliineq tunniussinerlu.

·          Maskiinanut illuutinullu akisussaaneq.

·          Kommunip suliakkiussaanik nakkutiginninneq.

·          Teknikkimut Avatangiisinullu immikkoortortami sulisut suleqatigalugit, suliniutinik suliaqarnermi peqataaneq

·          Anguniagaqartumik aqutsinikkut sulisoqarnermullu politikki naapertorlugit sulineq kiisalu sulisunik pikkorissartitsinikkut ukiumullu ineriartuutaasumik oqaloqatiginnittarnikkut, sulisunik inerisaaneq.

·          Avataanit entreprenørinik attaveqarneq

·          Ukiuunerani apisarnerinik nakkutilliineq.

·          Sisimiut nunaqarfiini vejformand-inik isumasioqatigiittarneq.

Formandi aallaavittut ullormut nal. 7.00-imit 16.00-imut sulisarpoq. Pinartoqartillugu aggeqquneqarsinnaalluni.

Atorfimmut atatillugu biilinik oqarasuaammillu angallattakkamik atugassaqartitsisoqassaq, malittarisassat atuuttut malillugit akileraarutaasussat.

Piginnaasassat

·  Sulisunik aqutsinermik misilittagaqartutit

·  Assassornermut imaluunniit assingusumik ilinniarsimasuusutit.

·  Aqqusinniornermik/iluarsartuussinermik, asfaltilersuinermik, kussiniliornermik kiisalu imaajaanermik misilittagaqartutit.

·  IT-mik atuilluarsinnaasutit, matumani ulluinnarni MS Office-mik atuisinnaaneq ilanngullugu.

·  Torersuusutit, aaqqissuusaasumik sulisinnaasutit ulapaarfinnilu eqqissisimasinnaassuseqartuusutit.

·  Nammineersinnaassuseqartutit ajornartorsiutinullu aaqqiissutissarsiorsinnaasuseqartutit.

·  Akinik naatsorsuinermik misilittagaqartuusutit.

·  Aningaasaqarnikkut ilisimasaqartutit tamanillu isiginnissinnaasutit

  · Kalaallisut oqalussinnaaneq allassinnaanerlu piumasaqaataavoq. Qallunaatut oqalussinnaanissaq iluaqutaassaaq.

Akissarsiat atorfeqartitaanermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Atorfininneq: 1 juuli 2020 isumaqatigiissuteqarnikkulluunniit

Atorfik pillugu paasissutissat sukumiinerusut immikkoortumi aqutsisumut Martin Jungersen-imut oqarasuaat 867475/527645, e-mail: maju@qeqqata.gl atorlugit saaffiginninnikkut pissarsiarineqarsinnaapput .

Qinnuteqaat soraarummeersimanermik uppernarsaatinik, imminut ilisaritinnermik, oqaseqaatinik attavigineqarsinnaasunillu ilaqartinneqartoq, kingusinnerpaamik 2020-imi juunip aappaani uunga nassiunneqassaaq: 

Qeqqata Kommunia
Sulisoqarnermut allaffik
Postbox 1014
3911 Sisimiut
e-mail: jobs@qeqqata.gl
www.qeqqata.gl

 

Attavissaq:
Martin Jungersen
(+299) 86 74 75
maju@qeqqata.gl